Morgunblaðið - 13.10.1987, Blaðsíða 40

40
MORGUNBLAÐIÐ, ÞRIÐJUDAGUR 13. OKTÓBER 1987
Þóra Hjaltadóttir formaður Alþýðusambands Norðurlands:
Ætti að leggja svæða-
samböndin niðiu’
ef boðaðar breytingar ná fram að ganga
„Persónulega tel ég að leggja
ætti svæðasambönd ASÍ niður í
núverandi, mynd ef þær breyt-
ingar, sem boðaðar hafa verið,
ná fram að ganga," sagði Þóra
Hjaltadóttir, formaður Alþýðu-
sambands Norðurlands, í samtali
við Morgunblaðið.
„Með öflugum starfsgreinafélög-
um, deildarskiptum verkalýðsfélög-
um, þar sem þau eiga við, og
starfsgreinasamböndum, býður
stærð þessa þjóðfélags ekki upp á
að vera með svæðasamböndin sem
slík, því við eigum að geta sinnt
þörfum og þjónað hagsmunum
launafólks á mun einfaldari hátt en
nú tíðkast," sagði Þóra.
Þing AN sendi frá sér ályktun
þar sem talið er brýnt að verkalýðs-
hreyfingin fari að vinna að breyt-
ingum á skipulagsmálum sínum
með það að markmiði að þjóna
umbjóðendum sínum betur en nú-
verandi skipulag gerir mögulegt og
hrinda beri að fullu í framkvæmd
samþykkt 27. þings ASÍ um skipu-
Allir útilokaðir sem
ekki studdu Sigríði
— segir Þröstur Asmundsson sem sagði af sér
formennsku í Alþýðubandalagsfélagi Akureyrar
ÞRÖSTUR Ásmundsson, formað-
ur Alþýðubandalagsfélagsins á
Akureyri, sagði af sér for-
mennsku á sunnudagskvöld í
kjölfar landsfundarfulltrúa-
kjörs, sem fram fór á laugardag.
Kjörnir voru 14 aðalmenn og 14
til vará, og lenti Þröstur sem
fyrsti varamaður. 4
„Ég tel að af hálfu ákveðins hóps
hafí þeir verið útilokaðir sem ekki
styðja Sigríði í formannskjörið og
sá er blindur sem ekki sér hvað er
að gerast. Um það hef ég ekkert
annað að segja nema það að svona
vinnubrögð skaða Alþýðubandalag-
ið og þarf það á einhveiju allt öðru
að halda um þessar mundir. Sjálfur
átti ég ekki annars úrkosti en að
segja af mér, enda hafa fjölmargir
haft samband við mig og lýst yfir
skilningi sínum á þessari ákvörðun
eftir það sem á undan var gengið,“
sagði Þröstur í samtali við Morgun-
blaðið í gær. Hann bætti því við
að hann hefði ekkert út á Sigríði
eða störf hennar að setja og hefði
hann ekki í hyggju að hætta starf-
semi í Alþýðubandalaginu þótt hann
hafi sagt af sér formennsku í félag-
inu. Þröstur var kosinn til formanns
fyrr í sumar.
Sigríður sagði að sundrung væri
engin í félaginu þótt einn maður
segði af sér formennsku. Þetta
væri persónulegt mál Þrastar. „Ég
kem á landsfund með breiðan
stuðning og má vera að það hafi
áhrif á fulltrúatalið. Ég hef ekki
spurt félaga mína hvort þeir styðji
mig, en ég tel mig eiga góðan stuðn-
ing, að minnsta kosti hér heima
fyrir," sagði Sigríður.
lag verkalýðssamtakanna sem
haldið var árið 1960.
Þingið skorar á verkalýðsfélögin
í landinu að vinna ákveðið að því
að kynna framangreind drög að
skipulagi hreyfingarinnar. í þeim
tilgangi verður ASÍ að gangast fyr-
ir víðtæku kynningarstarfi og
umræðum innan hreyfingarinnar
með það að markmiði að næsta þing
ASÍ fjalli um og taki ákvarðanir
um skipulagsmálin.
Þóra sagði að á 35. þingi ASÍ,
sem haldið var 1984, hefði verið
samþykkt að stefna að þessum
breytingum og færi AN fram á
þetta mál yrði afgreitt á næsta þingi
ASÍ, sem haldið verður eftir ár.
