Morgunblaðið - 12.07.1988, Qupperneq 1
80 SIÐUR B
156. tbl. 76. árg.
ÞRIÐJUDAGUR 12. JÚLÍ 1988
Prentsmiðja Morgnnblaðsins
Grímuklæddir hryðjuverkamenn myrða níu ferðajnenn um borð í feiju á Eyjahafi:
Fólk stökk fyrir borð
og þilfarið varð alelda
Sjúkraliðar aðstoða einn farþega
ferjunnar „Poros-borg“ á land í
hafnarborginni Pireus í gær-
kvöldi. Feijur fluttu farþegana
í land en skipið var dregið log-
andi til hafnar. Niu létust og 80
særðust í árás er óþekktir
hryðjuverkamenn drógu skyndi-
lega fram vélbyssur og hófu að
skjóta á farþeganna. Hinir sáru
voru fluttir i Tzanio-sjúkrahúsið
í Pireus. I gærkvöldi voru 15
sagðir alvarlega særðir.
Aþenu. Reuter.
ÞRIR grímuklæddir hryðjuverkamenn myrtu ekki færri en níu manns
um borð í grískri feiju á Eyjahafi i gær. Mennirnir beittu vélbyssum
og handsprengjum við ódæðið en um borð voru tæplega 500 far-
þegar, flestir Evrópubúar. Mikil skelfing greip um sig er sprengingar
kváðu við i skipinu og vörpuðu um 200 manns sér fyrir borð. Að sögn
fréttaritara breska sjónvarpsins BBC telja sérfræðingar og yfirvöld
á Grikklandi að flugumenn stjórnvalda i Iran hafi verið að verki og
hafi tilgangurinn verið sá að hefna árásar Bandarikjamanna á íranska
farþegaþotu yfir Persaflóa þann þriðja þessa mánaðar. Mennirnir
komust undan á hraðbáti og er þeirra ákaft leitað.
Að sögn grískra stjórnvalda létu
níu manns lífið í árásinni. 80 far-
þegar særðust og eru 15 þeirra al-
varlega særðir. 471 farþegi var um
borð í skipinu, sem nefnist „Poros-
borg“ og er 688 tonn að stærð. Flest-
ir farþeganna voru ferðamenn frá
Evrópu en skipið var í dagsferð á
milli grísku eyjanna. Að sögn BBC
voru 50 Bretar um borð auk banda-
rískra, franskra, sænskra og vest-
ur-þýskra ferðahópa.
„Eg sá mann draga fram vélbyssu
og heíja skothríð á fólkið. Annar
varpaði handsprengjum og þá greip
alger skelfing um sig,“ sagði einn
farþeganna. „Fólk stökk fyrir borð
og þilfarið varð alelda. Eg heyrði
tvær sprengingar og allt var atað
blóði,“ bætti hann við. Sjónarvottum
bar saman um að mennirnir hefðu
skotið á allt sem hreyfðist.
Hryðjuverkamennimir létu til
skarar skríða er fetjan var stödd um
þijár sjómílur undan Aegina-eyju á
Eyjahafi. Þá átti hún eftir um 90
mínútna siglingu til Pireus, hafnar-
borgar Aþenu. í fréttum BBC sagði
að mennirnir hefðu komið um borð
sem ferðamenn og hefðu þeir verið
allan daginn um borð í skipinu. Að
sögn sjónarvotta um borð í skipi í
nágrenninu flúðu ódæðismennirnir í
litlum hraðbáti. Þeirra er nú ákaft
leitað á láði og legi, að sögn yfir-
valda.
Gríska ríkisstjórnin fordæmdi
verknaðinn og sagði óveijandi með
öllu að hryðjuverkamenn beittu sér
gegn „friðelskandi þjóð“ sem Grikkj-
Árásin á far-
þegaþotuna:
Manngjöld
verða boðin
Washington. Reuter.
Bandaríkjasljórn hyggst
bjóða bætur fyrir þá sem létu
lífið í árás beitiskipsins Vinc-
ennes á íranska farþegaþotu
yfir Persaflóa þann þriðja
þessa mánaðar.
Ronald Reagan Bandaríkjafor-
seti skýrði frá þessu í gær en
290 manns týndu lífi í árásinni,
sem bandarískir embættismenn
segja að gerð hafi verið af mis-
gáningi.
Reagan kvaðst líta svo á að
Bandaríkjamenn væru fullir sam-
úðar í garð ættingja þeirra sem
týndu lífi og sagðist ekki geta
samþykkt að með því að greiða
bætur væri verið að skapa „vafa-
samt fordæmi".
um. Fyrr í gærdag týndu karl og
kona lífi í í einu úthverfa Aþenu er
sprengja sprakk í bifreið þeirra.
