Morgunblaðið - 24.12.1996, Blaðsíða 70

70 ÞRIÐJUDAGUR 24. DESEMBER 1996
MORGUNBLAÐIÐ
~7t
Matur og matgerð
Krapréttir á
nýársnótt
Ég veit ekki ástæðu þess að ég kvíði
alltaf fyrir gamlárskvöldi, segir Kristín
Gestsdóttir, sem býður okkur nokkra
hressandi kraprétti á nýársnótt.
Vonandi geta flestir litið aftur
til árins 1996 með gleði og
ánægju og einnig horft fram
með gleði til komandi árs, öðrum
er þetta tími kvalræðis og sorg-
ar. Líf okkar er svo mismunandi
og mörg höfum við meðvitað eða
ómeðvitað lifað árið öðruvísi en
við hefðum kosið. Auk þess
koma upp atvik sem enginn fær
ráðið við. Hér áður fyrr sótti
kvíði og áhyggjur að fólki um
áramótin. Fólk trúði því að álfar
og huldufólk flytti búferlum og
óvelkomnar verur væru þá á
sveimi. Ekki er að furða þótt
slíkar hugsanir hafi sótt að fólki
sem lifði í kulda og myrkri, oft
svangt og klæðlítið. Nú eru
breyttir tímar, ekki skortið okk-
ur Ijósið úti sem inni og vonandi
ekki heldur í sálu okkar. Við
skulum líta vongóð og bjartsýn
til komandi árs.
Gleðilegt nýár.
írskt viskíkrap
Handa 5
2 dl púðursykur
10 dl vatn
4 msk. skyndikaffí
2 dl Irish whiskey
1 peli þeyttur rjómi
örlítið kakó
1. Setjið vatn og púðursykur í
potti og sjóðið við meðal hita í um
5 mínútur. Takið af hellunni og
hrærið skyndikaffið út í. Kælið.
2. Hrærið vískí út í. Leggið fílmu
eða álpappír yfir skálina og setjið í
frysti. Hrærið öðru hverju í þessu
meðan það er að fijósa.
Þegar borið er fram: Takið úr
frysti um 15 mínútum fyrir notkun,
hrærið í sundur með gaffli þannig
að þetta líkist krapi. Setjið í glös á
fæti. Þeytið ijómann og setjið ofan
á. Stráið ögn af kakói yfir. Berið
strax fram.
Appelsínukrap
Handa 6
3 dl flórsykur
___________3 dl vatn_________
4 appelsínur + börkur af einni
safi úr 1 sítrónu + börkur af annarri
3 pelar freyðivín
2 eggjahvítur
4 msk. Grand Marnier
1. Sjóðið saman sykur og vatn
þar til það þykknar án þess að brún-
ast. Rífíð sítrónu- og appelsínubörk-
inn og setjið út í. Kreistið safann
úr appelsínunum og sítrónu og setj-
ið út í. Kælið.
2. Hellið freyðivíni út í. Setjið í
frysti. Hrærið öðru hveiju í þessu
meðan það er að fijósa.
Þegar borið er fram: Takið úr
frysti um 15 mínútum fyrir notkun,
hrærið sundur með gaffli þannig
að það líkist krapi. Þeytið eggja-
hvíturnar og blandið saman við.
Setjið í glös á fæti. Hellið Grand
Marnier yfir með skeið. Berið strax
fram.
Sykurlaust kívíkrap
Handa 3-4
6 kíví
3 meðalstórir bananar
'h lítil melóna
2 eggjahvítur
1 dl hvítvín eða 'A dl eplasafí og ‘A
dl sódavatn
1. Afhýðið kívi og banana. Takið
steina úr melónu og skafið aldinkjöt-
ið úr henni. Setjið allt í matvinnslu-
kvörn eða blandara og hrærið vel í
sundur. Setjið í frysti.
2. Þeytið eggjahvíturnar. Takið
ávaxtamaukið úr frystinum og
blandið eggjahvítunum saman við.
Setjið aftur í frysti og látið fijósa
alveg.
Þegar borið er fram: Takið úr
frysti um 15 mínútum fyrir notkun,
hrærið í sundur þannig að þetta lík-
ist krapi og blandið hvítvíni eða
eplasafa og sódavatni út í. Hellið í
glös á fæti og berið strax fram.
ÍDAG
BBIPS
llmsjón Guðmundur Páll
Arnarson
ALLT snýst um tromplitinn
í Qórum spöðum suðurs hér
að neðan.
Austur gefur; AV á
hættu.
Norður
♦ Á63
V G763
♦ K2
+ ÁG108
Vestur Austur
♦ 108 ♦ DG2
V K5 IIIIH V ÁD10942
♦ 108654 111111 ♦ ÁG9
♦ 7653 * 2
Suður
♦ K9754
V 8
♦ D73
♦ KD94
Vestur Norður Austur Suður
- 1 hjarta 1 spaði
Pass 2 hjörtu Pass 3 lauf
Pass 4 spaðar Allir pass
Útspil: Hjartakóngur.
