Morgunblaðið - 08.05.1997, Blaðsíða 2

2 FIMMTUDAGUR 8. MAÍ 1997
FRETTIR
MORGUNBLAÐIÐ
Hliðarstýrum
hjá Flugleiðum
breytt í haust
Varðskips-
menn und-
irbúa köfun
aðÆsu
VARÐSKIPIÐ Óðinn kom um há-
degi í gær að þeim stað í Arnarfirði
sem skelfískbáturinn Æsa sökk í
fyrrasumar með tvo menn innan-
borðs. Sex breskir kafarar munu
kafa niður að skipinu og gera þar
ýmsar athuganir, en það reyndist
ekki unnt í gær vegna veðurs. Þá
voru um fimm vindstig á þessum
slóðum og þungur straumur.
Varðskipið lagðist að bryggju í
Bíldudal og funduðu varðskipsmenn
og fulltrúar Siglingastofnunar og
sjóslysanefndar með sýslumanni á
Patreksfirði í gær.
Reyna átti síðdegis að leggja
baujur til að merkja þann stað sem
kafað verður á og ganga frá öðrum
undirbúningi. Var vonast til að
fyrsta köfun færi fram um mið-
nætti í gær, en fullur fyrirvari var
hafður á þeirri áætlun.
Brottför skipsins frá Reykjavík
seinkaði um sólarhring vegna bilun-
ar í köfunarbúnaði, en skipið átti
upphaflega að leggja úr höfn síðdeg-
is á mánudag.
Á mánudag kom í ljós bilun í
búnaði þeim sem breskir kafarar
höfðu meðferðis til landsins.
Reiknað er með að verkinu verði
fyrst lokið á sunnudag eða mánu-
dag.
FLUGLEIÐIR láta
lagfæra búnað í hliðar-
stýrum Boeing 737
véla sinna í haust og
stefnir félagið að því
að verða í hópi fyrstu
flugfélaga í heimi sem
gerir þessar breytingar
á Boeing 737 flota sín-
um.
Bandaríska flug-
málastjórnin hefur
gefið út fyrirmæli um
að búnaður þessi verði
lagfærður í kjölfar til-
mæla sérfræðinga sem endurskoð-
uðu hönnun 737 flugvélanna í
framhaldi af tveimur slysum sem
urðu í Bandaríkjunum.
Einar Sigurðsson, aðstoðarmað-
ur forstjóra Flugleiða, segir að
ekki sé búið að hanna breytingarn-
ar ailar og flugfélögin hafi frest
frá október árið 1998 til október
árið 2000 til þess að breyta búnað-
inum.
„Við gerum ráð fyrir því að
hrinda þessu í framkvæmd um leið
og hönnun breytinganna liggur
fyrir. Það fer eftir gerðum hve
mikið þarf að gera. Við gerum ráð
fyrir því að fyrstu breytingarnar
hjá okkur verði gerðar í næstu
stórskoðun á 737 vélum okkar
næsta haust. Þar er um fjórar vél-
ar að ræða. Við verðum í hópi
fyrstu flugfélaga sem ganga í þess-
ar breytingar," sagði Einar.
Flugleiðir gera ráð fyrir því að
kostnaður vegna breytinganna
lendi að mestu á framleiðenda flug-
vélanna en óvíst er hver greiðir
kostnað vegna vinnunnar.
Beðið
eftir sæti
í Þjóðar-
bókhlöðu
MANNGRÚI mætir að Þjóðar-
bókhlöðu fyrir opnun hennar
klukkan 8.15 á hverjum
morgni um þessar mundir,
þegar próf standa sem hæst
í menntaskólum og Háskóla
íslands. Lestrarsalir bygging-
arinnar rúma um 600 manns
á tveimur hæðum en svo mik-
il er aðsóknin á þessum tíma
árs að_þeir duga varla, að
sögn Ónnu Jensdóttur hjá
upplýsingaþjónustu safnsins.
„Aldurstakmarkið er 17 ár og
við höfum snúið unglingum
frá, en þeir vita nú orðið
hvernig reglurnar eru og
koma því ekki margir. Við
tökum frá ákveðinn fjölda
borða fyrir háskólanema því
þetta er Háskólabókasafn,
auk þess sem þeir hafa ýmsa
fleiri staði til að lesa á. Hins
vegar geta ekki allir komist
að og ég býst við að fleiri vildu
geta sest þar niður. Hér er
að minnsta kosti fullt af fólki
en svo sem enginn hasar,“
segir Anna.

