Morgunblaðið - 13.10.1987, Blaðsíða 30

30
MORGUNBLAÐIÐ, ÞRIÐJUDAGUR 13. OKTÓBER 1987
Gjaldhækkun á nýja fólksbíla:
Áætlaðar tekjur rík-
issjóðs á næsta ári um
300 milljónir króna
SÉRSTAKT gjald á nýjum inn-
fluttum fólksbílum hækkaði í
gær á bilinu frá 5% til 23%, sam-
kvæmt ákvörðun ríkisstjórnar-
innar. Er áætlað að aðgerðir
þessar muni skila ríkissjóði um
80 miUjónum króna á þessu ári
og um 300 milljónum á næsta
ári, samkvæmt upplýsingum sem
fengust í fjármálaráðuneytinu í
gær. Hækkunin er nokkuð mis-
munandi eftir stærð og þyngd
bifreiða og hækka hinar þyngstu
hlutfallslega mest. Miðað er við
7 gjaldflokka og verður gjaldið
í lægsta flokki nú 5% en var
ekkert áður. í hæsta flokki
hækkar gjaldið hins vegar úr
32% í 55%. Sem dæmi má nefna
að Daihatsu Charade, sem er í
iægsta flokki hækkar úr 365
þúsund krónum í 380 þúsund
krónur, eða um 15 þúsund krón-
ur en Merzesdes Benz 500 SE,
hækkar um 480 þúsund krónur,
kostaði áður um 2,9 milljónir en
kostar nú um 3,4 milljónir.
Lög um sérstakt gjald á nýjum
innfluttum bflum eru frá árinu 1960
og hefur gjaldið verið breytilegt í
gegnum árin. í febrúarsamningun-
um 1986 lækkaði það frá því sem
verið hafði jafnffamt því sem tollar
á bflum voru lækkaðir. Gjaldið hef-
ur síðastliðið eitt og hálft ár verið
á bilinu 0 til 32% en er nú eftir
breytinguna á bilinu 5% til 55%.
Miðað er við 7 gjaldflokka, sem fer
eftir þyngd bifreiða eða sprengju-
rými véla, en bifreiðainnflytjendur
ákveða sjálfir hvort heldur ræður
við röðun viðkomandi bifreiða í
gjaldflokka.
í 1. flokki eru bflar sem eru 700
kfló eða léttari eða með sprengiiými
á bilinu 0 til 1000 rúmsentimetra.
Gjaldið á þeim bflum hækkaði úr 0
í 5%. í 2. flokki eru bflar frá 701
til 800 kfló eða með sprengiiými
1001 til 1300 rúmsentimetra.
Hækkunin á þeim var frá 5 til 13%.
Hækkunin í 3. flokki var úr 9% í
20% en í þeim flokki eru bflar sem
eru á bilinu 801 til 900 kfló eða
með sprengirýrru 1301 til 1600
rúmsentimetra. í 4. flokki var
hækkunin úr 13% í 27%, en í þeim
flokki eru bflar 901 til 1.100 kfló
eða með sprengjurými 1601 til 2000
rúmsentimetra. í 5. flokki varð
hækkun úr 20% í 37%, það eru bflar
á bilinu 1101 til 1300 kfló eða með
sprengjurými 2001 til 2300 rúms-
entimetra. í 6. flokki varð hækkun
úr 28% í 47%, bflar frá 1301 til
1500 kfló eða^með sprengjurými
2301 til 3000. í 7. og hæsta flokki
varð hækkunin úr 32% í 55%, en
það eru bflar þyngri en 1,5 tonn
eða með sprengjurými yfir 3000
rúmsentimetra.
Bifreiðainnflytjendur, sem Morg-
unblaðið ræddi við í gær, voru
almennt sammála um að búast
mætti við að sala á nýjum bílum
drægist saman við þessar aðgerðir.
Hækkunin nú kæmi þó á „besta
tíma“, eins og einn þeirra orðaði
það, þar sem sala á 1988 árgerðum
væri nýhafin og því minni hætta á
að umboðin sætu uppi með pantan-
ir sem ekki seldust.
