Skagfirðingabók - 01.01.1975, Síða 172
SKAGFIRÐINGABÓK
ábyrgðarfélagið styrk til skólans á ný, en hættir síðan skyndilega
að styðja hann, og eru ástæður til þess óljósar.
„Skal engum getum að því leitt, hvað þessu olli, en það
hafði auðvitað þær afleiðingar, að hinum efnaminni
æskumönnum var bægt frá kennslu. Jón hélt áfram að
veita tilsögn eftir sem áður, en að sjálfsögðu langtum
færri nemendum ár hvert, enda þurftu þeir nú að greiða
kennslu- og fæðisgjald án allra styrkja.“30
Eins og hér kemur fram, lét Jón styrkleysið ekki aftra því, að
skólinn yrði haldinn næstu árin, og mun hann hafa kennt í Haga-
nesi allt til ársins 1875, er hann fluttist burt úr Fljótum. Hefur
skólinn þannig starfað í um það bil sjö ár, en aðeins tvö með fjár-
hagsaðstoð skipaábyrgðarfélagsins. (Forstöðumaður Hins eyfirzka
skipaábyrgðarfélags var B. A. Steincke, danskur maður, sem um
skeið var verzlunarfulltrúi hjá Gudmannsverzlun á Akureyri og
sinnti ýmsum öðrum störfum hérlendis.)31
Menntun í Haganesskólanum þótti afar haldgóð, og kappkost-
uðu útgerðarmenn að koma sonum sínum og öðrum efnilegum
mönnum til mennta þar. Var það eðiilegt, þar eð útgerð stórra
skipa var um þetta leyti í vexti, og góð kunnátta skipstjóra á sviði
sjómannafræða, meðal annars siglingafræði, var forsenda þess, að
skipin gætu siglt á fjarlæg mið.
Haganesskólinn var Fljótum nokkur lyftistöng þau árin, sem
hann var við lýði, en eftir að skólinn var lagður niður, var skóla-
laust í Skagafirði, þangað til búnaðarskóli var stofnaður að Hól-
um í Hjaltadal á níunda tug aldarinnar.
Vart er um aðra fræðslu að ræða í Fljótum á 19- öld en þá, sem
hér hefur verið nefnd. Þó munu annað slagið hafa starfað far-
kennarar í sveitinni á síðari hluta aldarinnar, en þess er þó óvíða
getið í heimildum.
170