Vestur spilar hjarta áfram
í öðrum slag og suður tromp-
ar. Er hægt að vinna spilið
með bestu vöm?
Vandmálið er þriðji tígull-
inn heima. Ef sagnhafí spilar
strax tígli á kónginn, drepur
austur og spilar hjarta. Vest-
ur fær þá fjórða slag vamar-
innar á tromptíu. Taki sagn-
hafi fyrst ÁK í trompi, aft-
rompar austur blindan þegar
hann kemst inn á tígulás.
Og þá fær vömin fjórða slag-
inn á tígul. Sér lesandinn
leið út úr þessum vanda?
Hún er til. í stað þess að
einblína á tígulstungu í borði,
snýr sagnhafí sér að því að
trompa hjarta heima. Fyrsta
skrefíð er að taka kóng og
ás í spaða. Því næst er
smáum tígli spilað frá
kóngnum. Austur má ekki
ijúka upp með ásinn, því þá
fríast tveir tígulslagir. Hann
gefur því og suður á slaginn
á drottninguna. Síðan er
blindum spilað inn á lauf og
hjarta trompað. Aftur kemur
lauf á blindan. Trompi aust-
ur, fæst tíundi slagurinn með
því að trompa tígul í borði,
en ef hann gefur, stingur
sagnhafí hjarta heima.
Trompin á suðurhendinni em
þá fullnýtt. Sagnhafi spilar
loks frílaufum og lætur sér
í léttu rúmi liggja hvort aust-
ur trompar eða ekki.
VELVAKANDI
Svarar í síma 569 1100 frá 10-12 og 14-16
frá mánudegi til föstudags
Netfang: laugaÞmbl.is
Tapað/fundið
Jakki tapaðist
SVARTUR kvenjakki úr
hrokknu efni sem nær
rétt niður fyrir mjaðmir
var tekinn í misgripum
fyrir mittisjakka úr svip-
uðu efni, þó örlítið gróf-
ari á balli Kvennó og FB
sl. þriðjudagskvöld. Sá
sem kannast við þetta er
vinsamlega beðinn að
hafa samband í s.
587-9442.
Lyklar fundust
ÞRÍR lyklar á einfaldri
kippu fundust fyrir utan
Hótel ísland þriðjudag
eftir kvennóballið. Eig-
andinn er beðinn að vitja
þeirra í síma 581-1289.
Myndavél
tapaðist
LÍTIL ný myndavél af
gerðinni Minolta tapaðist
sunnudaginn 15. desem-
ber líklega í eða við
Skíðaskálann í Hvera-
dölum eða félagsheimili
Seltjarnarness. Finnandi
vinsamlegast hringi í
síma 567-1245 ogergóð-
um fundarlaunum heitið.
Gæludýr
Köttur í óskilum
BRÚNBRÖNDÓTTUR
köttur með hvíta bringu
fannst í bílageymslu í
Hvammabraut í Hafnar-
firði 13. desember sl.
Upplýsingar um köttinn
fást í síma 555-4773.
SKÁK
IJmsjðn Margeir
Pétursson
STAÐAN kom upp á al-
þjóðlegu móti í Elgoibar á
Spáni í vetur í viðureign
tveggja alþjóðlegra meist-
ara. A. Hoffman (2.450),
Argentínu, hafði hvítt og
átti leik, en M. Sion,
Spáni, var með
svart.
26. Hxh6+! - Bxh6
og svartur gafst upp
um leið því hann sá
fram á 27. Dxe7 -
Bg7 28. Dh4+ og
mátið blasir við.
Jólahraðskákmót-
in: Skákþættinum
hafa borist upplýs-
ingar um jólahrað-
skákmót þriggja fé-
laga:
Taflfélag Reykja-
víkur: Undanrásir föstu-
dagskvöldið 27. des. kl.
19.30 og úrslit 30. des. á
sama tíma.
Skákfélag Akureyrar:
Sunnudaginn 29. desember
kl. 14. Taflfélag Kópa-
vogs: 2. í jólum, fimmtu-
daginn 26. des. kl. 14.
Mótin fara fram í félags-
heimilum viðkomandi fé-
laga.
GLEÐILEG JOL.
HVÍTUR leikur og mátar.
HÖGNIHREKKVÍSI
Víkveiji skrifar...
FYRIR nokkru kom út bók eftir
Oscar Wilde, sem nefnist Úr
djúpunum eða „De Profundis“, í
íslenzkri þýðingu Yngva Jóhannes-
sonar. Þýðing þessi kom fyrst út
fyrir 70 árum, árið 1926, og er
útgáfa hennar nú tileinkuð aldaraf-
mæli þýðandans. í bókinni eru
formálsorð eftir Eystein Björnsson
og eins konar eftirmáli eftir Gils
Guðmundsson um þýðandann,
Yngva Jóhannesson. Frásögn Gils
er merkileg saga um það, hvernig
fólk varð hámenntað á Islandi í
byijun aldarinnar án nokkurrar
skólagöngu að ráði.
