Morgunblaðið - 12.07.1988, Qupperneq 26

26
MORGUNBLAÐIÐ, ÞRIÐJUDAGUR 12. JÚLÍ 1988
Arnarflug:
Mikil aukning
í áætlunarflugi
VERULEG aukning hefur orðið
í áætlunarflugi á vegum Arnar-
flugs á þessu ári, og er aukning-
in um fimmtíu prósent á milli
ára.
Að sögn Magnúsar Oddssonar
markaðsstjóra Arnarflugs hefur
aukning orðið á öllum flugleiðum
félagsins, en Arnarflug flýgur nú
til fjögurra staða. Þann 24. júní
síðastliðinn hófst áætlunarflug á
vegum félagsins til Mílanó og hef-
ur það gengið samkvæmt áætlun
að sögn Magnúsar, en það stendur
til 26. ágúst. Þangað er flogið einu
sinni í viku og hefur sætanýting
verið góð.
INNLENT
Bæjarráð Siglufjarðar:
Kvartað undan ástandi
Sig'lufj arðarvegar
„MENN hafa skemmt bíla sína
í Strákagöngum að undanförnu,
fyrir utan slysahættuna sem
hlýst af núverandi ástandi,“
sagði ísak Ólafsson, bæjarstjóri
á Siglufirði, en bæjarráð sendi
Vegagerð ríkisins nýlega álykt-
un þar sem kvartað er undan
ástandi Siglufjarðarvegar.
í ályktun bæjarráðsins er skor-
að á Vegagerðina að gera Siglu-
fjarðarveg akfæran á leiðinni frá
Siglufirði að bundna slitlaginu við
Lambanes. _
Að sögn ísaks snýst málið fyrst
og fremst um ástand vegarins í
Strákagöngum sem sé illa farinn
og götóttur. Skorur séu komnar í
steypuna þannig að lága bíla taki
niður auk þess sem holræsin í
göngunum séu stífluð.
Ekki kvað ísak þó með ályktun-
inni verið að fara fram á fullnaðar-
viðgerð á Strákagöngum enda
þyrfti þá að rífa veginn algjörlega
upp og leggja nýjan. Slík viðgerð
liggur fyrir hjá Vegargerðinni, að
sögn ísaks, þó varla verði lagt út
í hana á næstunni þar sem um
margra milljóna verkefni sé að
ræða.
Jónas Snæbjörnsson, umdæmis-
verkfræðingur Vegagerðarinnar,
sagði bráðbirgðaviðgerðir gerðar
á veginum í Strákagöngum öðru
hvoru, en endanleg viðgerð væri
ekki fyrirhuguð á þessu ári.
Gengii í fjóra
sólarhring á
hjólaskíðum
LANDSLIÐIÐ í skíðagöngu lauk
á hádegi í gær maraþongöngu á
Seltjarnarnesi. Göngumenn lögðu
1650 km að baki á tæpum fjórum
sólarhringum, búnir hjólaskíðum
sem notuð eru til æfinga á sumr-
in. Tilgangur þeirra var að safna
peningum fyrir æfingaferðir liðs-
ins sem. framundan eru um ísland
og til útlanda. Talið eru að um
400.000 krónur hafi safnast,
þriðjungur þess fjár sem þátttak-
endur þurfa sjálfir að leggja af
mörkum samkvæmt æfingaáætl-
un landsliðsins.
Landsliðið skipa fjórir íþrótta-
menn en tveir til viðbótar taka þátt
í æfingum undir stjóm landsliðs-
þjálfarans Mats Westerlund frá
Svíþjóð. Næstu mánuði munu sex-
menningamir verða í tólf vikur í
æfíngabúðum, þar af níu vikur er-
lendis við æfingar og keppni. Kostn-
aður hvers landsliðsmanns er áætl-
aður um 150.000 krónur og leggur
Skíðasamband íslands fram sömu
upphæð á móti, að sögn Rögnvaldar
Ingþórssonar eins liðsmanna.
Tvímenningamir sem ekki eru form-
lega í liðinu verða á hinn bóginn að
standa straum af öllum kostnaði
sjálfir.
Boðgangan hófst á fimmtudag
klukkan þijú á bæjarmörkum Sel-
tjamamess og Reykjavíkur. Aðeins
einn skíðamaður var á gangi í einu
og lagði að baki tvo hringi um nesið
átta kílómetra að lengd. Þá tók við
rúmra íjögurra tíma hvíld þar til
næsta lota hófst.
„Skíðaganga er ekki mikið kynnt
hér á Reykjavíkursvæðinu og við
erum allir utan af landi. Við völdum
þann kostinn að koma hingað suður
til þess að kynna íþróttina betur því
hér eru allir helstu fjölmiðlar. Ékki
sakar síðan að gangan er mikil þjálf-
un fyrir okkur," sagði Rögnvaldur
Ingþórsson.
Morgunblaðið/Sverrir
Skíðagarparnir koma í mark á mánudag eftir að hafa lagt 1650 km að baki. í boðgöngunni tóku þátt
Haukur Eiríksson, Baldur Hermannsson, Ólafur Valsson, Rögnvaldur Ingþórsson, Ólafur Björnsson og
Sigurgeir Svavarsson.
