Skagfirðingabók - 01.01.1975, Page 161

FLJOT í skagafirbi á nítjandu öld
ars B. Guðmundssonar á Hraunum, en hún mun hafa hafizt um
1880 samkvæmt riti Guðmundar Davíðssonar:
„Á efri árum sínum hafði Einar dálitla sveitaverzlun
heima á Hraunum og reisti þar dálítið verzlunarhús.
Verzlun þessa rak hann h.u.b. 20 ár, þangað til hann
fluttist alfari frá Hraunum tun nýársleytið 1900 til Haga-
nesvíkur.19
Þá hélt Einar áfram verzlun í Haganesvík, fyrst einn, en síðan
sem verzlunarstjóri Gránufélagsins.
Sveitaverzlunin á Hraunum hefur varla verið stórverzlun, en þó
til mikilla þæginda fyrir Fljótamenn, sem annars þurftu, sem fyrr
segir, ýmist að fara til Hofsóss eða til Siglufjarðar í verzlunarer-
indum. Verzlun þessi hefur verið stofnsett með leyfi sýslunefndar
samkvæmt 5. grein laga 7. nóv. 1879 á sama hátt og verzlun sú,
sem Sveini Árnasyni var heimilað að reka á Yzta-Mói árið 1890.20
Þannig eru tvær verzlanir í Fljótum á síðustu árum aldarinnar,
en það er ekki fyrr en um og eftir aldamótin, sem Haganesvík
verður verzlunarmiðstöð Fljótamanna, fyrst með verzlun Einars
á Hraunum og síðar, er Gránufélagið tók við aðstöðu hans.21
Hinn 18. desember 1897 gaf konungur út lög um löggildingu
verzlunarstaðar við Haganesvík, en þess verður ekki vart, að
verzlað sé þar fyrir aldamót. Þessi Haganesvíkurlög eru nr. 37,
18. desember 1897, og eru svofelld:22
Lög
um
löggildingu verzlunarstaðar við Haganesvík í Fljótum.
Vjer Christian hinn Níundi, af guðs náð Danmerkur konungur,
Vinda og Gauta, hertogi í Sljesvík, Holtsetalandi, Stórmæri,
Þjettmerski, Láenborg og Aldinborg,
Gjörum kunnugt: Alþingi hefur fallizt á lög þessi og Vjer staðfest
þau með samþykki Voru:
159