„Þetta skipulag er fáránlegt eins
og það nú er og hamlar eðlilegri
samningagerð. Sem dæmi má nefna
að af því fólki sem starfar hjá Slipp-
stöðinni eru að minnsta kosti fimm
hópar innan ASÍ og tilheyra þar
af leiðandi fímm mismunandi stétt-
arfélögum. Verkamenn eru í
Einingu, skrifstofufólk er í Félagi
skrifstofufólks, málmiðnaðarmenn
eru í Félagi málmiðnaðarmanna,
rafvirkjar eru í Rafvirkjafélagi Ak-
ureyrar og trésmiðir eru í Trésmíða-
félagi Akureyrar.“
Busum var gefið kakó að aflokinni vígslu.
Morgunblaðið/GSV
Busar vígðir til leiks
HIN árlega busaviglsa Mennta-
skólans á Akureyri fór fram
sl. föstudag, þrátt fyrir slæmt
veðurfar. Fyrstu bekkingarnir
voru sóttir inn í stofur sínar
og þeim hent út í snjókomuna.
Þar tóku fjórðu bekkingar á
móti nýliðunum og merktu þá
með því að lita hár þeirra. Þá
var þeim dýft ofan í eitthvers-
konar mauk, samansett úr
hinum ýmsu mjöðum og því
næst voru menn tolleraðir. Eft-
ir meðferðina var nýliðum
gefið heitt kakó í hríðarkófinu
á lóð skólans og að vanda var
að síðustu marserað í bæinn.
Hvað verður gert næst
20. þing Alþýðusambands Norðurlands:
Fortíðarvandi hinna almennu líf-
eyrissjóða skilinn eftir óleystur
með nýju frumvarpi endurskoðunarnefndar lífeyriskerfisins
ÞING Alþýðusambands Norður-
lands, sem haldið var á Akureyri
um helgina, telur eðlilegt að
strangara eftirlit sé haft með
starfsemi lífeyrissjóða en verið
hefur, en mótmælir þeim hug-
myndum um lífeyrissjóðaeftirlit,
sem fram koma í nýju frumvarpi
Endurskoðunarnefndar lífeyris-
kerfisins. Telur þingið að þarna
sé verið að koma á fót nýju, mið-
stýrðu og kostnaðarsömu bákni,
sem fært er nánast alræðisvald
i málefnum sjóðanna.
Eitt meginmarkmið endurskoð-
unarinnar var að samræma lífeyris-
rétt landsmanna. Þessu markmiði
er ekki náð í frumvarpinu, þar sem
að í bráðabirgðaákvæði, sem því
fylgir, halda opinberir starfsmenn
öllum áunnum réttindum með
ábyrgð hins opinbera, en fortíðar-
vandi hinna almennu sjóða er
skilinn eftir óleystur, segir í ályktun
þingsins. Þingið leggur áherslu á
Akureyri
óskar eftir fólki á öllum aldri til að
bera út Morgunblaðið strax og það
kemur íbæinn.
„Hressandi morgunganga"
Hafið samband!
iHftrgpttiMnfófr
Hafnarstraeti 85, Akureyri,
sími 23905.
að tekið verði tillit til sjónarmiða
landsbyggðarinnar um að halda fé
lífeyrissjóðanna í heimahéruðum,
ásamt ákvörðunarvaldi um ráðstöf-
un þess, meðal annars til atvinnu-
uppbyggingar. Þá er þeirri áskorun
beint til norðlenskra lífeyrissjóða
að þeir fari nú þegar að huga að
auknu samstarfi og hugsanlegri
sameiningu.
Búseturöskun
og tekjubil
Þingið telur að ýmislegt sem er
að gerast í þjóðlífinu hafi í för með
sér grundvallarbreytingu á þjóð-
félagsgerðinni og þá ekki síst
atvinnulífinu, gerð þess og upp-
byggingu. Þensluástand undanfar-
inna missera, sem einkum hefur
verið á suðvesturhominu, hefur á
ný orsakað búseturöskun og tekju-
bil einstakra hópa hefur aukist. Þau
þenslueinkenni, sem nú eru um allt
land, virðast svo ekki ætla að verða
til þess að snúa þessari þróun við.