Talið er að þau hafi verið arabar. I
flakinu fundust handsprengja,
íranskt tímarit og bandarískir pen-
ingaseðlar. Háttsettur embættis-
maður innan grísku lögreglunnar
sagði í viðtali við Reuters-fréttastof-
'una í gærkvöldi að talið væri að
tengsl væru á milli þessara tveggja
atburða þar sem sprengjan sprakk
nærri höfninni þar sem feijan átti
að leggja að. „Fólkið í bifreiðinni
var að líkindum að bíða eftir skipinu
og hugðist hleypa sprengingunni af
stað er farþegarnir gengu á land,“
sagði hann og bætti við að svo virt-
ist sem sprengjan, sem var gífurlega
öflug, hefði sprungið of fljótt.
Hryðjuverkamennirnir um borð í
skipinu hefðu að líkindum heyrt
þessa frétt í útvarpinu og ákveðið
að láta til skrarar skríða.
Reuter
Míkhaíl S. Gorbatsjov í opinberri heimsókn í Póllandi:
Skynsamlegt að haldinn verði
samevrópskur leiðtogafundur
Varsjá, Brussel. Reuter.
MÍKHAÍL S. Gorbatsjov Sovét-
leiðtoga var ákaft fagnað í gær
er hann kom í opinbera heimsókn
til Póllands, fyrstur leiðtoga Sov-
étrikjanna frá árinu 1972. Fjöldi
fólks hafði safnast saman á flug-
vellinum í Varsjá og meðfram
götum borgarinnar og mátti sjá
spjöld á lofti þar sem lýst var
yfir stuðningi við umbótastefnu
Sovétleiðtogans. Gorbatsjov lýsti
yfir því við komu sína að vænta
mætti stórbættra samskipta
ríkjanna tveggja en hann mun
dvelja sex daga í Póllandi auk
þess að sitja fund leiðtoga rikja
Varsjárbandalagsins. Búist er við
því að atburðir á árum siðari
heimsstyijaldarinnar setji mark
sitt á heimsóknina en Samstaða,
hin óleyfilega hreyfing pólskra
verkamanna, hefur hvatt Gorb-
atsjov til að létta hulunni af
ýmsum þeim málum sem spillt
hafi fyrir samskiptum ríkjanna.
í ræðu sem Gorbatsjov flutti í
gær í pólska þinginu lagði hann til
að haldinn yrði samevrópskur leið-
togafundur í anda Reykjavíkur-
fundarins til að ræða fækkun hefð-
bundinna vopna. „Ef til vill væri
Reuter
Pólskir námsmenn efndu til mótmæla í miðborg Varsjár í gær og
var myndin tekin skömmu áður en mennirnir voru handteknir. A
borðanum til vinstri segir: „Við krefjumst þess að sovéskar hersveit-
ir verði kallaðar heim frá Póllandi" en á hinum: „Sjálfstæði til handa
öllum þjóðum Sovétríkjanna."
skynsamlegt að halda sam-evrópsk-
an Reykjavíkurfund,“ sagði Gorb-
atsjov en hann hefur oftlega vitnað
til mikilvægis leiðtogafundarins í
Reykjavík árið 1986. Gorbatsjov
hvatti ríki Atlantshafsbandalagsins
til að falla frá því að flytja 72
bandarískar herþotur til Ítalíu frá
Spáni árið 1991 og kvaðst reiðubú-
inn til að fækka sovéskum her-
þotum austan járntjaldsins að því
skapi. Manfred Wörner, fram-
kvæmdastjóri Atlantshafsbanda-
lagsins, sagði í gær að ekki væri
unnt að ganga að þessari tillðgu
þar eð ríkjum NATO væri fyrst og
fremst umhugað um að ná fram
fækkun herliðs á landi.
Gorbatsjov lagði einnig til að ríki
Varsjárbandalagsins og NATO
kæmu upp sameiginlegum eftirlits-
stöðvum til að draga úr líkum á
því að átök blossi upp milli austurs
og vesturs.
Samstaða, hin óleyfilega verka-
lýðshreyfing Pólveija, hvatti Gorb-
atsjov á sunnudag til að skýra frá
leyniákvæðum griðarsáttmála Sov-
étmanna og Þjóðvetja árið 1939.
Samtökin mæltust einnfg til þess
að birtar yrðu upplýsingar um morð
á rúmlega 4.000 pólskum liðsfor-
ingjum í Katyn-skógi á árum síðari
heimsstyrj aldarinnar en margir Pól-
veijar telja sovésku öryggislögregl-
una hafa borið ábyrgð á þeim.
Sjá einnig forystugrein á
miðopnu og fréttir á bls. 30.