Menntamál - 01.04.1962, Page 48
38
MENNTAMÁL
ÁSGEIR ÞORSTEINSSON verkfræðingur:
T æknimenntun.
Kaflar úr útvarpserindi.
Við athugun á tæknifræðilegum rannsóknarstörfum í
landinu, sem fór fram á vegum rannsóknaráðs ríkisins
árið 1957, kom það í ljós, að innan hóps rannsókna-
manna var fjöldi háskólamenntaðra manna allsæmilegur,
eftir ástæðum landsins í tæknilegum rannsóknum, en á
hinn bóginn var eyða í starfsliðið, sem í öðrum löndum
er fyllt í með fólki á lægra tæknimenntunarstigi.
Þessi eyða var að vísu áður kunn hér á landi, en ekki
fyrr skýrð með óyggjandi tölum.
Síðan þetta gerðist hafa margir orðið til þess að ítreka
þessa staðreynd og færa hana yfir á fleiri svið en rann-
sóknastörfin.
Það er ekki um auðugan garð að gresja í tæknifræði-
námi hér á landi. Er því fljótt farið yfir sögu að rekja,
eftir hvaða leiðum unglingar geta helgað sig slíku námi.
I menntaskólanum í stærðfræðideild fer fram fyrsta
undirstöðufræðslan undir tæknifræðinám við tæknihá-
skóla. Stúdentspróf úr stærðfræðideild veitir rétt til inn-
göngu í verkfræðideild háskólans hér, en þar lýkur námi
í undirstöðufræðum undir tækniháskóla erlendis, svo-
nefndu fyrrihlutanámi fyrir véla-, rafmagns- og bygg-
ingarverkfræðinga.
Til fróðleiks hef ég athugað lauslega námsferil ungl-
inga, eftir að skyldunáminu er lokið.
Haustið 1957 voru í síðasta bekk skyldunámsins alls