Sem dæmi um hækkanir á ein-
stökum tegundum má nefna að
söluhæsti bfll Sambandsins, Chev-
rolet Monza, hækkar úr 491 þúsund
krónum í 536 þúsund krónur, eða
um 45 þúsund krónur, en minnsta
gerðin af Opel Corsa, sem er í
lægsta flokki hækkar úr 366 þús-
undum í 399 þúsund krónur.
Algengasta tegundin af Toyota
Corolla 1300 XL 5 dyra og 4 gíra,
sem er í 2. gjaldflokki þar sem
gjaldið hækkar úr 5% í 13%, kostar
nú 453 þúsund krónur, en kostaði
áður 424 þúsund. Dýrari og þyngri
tegundimar hækka hins vegar hlut-
fallslega mest. Þannig hækkar
Mercedes Benz 190, sem er í 4.
gjaldflokki, um 120 þúsund krónur,
fer úr 980 þúsund í 1,1 milljón og
Benz 230 E, sem er í 5. gjaldflokki
hækkar um 180 þúsund krónur svo
dæmi séu nefnd.
Eigendur Gísla J. Johnsen, Erling Ásgeirsson (t.
son fyrir framan aðalstöðvar Skrifstofuvéla hf.,
á um helgina.
v.) og Gunnar Ólafs-
sem þeir festu kaup
Kaup Gísla J. Johnsen á Skrifstofuvélum:
Fyrirtæki með 550 millj kr.
ársveltu og 100 starfsmenn
MEÐ kaupum Gísla J. Johnsen sf. á Skrifstofuvélum hf. sl. laugar-
dag eru tveir af stærstu söluaðilum IBM á íslandi komnir á eina
hendi og énda þótt fyrirtækin tvö verði áfram rekin í tvennu lagi er
tíl orðið fyrirtæki með rétt innan við 600 milljón króna ársveltu á
yfirstandandi ári og milli 90 og 100 starfsmenn.
Samkvæmt samningi þeim sem
þeir Erling Ásgeirsson og Gunnar
Ólafsson af hálfu Gísli J. Johnsen
og Ottó A. Michelsen af hálfu Skrif-
stofuvélag hf. undirrituðu sl.
laugardag tekur kaupandinn yfir
allan rekstur Skrifstofuvéla frá með
sama degi, þ.e. 10. október. Eins
og áður segir verður fyrirtækið
Skrifstofuvélar rekið áfram undir
sama nafni og á sama stað og áð-
ur, að Hverfisgötu 33 og Gísli J.
Johnsen verður áfram rekið að
Nýbýlavegi 16. Engar breytingar
eru heldur fyrirhugaðar á starfs-
mannahaldi fyrirtækjanna, að sögn
Erlings Ásgeirssonar, fram-
kvæmdastjóra Gísla J. Johnsen.
Erling mun eftirleiðis verða aðal-
framkvæmdastjóri Skrifstofuvéla
en Gunnar Ólafsson mun annast
framkvæmdastjóm hjá Gísla J. Jo-
hnsen. Ottó A. Michelsen, stofnandi
og aðaleigandi Skrifstofuvéla, hefur
fallist á að gegna ráðgjafastörfum
fyrir fyrirtækin og mun hafa að-
stöðu á sama stað og áður, að
Klapparstíg 27.
Lægra vöruverð —
betri þjónusta
Bæði fyrirtækin Skrifstofuvélar
hf. og Gísli J. Johnsen sf. eru með-
al stærstu fyrirtækja hér á landi
er selja skrifstofuvélar, skrifstofu-
búnað, tölvur og hvers kyns
hugbúnað og sameinuð eru því þessi
tvö fyrirtæki orðin stærsta skrif-
stofuvélafyrirtæki landsins. „Enda
þótt við ætlum okkar að reka fyrir-
tækin áfram með nánast óbreyttu
sniði, þá gefur það auga leið að í
samruna fyrirtælqana felst
margvíslegt hagræði svo sem í öll-
um innkaupum og við teljum okkur
því í stakk búna til að veita enn
betri þjónustu en áður, sem aftur
mun koma neytendum til góða í
lægra vöruverði og enn betri þjón-
ustu við viðskiptamenri fyrirtækj-
anna,“ segir Erling Ásgeirsson í
viðtali við Morgunblaðið.