Morgunblaðið/Þorkell
1 f 1"
lljb ’
1 • 11» i 1

Kærunefnd jafnréttismála úrskurðar í kærumáli vegna ráðningar
Ekki lögbrot að taka vél-
virkja fram yfir lögfræðing
KÆRUNEFND jafnréttismála telur að jafnrétt-
islög hafí ekki verið brotin þegar héraðsnefnd
Þingeyinga réð í stöðu framkvæmdastjóra karl
með vélvirkjamenntun, 160 stunda skrifstofu-
nám og víðtæka reynslu af sveitarstjórnarmál-
um og setu í stjóm fyrirtækis en hafnaði konu
sem er lögfræðimenntaður sýslumannsfulltrúi
með sérmenntun á sviði sveitarstjórnarlaga.
Lögfræðingurinn var eina konan í hópi átta
umsækjenda en karlinn sem ráðinn var hafði
auk framangreinds starfað sem oddviti og sveit-
arstjóri Skútustaðahrepps, setið í stjóm Kísiliðj-
unnar og verið þar stjórnarformaður um tíma.
Auk þess hafði hann setið í umdæmanefnd um
sameiningu sveitarfélaga í Norðurlandi eystra,
í stjóm dvalarheimilis, byggingafulltrúaembætt-
is og verið formaður undirbúningsnefndar um
stofnun Sorpsamlags Þingeyinga, auk þess að
sitja í héraðsnefnd S-Þingeyinga um sex ára
skeið, þar af sem formaður í tvö ár.
Engar menntunarkröfur vom gerðar til um-
sækjenda þegar starfið var auglýst. Ráðningin
var ákveðin án sérstaks rökstuðnings en með
leynilegri atkvæðagreiðslu á fundi héraðsnefnd-
arinnar þar sem karlinn fékk 9 atkvæði, konan
fjögur en aðrir umsækjendur færri.
Konan taldi sig hæfari en manninn og vísaði
til menntunar sinnar, lögfræðiprófs og sérhæf-
ingar í sveitarstjómarrétti og umhverfísrétti hér-
lendis og í Danmörku, auk starfsreynslu hjá
sýslumannsembættum.
í niðurstöðum kærunefndarinnar segir að
menntun konunnar sé ótvírætt meiri en manns-
ins en maðurinn hafi hins vegar verið oddviti
og sveitarstjóri í tæp 7 ár auk starfa hjá Kísil-
iðjunni. „Þá hefur hann starfað í ýmsum nefnd-
um á sviði sveitarstjórnarmála, þ.á m. veitt hér-
aðsnefnd Suður-Þingeyjarsýslu forstöðu frá
1994. í því starfí vann hann að sameiningu
héraðsnefnda Norður- og Suður-Þingeyjar-
sýslna. Kærunefnd fellst á þau rök [héraðs-
nefndar Þingeyinga] að þessi starfsreynsla
[karlsins] hafi beina þýðingu fyrir umrætt starf.
Verður í því sambandi að horfa til þess að um
er að ræða nýtt starf. Það er mat nefndarinnar
að líta megi svo á, að víðtæk þekking hans á
aðstæðum og virk þátttaka í undirbúningi að
stofnun hinnar nýju héraðsnefndar, geti talist
sérstakir hæfileikar sem réttlæti að gengið var
fram hjá umsækjanda með meiri menntun,"
segir í áliti kærunefndar jafnréttismála.
Deila RSÍ og Pósts
og síma í hnút
Viðræðu-
slit og auk-
in harka
EKKERT hefur miðað í sam-
komulagsátt í kjaradeilu Raf-
iðnaðarsambandsins og Pósts
og síma hf. Síðdegis í gær
slitnaði upp úr viðræðum
deiluaðila hjá sáttasemjara
eftir rúmlega sex tíma sátta-
fund. Óvíst er hvenær reynt
verður að boða deiluaðila til
fonnlegs fundar á ný.
Verkfall rafíðnaðarmanna
hjá Pósti og síma hefur nú
staðið yfir í tæpar tvær vikur
og hefur verkfallsnefnd raf-
iðnaðarmanna ákveðið að
veita eingöngu undanþágur í
algerum neyðartilvikum, að
sögn Guðmundar Gunnars-
sonar, formanns RSÍ.
Aukin harka er komin í
deiluna en ágreiningurinn
snýst um röðun símsmiða í
launaflokka. Guðmundur seg-
ir að rafiðnaðarmenn átti sig
ekki á hvað viðsemjandinn sé
að fara með þeim hugmynd-
um að lausn sem settar hafa
verið fram. „Kostnaðurinn
sem verið er að deila um er
svo lítill að það er óskiljanlegt
ábyrgðarleysi sem fyrirtækið
sýnir,“ sagði hann.
Losun
lausra hluta
í Víkartindi
hafin
BYRJAÐ er að losa lausa hluti
úr Víkartindi sem strandaði í
fjörunni skammt sunnan
Þykkvabæjar í marsmánuði. í
gær var ljósavél úr skipinu
tekin á land og frammastrið
og unnið er að því að losa
síðustu gámana úr afturlest
skipsins.
Enn eru um sextán gámar
í skipinu í öftustu lestinni.
Gámarnir eru á kafi í sandi
sem hefur gengið inn í lestina
og var í fyrradag reynt að
losa um gámana. Farið var
með gröfu sjávarmegin við
skipið og reynt að moka ofan
af gámunum. Ekki er talið
að gott ástand sé á vamingn-
um sem í gámunum er því
talið er að sjór, olía og sandur
hafi komist í þá.
Búið er að taka hluta af
frammastri skipsins á land,
bátapall, krana, vindur og
spil. Segir lögreglan á Hvols-
velli að svo virðist sem undir-
búningur sé hafinn fyrir að
brytja skipið niður í fjörunni.
Garðar Briem, lögmaður
útgerðar og tryggingafélags
skipsins, segir að ekki hafi
verið tekin ákvörðun um
hvaða aðilar verði fengnir til
þess að hluta skipið í sundur.
Nokkrir hafi lýst yfir vilja sín-
um til að taka verkið að sér.
Hann bindur vonir við að
málið skýrist betur í næstu
viku.
Morgunblaðið kemur næst út
laugardaginn 10. maí.