Morgunblaðið - 12.07.1988, Blaðsíða 64

ÞRIÐJUDAGUR 12. JÚLÍ 1988
ÁGRÆNNIGREIN
VERÐ í LAUSASÖLU 70 KR.
Seðlabankinn:
Drög að heimild til er-
lendra verðbréfakaupa
Utlendingum verði jafnframt leyft
að kaupa íslensk verðbréf
SEÐLABANKINN hefur, að ósk
viðskiptaráðherra, samið drög
að auglýsingu um heimild til er-
lendra aðila að fjárfesta í íslensk-
um verðbréfum og að íslending-
um verði jafnframt heimilað að
fjárfesta í erlendum verðbréfum.
Jón Sigurðsson viðskiptaráð-
herra sagði það vera tillögu bank-
ans að tengja auglýsinguna að veru-
legum hluta lagafrumvarpi um
verðbréfasjóði og verðbréfafyrir-
tæki, sem væntanlega verður lagt
fram við upphaf þings í haust.
Þannig ætti auglýsingin ekki að
taka gildi nema að hluta fyrr en
frumvarpið hefði verið afgreitt sem
lög frá Alþingi.
Jón vildi ekki segja nánar hvað
fælist í auglýsingadrögunum en
sagðist myndu taka ákvörðun í
málinu mjög fljótlega.
Þingvellir:
í úlfsskinni við
ásatrúarseið
SÉRA Heimir Steinsson þjóð-
garðvörður á Þingvöllum þurfti
nýlega að hafa afskipti af tíu
manna hópi Þjóðveija á Þingvöll-
um þar sem hópurinn hafði
kveikt eld innan þjóðgarðsins.
Samkvæmt heimildum Morgun-
blaðsins voru Þjóðverjar þessir
ásatrúar og á Þingvöllum til að
fremja ásatrúarseið. Sá er seið-
inn flutti var klæddur úlfsskinni.
Séra Heimir Steinsson vill ekki
tjá sig um þetta mál að öðru leyti
en því að hann hafði afskipti af
þessum hóp vegna eldsins ... „Þau
höfðu kveikt eld á berangri innan
þjóðgarðsins og slíkt er bannað.
Eg benti þeim á þetta og þau urðu
góðfúslega við þeirri ósk minni að
slökkva eldinn," segir séra Heimir.
Séra Heimir segir að hann viti
ekki hvað fólkið hafi verið að gera
þama en hitt sé rétt að einn í hópn-
um var klæddur einhverskonar
skinnbrókum og skinnflík að ofan.
Aðspurður um hvort það sé al-
gengt að ásatrúarfólk noti þjóð-
garðinn á Þingvöllum til trúariðk-
ana segir séra Heimir svo ekki vera.
„Mér vitanlega var hér um einstakt
tilfelli að ræða.“
Konungiir
Spánar í
heimsókn
ánæstaári
IJNNIÐ er að undirbúningi á
opinberri heimsókn Jóhanns
Karls Spánarkonungs hingað
til lands á næsta ári. Sam-
kvæmt heimildum Morgun-
blaðsins mun heimsóknin
hafa verið ákveðin en dag-
setningar liggja þó enn ekki
fyrir.
Ekki fékkst formleg stað-
festing á fyrirhugaðri heimsókn
Spánarkonungs á forsetaskrif-
stofunni, enda venjan að slíkar
heimsóknir séu kynntar opin-
berlega samtímis í báðum lönd-
unum. Eins og fram hefur kom-
ið í fréttum Morgunblaðsins
kemur Olafur Noregskonungur
í opinbera heimsókn til íslands
í haust og Karl Bretaprins kem-
ur í einkaheimsókn til landsins
í byijun ágúst næstkomandi.
Tveir nýir
bjórfram-
leiðendur
VÍFILFELL og Sól munu mjög
líklega bætast í hóp þeirra
tveggja íslensku fyrirtækja, Egils
Skallagrímssonar og Sanitas, sem
framleiða sterkan bjór þegar sala
á honum verður leyfð í mars á
næsta ári.
Ekki hefur enn verið ákveðið und-
ir hvaða vörumerkjum bjórinn verður
seldur. Davíð Seheving Thorsteins-
son, framkvæmdastjóri Sólar, sagði
í samtali við Morgunblaðið að fyrir-
tækið hefði átt í viðræðum við
þekkta erlenda bjórframleiðendur en
ekki yrði ákveðið við hvem samið
yrði fýrr en undir lok næsta mánað-
ar.
Sjá nánar Viðskipti/at-
hafnalíf á blaðsíðu 37.
Morgunblaðió/Valdimar Kristinsson
Sigurður Páll Ásólfsson með hryssuna Golu og folöldin tvö. Hryssan kom á undan og er í meðal-
lagi stór en folinn fremur smár. Þeim heilsast vel og virðist Gola í engum vanda að mjólka fyrir
bæði folöldin. Það er nánast einsdæmi að tvíburar af hestakyni komist á legg, að sögn fróðra manna.
Hryssa kastaði tveimur folöldum
Talið einsdæmi ef bæði lifa
HRYSSA á bænum Ásólfsstöð-
um í Þjórsárdal kastaði tveimur
folöldum á laugardagskvöld.