Kaup Gísla J. Johnsen sf. á Skrif-
stofuvélum em óvenjuleg að því
leyti að hér er smærra fyrirtækið
að kaupa stærra fyrirtæki, ef miðað
er við veltutölur. Velta Gísla J. Jo-
hnsen á síðasta ári var um 150
milljónir og stefnir í um 220-30
milljónir á yfirstandandi ári. Velta
Skrifstofuvéla á síðasta ári var um
220 milljónir króna en stefnir í um
330 milljónir á þessu ári, svo að
sameiginleg velta beggja fyrirtækj-
anna á þessu ári er á billinu 550
til 600 milljónir og starfsmanna-
fjöldi á bilinu 90 til 100 manns,
eins og áður er getið.
„Þessi kaup eru einnig óvenjuleg
að öðru leyti," segir Erling. „Yfir-
leitt eru íslensk fyrirtæki seld af
tveimur ástæðum, annars vegar
vegna þess að þau eru rekin með
tapi eða hins vegar vegna óeiningar
meðal eigenda þeirra. Hvorugu er
til að dreifa í þessu tilfelli. Rekstur
Skrifstofuvéla er í mjög traustum
skorðum og rekstur þess ávalt ver-
ið til fyrirmyndar og ástæðumar
fyrir sölunni eru því allt aðrar. En
það má kannski líka segja að við
Gunnar Ólafsson séum böm okkar
tíma. Við höfum horft upp á það
að erlendis hefur verið mikið um
samruna eða nána samvinnu fyrir-
tækja í þessari starfsgrein. Þess
Verðhækkun ÁTVR:
Tekjuauki ríkisins 300 milljónir
STARFSMENN Áfengis og tó-
baksverslunar rikisins voru
önnum kafnir í gær við verð-
merkingar á vamingi sem þeir
hafa á boðstólum. Verð á áfengi
hækkar að meðaltali um 8% í dag
og á vindlingum um 10%. Ríkis-
samfara öðrum efnahagsráðstöf-
unum. Er reiknað með tekjuauki
ÁTVR skili ríkissjóði 300 milljón-
um króna umfram áætlun fram
til áramóta.
í ijárlögum þessa árs var gert
ráð fyrir 2,6 milljarða króna hagn
tóbaks og áfengis stefna nú í 3,2
milljarða króna. Við þá tölu má
bæta söluskatti er nemur 900 millj-
ónum króna.
Síðasta verðhækkun ÁTVR var
í júní og nam hún 15%-16% eftir
vörutegundum.
vegna vaknaði áhugi okkar þegar
við heyrðum að okkar gamli hús-
bóndi og uppalandi til margra ára,
Ottó A. Michelsen hefði hug á því
að selja Skrifstofuvélar og setjast
í helgan stein. Það má segja að
þetta sé seinna skrefið hjá Ottó.
Hið fyrra tók hann þegar lét af
störfum forstjóra IBM á íslandi
1982 og nú tekur hann seinna
skrefíð með því að selja þetta fyrir-
tæki, Skrifstofuvélar hf, sem hann
stofnaði 1945 og þar sem hann
hefur alla tíð verið stjórnarformað-
ur. Við ákváðum að láta á það reyna
hvort ekki semdist milli okkar og
Ottós og þetta er niðurstaðan."