Kartölfurækt:
Slæmt útlit í Eyjafirði
FREKAR slaklega horfir með
kartöfluuppskeru i Eyjafirði á
þessu ári vegna langvarandi
þurrka sem verið hafa lengst
af frá því sett var niður í vor.
Að sögn Ólafs Vagnssonar
ráðunautar hafa svo til samfelldir
þurrkar verið í Eyjafirði frá því
sett var niður og hefur það haft
veruleg áhrif á sprettu, þó mis-
munandi sé eftir því á hvers konar
landi garðarnir eru. Suðvestan rok
sem voru um tíma skemmdu veru-
lega í görðum að sögn Ólafs, en
þá fauk ofan af, og grös sem voru
komin upp skemmdust í stórum
stíl og hefur það veruleg áhrif á
uppskeruna í haust.
„Á þessari stundu er útlitið
frekar slakt heilt yfir, en haustið
skiptir þó sköpum. Ef allt er seint
á ferðinni þarf að bíða lengur eft-
ir uppskerunni, og þá eykst hættan
á næturfrostum. Óll seinkun hefur
þannig í för með sér aukna hættu
á lélegri uppskeru,“sagði Ólafur
Vagnsson.
„Sný aftur til þess
að sjá Marmara“
-segir Sibil Kamban Biberman
HÉR á landi er stödd Sibil Kam-
ban Biberman ásamt syni sínum
Thor Kamban Biberman. Sibil
er dóttir Guðmundar heitins
Kamban rithöfundar. Hún hef-
ur ekki komið til íslands í rúma
fjóra áratugi.
„Mig hefur lengi langað að
koma aftur til íslands en það er
ekki fyrr en nú, eftir rúmlega fjög-
urra áratuga fjarveru, að draum-
urinn rætist," segir Sibil, ánægð
með að hafa loks látið eftir sér
að leggja land undir fót. „Ég var
hér síðast árið 1945 og hér hefur
svo sannarlega margt breyst á
þeim tíma sem síðan er liðinn.
Sonur minn og ég höfum notið
hverrar einustu mínútu af ferða-
lagi okkar um Reykjavík og ná-
grenni." Sibil talar ensku og seg-
ist því miður vera búin að týna
niður íslenskunni. „Um tíma bjó
ég í Washington þar sem margir
íslendingar voru búsettir og að
sjálfsögðu gafst þá tækifæri til
að tala íslensku, en síðan eru liðin
mörg ár. Nú er ég búsett í San
Diego í Kalifomíu, en þar hef ég
verið í fimmtán ár. Áður bjó ég
og starfaði í Los Angeles."
Eiginmaður Sibil, Abner Biber-
man, féll frá árið 1977. „Abner
var leikari og leikstjóri. Sjálf
starfaði ég við að klippa kvik-
myndir og fræðsluþætti. Satt að
segja var ég aðstoðarmanneskja
Abners í fyrstu kvikmyndinni
hans, en það var áður en við geng-
um að eiga hvort annað,“ segir
Sibil og brosir. „Mig langaði alltaf
að leikstýra, en í þá daga urðu
konur ekki leikstjórar. Því valdi
ég næstbesta kostinn og giftist
einum slíkum. Hann hafði greiðan
aðgang að hugmyndum mínum
sem sumar voru alls ekki sem
verstar," segir Sibil og er auðsýni-
lega skemmt.
Svo illa vildi til að Sibil og
Thor voru ekki komin til landsins
þegar Marmari Guðmundar Kam7
bans var sýndur á Listahátíð í
leikgerð Helgu Bachmann. „Við
munum snúa aftur í lok nóvember
Morgunblaðið/Bjami
Sibil og Thor á gangi á Austurvelli.
til þess að sjá uppfærsluna í Þjóð-
leikhúsinu," segir Sibil. „Við höf-
um notið gestrisni Helgu Bach-
mann og Helga Skúlasonar hér
og hlökkum mikið til að sjá leikri-
tið. Þegar ég hitti Helga sá ég
strax að þar fór hinn eini sanni
Róbert Belford dómari."
Thor er blaðamaður við dag-
blaðið San Diego Daily Transcript
í San Diego. Hann á vart orð til
þess að lýsa hrifningu sinni á ís-
landi. „Þegar við flugum inn til
lendingar," segir hann,„og ég leit
landið fyrsta skipti greip mig
skrýtin tilfinning. Hið hrikalega
landslag sem við blasti er engu
líkt.“ Thor kvaðst halda dagþók
um ferðina, því að vel komi til
greina að hann skrifi um íslands-
förina þegar heim komi. „Við fór-
um að gröf afa míns og mér
fannst ég finna til nálægðar við
þennan mann, sem ég hef aldrei
þekkt sjálfur, svo furðulegt sem
það kann að virðast. Það hafði
verið dumbungur þegar við geng-
um að gröfinni en þegar við sner-
um til baka skein sól í heiði,“
sagði Thor að lokum.
ÞSv