í formála að heildarútgáfu á
verkum Oscars Wilde, sem út kom
1948, segir sonur hans, Vyvyan
Holland, m.a., að alla ævi hafi fað-
ir hans haft sterka trúhneigð og
hafi hallast að kaþólsku kirkjunni
og raunar tekið kaþólska trú á dán-
arbeði sínu. Trúarleg afstaða Osc-
ars Wjlde kemur skýrt fram í riti
hans Úr djúpunum, sem skrifað er
meðan á fangelsisvist hans stóð.
Þar segir m.a.:
xxx
OG ÞÓ er allt líf Krists - svo
gersamlega er hægt að sam-
eina sorgina og fegurðina að þýð-
ingu og birtingu - í raun og veru
unaðarsaga, þótt það endi á því,
að fortjald musterisins rifnar og
myrkur leggst yfir ásjónu jarðarinn-
ar og steini er velt fyrir grafar-
mynnið. Maður verður alltaf að
hugsa sér hann, sem ungan brúð-
guma með félögum sínum, eins og
hann lýsir sjálfum sér líka einhvers
staðar; eins og fjárhirði, sem reikar
um dal með hjörð sína og leitar að
grænum haga eða svölum læk; eins
og söngvara, sem úr hljómlistinni
reynir að byggja veggina að borg
guðs; eða sem elskhuga með svo
ríka ást, að heimurinn var of lítill
fyrir hana. Kraftaverk hans virðast
mér jafndásamleg og koma vorsins
og alveg eins eðlileg. Mér finnst
ekkert erfitt að trúa því, að slíkir
töfrar hafi fylgt persónu hans, að
návist hans ein hafi getað veitt þjáð-
um sálum frið og að þeir, sem
snertu klæði hans eða hendur hafi
gleymt þjáningu sinni; eða þegar
hann fór framhjá eftir þjóðvegi lífs-
ins, hafi það fólk, sem áður sá ekk-
ert af leyndardómi lífsins, séð hann
greinilega, og að aðrir, sem ekkert
höfðu heyrt annað en rödd nautn-
anna, hafi í fyrsta sinn heyrt rödd
kærleikans og fundist hún „yndisleg
eins og gígja Appollons“; eða að
illar ástríður hafi flúið er hann nálg-
aðist, og að menn, sem höfðu lifað
svo sljóu og ímyndunarsnauðu lífi,
að það var nokkurs konar dauði,
hafi risið líkt og úr gröf er hann
kallaði á þá; eða þegar hann kenndi
í fjallshlíðinni, hafi manníjöldinn
gleymt hungri sínu og þorsta og
áhyggjum þessa heims, og að vinum
hans, er hlustuðu á hann yfir borð-
um, hafi fundizt hinn óbrotni matur
gómsætur, og að vatnið hafi orðið
á bragðið eins og gott vín, og allt
húsið fyllst sætum ilmi af nardus."
OG SÍÐAR segir Oscar Wilde:
„Það er eitthvað alveg ein-
stætt við Krist. Auðvitað voru til
kristnir menn á undan Kristi, á
sama hátt og blekkjandi skíma get-
ur komið á undan döguninni sjálfri
og vetrardagar geta komið með svo
snögga sólbirtu, að þeir tæla krók-
usblómið vitra til að sóa gulli sínu
fyrir tímann eða einhvern heimskan
fugl til að kalla á maka sinn að
byggja hreiður á berum greinum.
Fyrir það ættum við að vera þakk-
látir. ðgæfan er að þeir hafa ekki
verið til síðan. Eg tek einn undan,
hinn heilaga Frans af Assisi. En
guð hafði líka gefið honum sál
skálds í vöggugjöf, en sjálfur hafði
hann í æsku tekið sér fátæktina sem
brúði og með sál skálds og líkama
beiningamanns, varð leiðin til full-
komnunar ekki erfið fyrir hann.
Hann skildi Krist og þess vegna
varð hann líkur honum. Við þurfum
ekki Liber Conformitatum til að
fræða okkur um það, að líf heilags
Frans af Assisi hafi verið hin sanna
Imitatio Christi. í samanburði við
ljóð lífs hans var bókin með þessu
nafni aðeins hversdagslegt mál, I
sannleika sagt, hið yndislega við
Krist er í einu orði þetta, að hann
er einmitt eins og listaverk. Hann
kennir manni í rauninni ekki neitt,
en við að komast í návist hans verð-
ur maðurinn eitthvað. Og hveijum
manni er ætlað að komast í návist
hans. Að minnsta kosti einu sinni
á ævinni gengur hver maður með
Kristi til Emmaus.“