Morgunblaðið - 12.07.1988, Qupperneq 37

MORGUNBLAÐIÐ, VIDSKIPn/JflVINNUIÍF ÞRIÐJUDAGUR 12, JÚLÍ 1988
37
Verslun
Strikamerki
ryðja sér
tilrúms
Hafa mikla hagræðingu í för með sér
STRIKAMERKI hafa viðskipta-
vinir verslana haft fyrir augnm
í nokkur ár, en þó er ekki langt
um liðið síðan verslunarmenn
byijuðu að nýta sér hagræðing-
una sem felst í þessum merkjum.
Verslunardeild Sambandsins
hefur nú tengst um 30 samvinnu-
verslunum um land allt í gegnum
strikamerkjakerfi, auk þess sem
ýmsar verslanir hafa tekið
strikamerkin í notkun innanhúss.
Má þar nefna verslun ÁTVR í
Kringlunni.
Verslunardeild Sambandsins er
sá aðili sem best hefur nýtt sér
kosti strikamerkjanna hér á landi
enn sem komið er, samkvæmt upp-
lýsingum Iðntæknistofnunar, sem
annast eftirlit með strikamerkinga-
kerfinu hérlendis. Þeir segja, að þó
sé enn langt í land að Verslunar-
deildin fullnýti möguleika kerfisins.
Fyrirkomulagið er þannig að strika-
merki eru sett á hillubrúnir við all-
ar vörutegundir í versluninni, þ.e.
eitt strikamerki við hverja vöruteg-
und. Strikamerkið er uppbyggt á
þann hátt, að á því kemur fram
nafn vörunnar og númer, auk núm-
ers framleiðsluaðilans. Starfsmenn
verslunarinnar ganga svo um versl-
unina með litlar handtölvur sem
hafa áfastan lestrarpenna, en þegar
honum er strokið yfir strikamerkið
fær tölvan strax allar upplýsingar
um vöruna. Starfsmaðurinn stimpl-
ar þá inn fjölda viðkomandi vöruein-
inga sem vantar í hilluna, og heldur
svo áfram að næstu vörutegund
o.s.frv. Að sögn Arnar Arnaldsson-
ar hjá Einari J. Skúlasyni hf., sem
seldi Verslunardeildinni þetta kerfi,
er minni svona smátölvu svo öflugt
að þó að hún þyrfti að geyma upp-
lýsingar um allar vörutegundir
samtímis í verslun eins og Mikla-
garði nægði það ekki til að fylla
minni tölvunnar.
Næsta skref starfsmannsins í
versluninni er að tengja tölvuna við
sérstakt símtengi. Þar með er þætti
Iðnaður
starfsmannsins í vörupöntun lokið,
því tölvan sér nú um að hringja í
Verslunardeild Sambandsins við
Holtagarða, þar sem önnur tölva
tekur á móti pöntuninni. Sú er svo
aftur tengd prentara, sem prentar
lista yfir þær vörur sem veslunin
pantaði, raðar þeim í þá röð sem
hentugast er fyrir starfsmenn lag-
ersins að safna þeim saman, og
prentar auk þess strikamerki fyrir
allar vörutegundimar í pöntuninni.
Auðveldar verðbreytingar
Þegar verð á áfengi breytist
þarf ATVR að loka verslunum
sínum í einn dag vegna verðbreyt-
inga. Þó eru tvær verslanir ÁTVR
sem eru undanþegnar þessari kvöð,
þ.e. verslanirnar í Kringlunni og í
Ólafsvík, en þar er verslunin rekin
af einkaaðila. I þessum verslunum
er notast við tölvutengt strika-
merkjakerfi, sem er þannig upp-
byggt að þegar sendingar berast í
verslanirnar eru vörueiningarnar
merktar með strikamerki í stað
venjulegs verðmiða. Leysilesarar
eru svo tengdir afgreiðslukössum
verslananna, og þegar þeir lesa
strikamerki vömeiningar fletta þeir
upp í skrám tölvunnar, og gefa svo
kassanum upp verð vörunnar. Þeg-
ar verðbreytingar eiga sér stað þarf
því ekki að skipta um miða á hverri
einustu vörueiningu, heldur aðeins
að breyta verði númersins í skrá
tölvunnar, og ef sama prósentu-
hækkun gengur yfir allar vömteg-
undir þarf bara að gefa tölvunni
upp hækkunina, og þá breytir hún
skránni sjálf. Þetta tekur u.þ.b.
fimm mínútur.
Strikamerkjakerfið sem notað er
á íslandi er byggt á alþjóðlegum
staðli, og hefur Rekstrartæknideild
Iðntæknistofnunar íslands séð um
eftirlit og stjómun þess. Forstöðu-
maður hennai- er Haukur Alfreðs-
son, en hann nefndi ÁTVR verslun-
ina í Ólafsvík sem dæmi um þá
hagræðingu sem strikamerkjakerf-
Vífilfell og Sól
undirbúa
bjórframleiðslu
VERKSMIÐJAN Vífilfell hefur
hafið undirbúning að því að
tappa á bjór i nýrri dósaverk-
smiðju fyrirtækisins. Áætlað er
að bjórinn verði fyrst um sinn
fluttur hingað til lands í tank-
gámum og lokið við bruggunina
hér heima. í þessum áfanga verð-
ur aðeins um átöppun að ræða
en síðar þegar ljóst er orðið hve
stór markaðurinn er verður farið
út í bruggun. Þá eru uppi hug-
myndir hjá Sól hf. um að nýta
gosdrykkjaverksmiðju fyrirtæk-
isins til bjórframleiðslu.
