Morgunblaðið - 08.05.1997, Blaðsíða 31

MORGUNBLAÐIÐ
FIMMTUDAGUR 8. MAÍ1997 31
LISTIR
Morgunblaðið/Jenný Jensdóttir.
HÖFUNDARNIR Hafþór Óskarsson, Magnús Guðmundsson,
Ólafur Tryggvason og Þórdís Haraldsdóttir.
Drangsnesskólinn
gefur út ljóðabók
Drangsnes. Morgunblaðið.
NYLEGA kom út á Drangsnesi
ljóðabókin Fyrstu skrefin. Það eru
nemendur grunnskólans sem gefa
bókina út og í henni eru 69 ljóð
eftir alla nemendur skólans, 26
höfunda á aldrinum sex til sextán
ára.
Drangsnes er lítið þorp
á Drangsnesi búa fáir,
út af því að þar búa fáir.
Þetta litla einlæga ljóð heitir
Drangsnes og er eftir yngsta nem-
anda skólans, Halldóru Guðjóns-
dóttur, sem er sex ára. Kannski á
eitt af stórskáldum framtíðarinnar
í þessari bók sín fyrstu spor í ljóða-
gerð, um það getum við ekki sagt
í dag.
Bókin er mjög vönduð, fallega
innbundin í rauðu bandi með gyllt-
um stöfum. Fyrstu skrefin er unnin
í Félagsbókbandinu Bókfelli í
Reykjavík og hafði Einar Egilson
veg og vanda af þeirri vinnu.
Trúnaðarmál
MYNPLIST
T e h ú s i ð ,
Vcsturgötu 3 b
BLÖNDUÐ TÆKNI
Haraldur Jónsson. Opið öll kvöld sem
aðrar uppákomur eru í Kaffileikhús-
inu til 14. mai 1997.
TEHÚSIÐ er tíu fermetra sýn-
ingarrými sem staðsett er í porti
Hlaðvarpans og hefur nýlega verið
tekið undir myndlistarhald. Sýning
Haraldar er sú þriðja sem þar er
sett upp og nefnist verkið sem hann
sýnir „Trúnaðarmál". Listamaður-
inn hefur tekið viðtal við unga konu
upp á myndband. Andlit konunnar
er myrkvað, þannig að hún þekkist
ekki, og er viðtalið sýnt á gömlum
sjónvarpsskjá sem stendur á miðju
gólfi. Aðgangur inn í sýningarrým-
ið er ekki leyfður og sést því mynd-
bandið aðeins gegnum glugga húss-
ins. Um leið er verkið einangrað,
þótt heyra megi ógreinilegt tal ef
lagt er við hlustir.
Staðsetning verksins hefur með
þessu móti verið færð út fyrir sjálft
sýningarrýmið og sett í nýtt sam-
hengi. Áhorfandinn þarf að nálgast
sýninguna út frá nýjum forsendum
og skoða verkið í samhengi við þá
staðsetningu sem það er sett í.
Verk Haraldar lætur lítið yfir sér
þrátt fyrir að framsetning þess sé
vel ígrunduð. Það hefur sterka vísun
til sjónvarpsviðtala þar sem viðkom-
andi má ekki þekkjast, og vísar um
leið til starfsemi sem er í Hlaðvarp-
anum.
Sýningin nær því að gera áhorf-
andan sér meðvitandi um nánasta
umhverfi rýmisins á einfaldan og
áhrifaríkan hátt.
Hulda Ágústsdóttir
Helfgott á tónleikum í London
Ahorfendur fagna en gagn-
rýnendur fullir hryllings
London. Reuter.
HIN umdeilda tónleikaferð píanó-
leikarans David Helfgott heldur
áfram, áhorfendum flestum til
ánægju en gagnrýnendum til hryll-
ings. Vinsældir Helfgotts má fyrst
og fremst rekja til kvikmyndarinnar
„Shine“, sem fjallar um ævi Helf-
gotts, baráttu hans við geðræn
vandamál og hvernig honum tókst
að hefja tónlistarferil sinn að nýju.
Óhætt er hins vegar að segja að
hann fer ekki troðnar slóðir í flutn-
ingi sínum á mörgum helstu perlum
tónbókmenntanna, og það fer fýrir
brjóstið á ýmsum eins og glöggt
kom í ljós á tónleikum í London í
vikunni.
Þrátt fyrir að áhorfendur hefðu
einhverja hugmynd um á hveiju
væri von, trúðu þeir vart sínum eig-
in eyrum er Helfgott hóf flutning-
inn, tautandi og raulandi fyrir munni
sér. Áttu margir erfítt með að ein-
beita sér að tónlistinni vegna hinna
ýmsu hljóða sem Helfgott gaf frá
sér. Er hann lék Tunglskinssónötu
Beetovens sló hann taktinn hátt og
skýrt með fætinum til að fara ekki
út af laginu og sagði við sjálfan sig
„og nú kemur erfiði hlutinn" í miðri
La Campanella eftir Liszt.
í nokkur skipti fór Helfgott út
af laginu, svo rækilega að það fór
um salinn. Eftir erfíðan hluta í einu
verkanna tók Helfgott sér nokkurra
sekúndna hlé til að hrista hægri
höndina áður en hann hélt áfram.
En þegar tónleikunum, sem stóðu
í hálfan annan tíma, lauk var hon-
um ákaflega vel tekið, þótt von-
brigða gætti vissulega hjá einstaka
áhorfanda, og var hann klappaður
upp í þrígang.
Gagnrýnendur sýndu hins vegar
enga vægð. „Að kalla hann píanó-
leikara er að teygja hugtakið út
fyrir öll venjuleg mörk,“ sagði í The
Guardian. The Daily Express sagði
tónleikana hafa verið „að jafnaði
sorglega, oft vandræðalega og
stundum ósmekklega".
Grænn lífseðill
Fjördagar í lauginni verða haldnir á
Suðumesjum á ejtirtöldum stöðum:
Sundlaugin Garði
8. maí, kl. 9.00. til 12.00.
Sundlaugin Grindavík
8. maí, kl. 12.00. til 15.00.
Sundlaugin Vogutn
11. maí, kl. 10.00. til 12.00.
Sundlaugin Sandgerði
25. maí, kl. 10.00. til 15.00.
Sundlaugin Reykjanesbœ
25. maí, kl. 10.00. til 15.00.
Boðið verður upp á blóðþrýstingsmælingar og leið-
beiningar um sundlag og sundþjálfun.
Grænn lífseðill
— gagnast þér allt lífið —
Framkvæmdaaðilar Græna lífseðilsins eni íþróttir fyrir alla og Heilsuefling.

H*torigö«*og
SPARISJÓÐURINN
-fyrirþigogþím
Breyttu um lífsstíl - þín vegna !