Menntamál - 01.04.1962, Qupperneq 24

14
MENNTAMÁL
bindindissöm á áfengi eins og barnakennarar, og fjöl-
margir þeirra neyta heldur ekki tóbaks. Þetta eitt út af
fyrir sig hef ég alla tíð talið til mikillar fyrirmyndar.
Sóknin um sæmileg laun til barna- og unglingakennara
hefur gengið fremur seinlega og verr en ýmis önnur mál,
sem S.Í.B. hefur starfað að. Nú er svo komið, að fjöldi
manna með kennaramenntun hverfur frá kennslu og
leitar annarra starfa skár launaðara. Þetta er með öllu
ómaklegt gagnvart trúrri, áhugasamri og hófsamri stétt.
Enn fremur er þetta mikill skaði, ómetanlegur fyrir þjóð-
félagið og fræðsluna í landinu.
Á grundvelli þeim, sem S.Í.B. hefur mótað, ásamt kunn-
áttu og áhuga kennaranna sjálfra, hafa þeir leitt æsku-
lýðinn til náms og þroska. Þó að margar veilur séu í
uppeldi barna og unglinga, verða fleiri að svara til saka,
ef sök er, en kennararnir. Þeir hafa með skynsamlegum
virkum samtökum myndað virðulega stétt manna, sem
með drengilegu starfi og óeigingjörnu hefur haldið í hönd
nemenda sinna og leitt þá af heilum huga til manndóms
og frama, svo sem þeim var frekast auðið. Þetta er mín
skoðun og reynsla að lokinni langri starfsævi ætíð í ná-
inni samvinnu við þetta fólk, það er að segja jafnaldra
mína og eldri; ég hef einnig haft hin beztu kynni af
yngri kennurum.
Formenn S.Í.B. hafa verið þessir menn, taldir í þeirri
röð, sem þeir voru kosnir formenn:
Bjarni Bjarnason, þá skólastjóri í Hafnarfirði,
Helgi Hjörvar, kennari í Reykjavík,
Guðjón Guðjónsson, þá skólastjóri í Hafnarfirði,
Arngrímur Kristjánsson, skólastjóri í Reykjavík,
Sigurður Thorlacius, skólastjóri í Reykjavík,
Aðalsteinn Sigmundsson, kennari í Reykjavík,
Ingimar Jóhannesson, kennari í Reykjavík,