Gömul IBM-tengsl
Erling segir að kaupin hafi ekki
átt sér langan aðdraganda, aðeins
fáeinat vikur. Hins vegar er ekki
ólíklegt að gömul IBM-tengsl hafi
nýst þeim Erling og Gunnari Ólafs-
syni þegar þeir gengu til þessara
samninga, því að báðir störfuðu
þeir um árabil hjá IBM á íslandi í
forstjóratíð Ottós A. Michelsen, eins
og Erling nefndi. Erling hætti þar
árið 1983 og festi þá kaup á Gísla
J. Johnsen, gamalgrónu fyrirtæki á
sviði skrifstofutækja- og búnaðar.
Gunnar Olafsson hætti hins vegar
ári síðar hjá IBM og gerðist þá
meðeigandi Erlings í Gísla J. Jo-
hnsen. Þeir hafa rekið fyrirtækið í
sameiningu allt síðan og á þessum
tíma hefur orðið mikill vöxtur í fyr-
irtækinu, m.a. vegna stóraukinnar
tölvusölu. Tölvumarkaðurinn hefur
hins vegar verið að dragast saman
síðustu misseri en Erling hefur ekki
áhyggjur af því að slíkt geti staðið
fyrirtækjunum tveimur fyrir þrif-
um.
„Hvorugt fyrirtækið, Gísli J. Jo-
hnsen og Skrifstofuvélar hf. er
einvörðungu tölvufyrirtæki og ég
get ekki betur séð en það horfí
vænlega hjá fyrirtækjum í þessari
grein sem eru blönduðum rekstri.
Bæði fyrirtækin leggja höfuðá-
herslu á góða vöru og góða þjónustu
og hafa í gengum árin byggt upp
traustan viðskiptamannahóp, sem
ætlunin er að sinna og veita enn
betri þjónustu en gert hefur verið
til þessa. Ég er þess vegna sann-
færður um þessi kaup eru farsæl
spor fyrir bæði fyrirtækin," segir
Erling.
Kaupverðið á Skrifstofuvélum
fæst ekki gefið upp en Erling segir
góð viðskipti og séu sammála um
að halda kaupverðinu fyrir sig. En
hvernig fer Gísli J. Johnsen að því
að fjármagna kaupin. „Við höfum
rekið Gísla J. Johnsen síðan 1983.
Þetta hafa verið mikil uppgangsár
og reksturinn gengið vel, sem aftur
hefur orðið til þess að afla okkur
trausts í banka- og viðskiptalífinu
almennt og leitt til þess að þessi
kaup voru framkvæmanleg," segir
Erling.
Ottó A. Michelsen vill hins vegar
ekki fjölyrða um ástæður sínar fyr-
ir sölunni á Skrifstofuvélum hf. og
vísar til fréttatilkynningar frá fyrir-
tækjunum um eigendaskiptin.
„Framtíðin er æskunnar," sagði
hann þó í samtali við Morgunblaðið.
-BVS
Gjaldskrá
sundstaða
hækkar
BORGARRÁÐ hefur samþykkt
tillögu íþrótta- og tómstundar-
áðs um hækkun á gjaldskrá
sundstaða í borginni. Sam-
kvæmt nýju gjaldskránni
hækkar hver einstakur miði
fullorðinna úr 45 krónum í 50
krónur og einstakur miði barna
úr 20 krónum í 25 krónur.
Tíu fullorðinsmiðar sem áður
kostuðu kr. 400 kosta nú kr. 450,
tíu barnamiðar hækka úr kr. 130
í kr. 145 og þijátíu fullorðinsmið-
ar hækka úr kr. 1000 í 1.100.
Einstakur miði í gufubað hækk-
ar úr kr. 100 í kr. 110 en tíu
miðar kosta eftirleiðis kr. 900.
Leiga á handklæði og sundfatnaði
hækkar úr kr. 60 í kr. 65.
Tíu miðar á sundæfingu fyrir
fullorðna hækka úr kr. 150 í kr.
165 og tíu miðar á sundæfingu
fyrir börn hækka úr kr. 100 í kr.
110.
ö
INNLENT
stjórnin boðaði þessari hækkanir aði ÁTVR. Tekjur ríkissjóðs af sölu að báðir aðilar telji sig hafa gert