Lýður Friðjónsson, fram-
kvæmdastjóri Vífílfells sagði í sam-
tali við Morgunblaðið, að dósalína
fyrirtækisins gerði ráð fyrir áfyll-
ingu á bjór. Hluti af henni væru
tæki sem þyrfti til að hægt væri
að fylla á bjór. Ekki hefði verið
ákveðið undir hvaða merki yrði
framleitt.
Aðspurður um innflutning á
Pripps bjór, sem fyrirtækið hefur
umboð fyrir, sagðist Lýður gera sér
vonir um að fyrirtækið fengi heim-
ild til að flytja hann inn þar sem
Pripps væri langmest seldi pilsner-
inn hér á landi. Neytendur væru
mjög ánægðir með hann og sterki
bjórinn væri ekki talinn síðri.
„Við erum mjög að hugsa um
það,“ sagði Davíð Scheving Thor-
steinsson framkvæmdastjóri Sólar
hf. þegar hann var spurður hvort
fyrirtækið ætlaði út í bjórfram-
leiðslu. „Verksmiðjan og allar vél-
arnar eru upphaflega ætlaðar til
bjórátöppunnar og við gætum vel
bætt henni við okkur.“ Davíð segir
að Sól hafí átt í viðræðum við nokk-
ur erlend stórfyrirtæki á sviði bjór-
framleiðslu um framleiðslu á þeirra
bjór en að enn hafi ekki verið geng-
ið frá neinum samningum og það
verði vart gert fyrr en undir lok
næsta mánaðar.
Morgunblaðið/Júlíus
SAMSTARF — Frá blaðamannafundi um strikamerkjanotkun á íslandi. F.v. Örn Arnaldsson frá
Einari J. Skúlasyni, Haukur Alfreðsson frá Iðntæknistofnun íslands hf., Þórir Magnússon frá Hug hf., Eið-
ur Valgarðsson frá Verslunardeild Sambandsins, Sigurður Jónsson frá Versl.d. Sambandsins og Grétar J.
Sveinbjarnarson frá Einari J. Skúlasyni hf.
ið hefði í för með sér. Þar væri
sala mjög svipuð og í verslun ÁTVR
á Siglufirði, en munurinn væri sá
að í Ölafsvík væri einn starfsmaður
í versluninni, en fjórir á Siglufirði.
Forsenda þess að strikakerfíð
nýtist til fulls er að allar vörur frá
öllum framleiðendum og innflutn-
ingsaðilum séu strikamerktár, en
enn sem komið er er nokkuð langt
í land með að svo sé hérlendis.
Sumstaðar erlendis er bannað að
markaðssetja óstrikamerkta vöru,
eða þá að verslunareigendur neita
að selja slíka vöru. Hér er nú unnið
hörðum höndum að því að kynna
strikamerkin fyrir þeim framleið-
endum sem ekki hafa þau enn á
umbúðum vara sinna. Á næstu dög-
um eða vikum munu strikamerktar
afurðir Mjólkursamsölunnar líta
dagsins ljós.
Eins og fyrr segir var það Einar
J. Skúlason hf. sem seldi Samband-
inu það kerfi sem það notar í Versl-
unardeildinni, en það samstarf
komst á eftir að Sambandið hafði
gert útboð á verkinu. Tölvubúnað-
urinn er af gerðinni Victor/Micr-
onics. Síðar kom hugbúnaðarfyrir-
tækið Hug hf. inn i samstarfið, en
það fýrirtæki sá um að gera hluta
hugbúnaðarins sem kerfið notar.
Ertu
tryggður
gegn
verðbólgu?
í óðaverðbólgu átta sig ekki allir
á því, að jafnvel himinháir vextir
geta í raun verið neikvæðir, eða
rétt skriðið yfir raungiídi.
Pá skiptir máli að ávaxta sparifé
sitt með fullri verðtryggingu.
Liggur þú
með fé
á lausu?
Við bendum sparifjáreigendum
því á, að ÁVÖXTUNARBRÉF
og REKSTRARBRÉF
- hafa skilað eigendum sínum
verulegri ávöxtun umfram
verðbólgu.
ÁVÖXTUNARBRÉF eru
óbundin og hægt að öllu jöfnu,
að innleysa hvenær sem er
án alls aukakostnaðar.
ÁVÖXTlINSf^
Fjármálaráögjöf - Ávöxtunarþjónusta - Verðbréfamarkaður
LAUGAVEGl 97 - SÍMl 621660
ÁVÖXTUNARBRÉF
VEXTIR UMFRAM VERÐBÓLGU:
SÍÐUSTU 3 6 12 MÁNUÐI
%
REKSTRARBRÉF - MEÐ 6 MAN UPPSAGNARFR.
VEXTIR UMFRAM VERÐBÓLGU:
SÍÐIJSTU li q n 1 ^ mm MÁNUÐI o/ /o