Samdráttur í landbúnaði og bú-
háttabreytingar í sveitum hafa haft
mikil áhrif á vinnumarkaðinn á
ýmsum stöðum á Norðurlandi í þá
átt að fólk í sveitum leitar nú í vinnu
á þéttbýlisstöðunum. Útflutningur
á ísuðum físki og fijálst fiskverð
hefur ekki enn haft afgerandi áhrif
á fískvinnslu á Norðurlandi. Það
ástand kann þó að breytast. Leggja
ber áherslu á að afli sé sem mest
fulluninn hérlendis og fiskvinnslu-
fólki þar með tryggt atvinnuöryggi.
Staða ullar- og skinnaiðnaðarins er
mjög erfíð og ef ekkert verður að
gert stefnir það atvinnuöryggi
þeirra sem við iðnaðinn starfa í
mikla hættu. Búa verður þannig að
íslenskum skipasmíðaiðnaði að end-
umýjun og viðhald fiski- og
kaupskipaflotans fari fram innan-
lands.
Nýjar atviiinugreinar
Þingið bendir á að gefa þurfi
gaum að nýrri tækni við fiskiðnað
sem skapað getur verðmætari af-
urðir. Gera þarf stórfellt átak í
stjórnun fyrirtækja og veita verka-
fólki aðild að stjórnun þeirra. Kenna
þarf stjórnendum að hagnýta sér
þá möguleika sem felast í vöruþró-
un og markaðssetningu á nýjum
framleiðsluvörum. Huga þarf ræki-
lega að því á hvern hátt fyrirtæki
í framleiðsluiðnaði á Norðurlandi
geti aukið markaðshlutdeild sína.
Jafnframt fái þau stuðning til að
þróa nýjar vörutegundir tengdar
þeirri framleiðslu sem þegar er fyr-
ir. Vinna þarf markvisst að því að
ýmsar þjónustugreinar festi rætur
á Norðurlandi. Unnið verði að frek-
ari skipulagningu ferðaþjónustu í
fjórðungnum. Gera eigi iðnþróunar-
félögum og slíkum stofnunum kleift
að vera stöðugt með í gangi athug-
anir á nýjum fyrirtækjum, nýjum
atvinnugreinum og hverskonar ný-
sköpun í atvinnulífinu. Þingið
fagnar stofnun háskóla á Akureyri
og eflingu verk- og bókmennta í
íjórðungnum og vill að uppbygg-
ingu háskólans sé hraðað.
Útibú frá Hús-
næðisstofnun
Þingið beinir því til stjómvalda
að komið verði á fót útibúum frá
Húsnæðisstofnun ríkisins í hveijum
landsfjórðungi. Einnig athugi
stjórnvöld hvort ekki sé grundvöllur
fyrir því að fela bankakerfinu auk-
inn hlut í afgreiðlsu lána frá
Húsnæðisstofnun og þjónustu í því
sambandi.
Betri laun fyrir
Islendinga
Þingið mótmælir því að sérstakar
ráðstafanir séu gerðar til innflutn-
ings á erlendu verkafólki og bendir
á að þær atvinnugreinar, sem geta
ráðið erlent vinnuafl til sín, borgað
ferðakostnað, húsnæði og uppihald
til viðbótar umsömdum launum,
hljóti að geta greitt innlendu vinnu-
afli betri laun. Þá er því mótmælt
að farið sé að byggja sérstakar
íbúðir til að hýsa útlendinga á sama
tíma og húsnæðislánakerfið getur
ekki staðið við skuldbindingar sínar
og skortur sé á innlendu vinnuafli
í ýmsum byggðarlögum vegna hús-
næðisskorts. Þingið leggur áherslu
á að eitt höfuðmarkmið samtak-
anna verði að færa kauptaxta að
greiddu kaupi. Samningum verði
hraðað og stefnt verði að því að
ljúka þeim fyrir áramót. I samning-
unum verður enn sem fyrr að leggja
áherslu á launajöfnun.
Átök framundan
Þingið harmar þann ágreining,
sem upp hefur komið innan Verka-
mannasambands íslands varðandi
kröfugerð í væntanlegum samning-
um og vonar að þar náist fullar
sættir. Fulltrúar benda á að fram-
undan eru hörð átök í kjaramálum
og því er betri árangurs að vænta
eftir því sem samstaða er meiri.