Bæði folöldin, sem eru meri og
hestur, virðast braggast vel að
sögn Sigurðar Páls Ásólfssonar.
Að sögn dýralækna og hrossa-
ræktarráðunauta sem Morgun-
blaðið leitaði til heyrir til al-
gjörra undantekninga að meri
kasti tveimur folöldum og talið
einsdæmi ef slíkir tvíburar kom-
ast á legg.
• Hryssan sem er í eigu Jóhannes-
ar Hlyns sonar Sigurðar Páls er
sextán vetra og heitir Gola. Hún
hefur verið á Ásólfsstöðum í sjö
ár. Á laugardaginn var eitt ár og
fjórir dagar frá því að Gola fór til
stóðhestsins Blakks á Reykjum
sem er undan Hrafni frá Holtsm-
úla. Þeir eru báðir í ættbók, Blakk-
ur með fyrstu verðlaun en Hrafn
heiðursverðlaun. Gola er ættuð frá
Laugadælum, undan Vindu, en
faðir hennar er Slöngvir frá Hala-
koti.
„Á laugardagskvöld ætlaði ég
að reka hrossin í aðhald en þá vildi
hryssan hvergi fara. Þegar ég
hafði sett hestana aftur inn í girð-
ingu var hún lögst,“ sagði Sigurð-
ur Páll. Fljótlega kom fyrra folald-
ið og hryssan tók til við að kara
það, stóð upp en lagðist síðan til
að losna við hildirnar. Síðan sé ég
eitthvað koma í ljós, hélt fyrst að
hún væri að missa legið og greini-
lega varð hiyssan jafn hissa og
ég þegar annað folald kom í heim-
inn.
Hún sinnti ekki seinna folaldinu,
virtist ekki skynja að þarna væri
um annað afkvæmi að ræða. Ég
varð því að rífa líknarbelginn af
því sjálfur, annars hefði það sjálf-
sagt drepist. Það reyndist hálf
veiklulegt og fór ekki á strax á
spena. Ég vakti áfram yfir hestun-
um og um klukkan tvö um nóttina
voru bæði folölc-,n komin á spena
og við góða heilsu."
Að sögn Gunnars Bjamasonar
ráðunautar þekkjast þess vart
dæmi að meri hafi komið tvíburum
á legg. „Það er merkilegt að heyra
að hryssan hafi ekki hreinsað
líknarbelginn af seinna folaldinu.
Henni virðist ekki vera eðlislægt
að sinna báðum afkvæmunum.
Þetta er hugsanleg skýring á því
að svo fá dæmi eru um að tvö
folöld lifi. Hefði bóndinn ekki verið
til bjargar er allt eins víst að folald-
ið hefði fundist dautt í haganum.
Þá hefðu menn eflaust dregið þá
ályktun að það hefði fæðst and-
vana, eins og dæmi eru um,“ sagði
hann.
Hvalatalmngar hefjast á
ný við landið á föstudag
TALNINGAR á stórhvölum úr
hvalskipum eiga að hefjast 15.
júlí nk,“ sagði Jóhann Siguijóns-
son, sjávarlíffræðingur, i samtali
við Morgunblaðið. „Við ætlum
einnig að telja hrefnur bæði úr
flugvélum og skipum á afmörk-
uðu svæði 20. til 30. júlí nk. til
að samanburður fáist úr þessum
tveimur mismunandi talningarað-
ferðum. Þessar tilraunir eru
smærri í sniðum en talningarnar
á síðasta ári og beinast að því
að að auka á nákvæmni þeirra
útreikninga sem gerðir voru á
fjölda hvala við ísland og á nær-
liggjandi hafsvæðum útfrá taln-
ingunum sem gerðar voru á
síðasta ári,“ sagði Jóhann.
„Þessar tilraunir eru einnig undir-
búningur okkar að skipulagningu
endurtekins talningarátaks sem
fram á að fara á næsta ári,“ sagði
Jóhann. „Við munum í fyrsta skipti
gera tilraun til að koma fyrir radíó-
sendum á hrefnum í þessum mánuði
m.a. til að athuga hversu oft þær
koma upp á yfirborðið en það er
mikilvægt til túlkunar á talningar-
gögnum. Við höfum hins vegar áður
komið fyrir radíósendum á langreyð-
um til að athuga hegðun þeirra.
Norðmenn ætla að endurtaka sínar
talningar í sumar og Danir ætla að
telja hvali úr flugvél við Grænland
í lok júlí og ágúst nk. því þeir náðu
ekki að telja á því svæði í fyrra.
Átta skip tóku þátt í hvalatalning-
unni í fyrra, þar af þijú íslensk.
Einnig voru notaðar flugvélar til að
telja hrefnur á grunnslóð. Þessar
hvalarannsóknir eru þær lang-
stærstu til þessa og heppnuðust
mjög vel. Við lögðum niðurstöður
þeirra fram á fundi Alþjóða hvalveið-
irráðsins fyrir skömmu. Þar voru
menn mjög sáttir við þær en voru
sammála um að hægt væri að betr-
umbæta túlkun á niðurstöðum með
sérstökum tilraunum," sagði Jó-
hann.