Morgunblaðið - 08.05.1997, Blaðsíða 12

12 FIMMTUDAGUR 8. MAÍ 1997
MORGUNBLAÐIÐ
FRÉTTIR
Iðnaðarráðherra
um hækkun á orku
Full ástæða
til að skoða
málið
FINNUR Ingólfsson, iðnaðar-
og viðskiptaráðherra, segir að
full ástæða sé til að skoða
hvernig gjaldskrárhækkunum
orkufyrirtækja sé háttað í
tengslum við vísitöluhækkanir
og málið sé til athugunar í ráðu-
nejdi hans.
Á aðalfundi VSÍ í fyrradag
vék Ólafur B. Óiafsson, formað-
ur VSÍ, að því í ræðu sinni að
tími sjálfvirkra verðhækkana í
takt við vísitölu væri löngu lið-
inn.
„Eg er með vinnu í gangi í
ráðuneytinu í að skoða þetta.
Þetta er kannski ekki alveg eins
víðtækt eins og menn héldu
kannski í fyrstu, en við munum
í framhaldi af því að þetta hef-
ur verið skoðað leggja mat á
það hvort við þurfum að grípa
til einhverra aðgerða og munum
þá ræða um það við þau fyrir-
tæk,“ sagði Finnur.
Fjölskyldan
á batavegi
HJÓN úr Hafnarfírði og sonur
þeirra sem slösuðust mikið þeg-
ar tvær bifreiðar rákust saman
á Reykjanesbraut skammt frá
Kaplakrika 31. mars síðastliðinn
eru nú öll laus af gjörgæsludeild
og teljast á batavegi, samkvæmt
upplýsingum frá Sjúkrahúsi
Reykjavíkur.
Örnólfur Valdimarsson læknir
á Sjúkrahúsi Reykjavíkur segir
að hjónin liggi saman á deild
en sonur þeirra er á bamadeild.
„Það er hægur en góður
gangur hjá báðum, en hins veg-
ar á eftir að koma í ljós hvemig
endurhæfíngin tekst. Þetta var
mikið slys og í raun ótrúlegt
hvemig þau virðast vera á bata-
vegi,“ segir hann.
Uppselt í
sæti á Sting
AÐGÖNGUMIÐAR í sæti á tón-
leika Sting í Laugardalshöll 25.
júní næstkomandi seldust upp á
þremur klukkustundum á
mánudag í hraðbönkum ís-
landsbanka.
Þar var um að ræða 1.300
miða. Á þriðjudag höfðu selst
1.500 miðar í stæði en alls verða
5.000 miðar í boði á tónleikana.
Miðar eru enn til í stæði.
Miði í sæti kostaði 3.900
krónur en miði í stæði kostar
3.600 krónur.
Morgunblaðið/Golli
LISTASAFN Reykjavíkur í Hafnarhúsinu verður opnað við setn-
ingu Listahátiðar í maí á næsta ári.
*
Frá umræðufundi um sjálfstæði Háskóla Islands
sína. Meðal annars taldi hann fjölda
háskólastofnana of mikinn og þær
væru of litlar, hlutfall starfsliðs við
yfirstjórn og þjónustu væri og lítið,
bæta þyrfti eftirlit með framgangi
rannsókna, gera betri grein fyrir
framvindu þeirra og gera þyrfti
gæðakröfur á sem flestum sviðum.
Miðstýring?
Kristrún Heimisdóttir laganemi
sagði merkilega iitla umræðu hafa
farið fram um frumvarpið í tengsl-
um við rektorskjörið. Sagði hún
koma fram í því hugmynd um auk-
in tengsl háskólans við atvinnulífið.
Spurði hún hvort það væri rökrétt
að háskólinn gæti helst aukið þau
Ekki í anda sjálf-
stæðis að ráð-
herra skipi rektor
Á OPNUM fundi um sjálfstæði
Háskóla íslands og í umræðum um
lagafrumvarp um skóla á háskóla-
stigi sem nú liggur fyrir Alþingi
komu fram efasemdir um gildi sllkr-
ar rammalöggjafar og töldu sumir
fundarmanna að rétt væri að fresta
afgreiðslu frumvarpsins til hausts-
ins til að tími gæfist til betri yfir-
legu og lagfæringa.
Sveinbjörn Bjömsson háskóla-
rektor sagði kjör rektors og skipan
háskólaráðs mestu breytingamar
og taldi kafla frumvarpsins um
stjórn háskólans óþarfan. Ef rektor
væri skipaður af ráðherra væri
spuming hverjum hann þjónaði og
hvort sjálfstæði væri ekki betur
tryggt með kjömum rektor. Sagði
hann það mikla breytingu ef há-
skólaráð skyldi aðeins skipað 10
mönnum, rektor, fimm úr starfsliði
háskólans öðrum en deildarforset-
um, tveimur fulltrúum ráðherra og
tveimur úr hópi stúdenta.
Rektor taldi jákvætt að fjárveit-
ing til skólans tæki mið af fjölda
nemenda og áætlun til nokkurra
ára í senn gæfi svigrúm. Þá sagði
hann það áhyggjuefni fyrir stúd-
enta ef tekin yrðu upp viðbótarskil-
yrði fyrir inngöngu, inntökupróf eða
stöðupróf þar sem í dag hefðu allir
með stúdentspróf rétt til að stunda
nám í skólanum. Rektor kvað há-
skólamenn hefðu kosið lengri tíma
til að fjalla um frumvarpið, best
væri að fá sumarið til að geta lagt
til nauðsynlegar breytingar.
Sturla Böðvarsson alþingismaður
kvaðst treysta menntamálanefnd til
að breyta því sem nauðsynlegt
væri í frumvarpinu en taldi löggjöf
um háskólastigð gefa Háskóla ís-
lands tækifæri til að styrkja stöðu
Morgunblaðið/Kristinn
FRUMMÆLENDUR voru þau Sveinbjörn Björnsson háskólarekt-
or, Sturla Böðvarsson alþingismaður og Kristrún Heimisdóttir
laganemi.
tengsl með því að í háskólaráð yrðu
skipaðir tveir fulltrúar frá mennta-
málaráðuneyti. Ef tengslin væru
lítil gætu þá tveir fulltrúar í há-
skólaráði aukið þau? Sagði hún
frumvarpið fela í sér hættu á for-
ræðishyggju og miðstýringu sem
þessi gróna stofnun ætti ekki skilið
og of margar greinar þess enduðu
á því að ráðherra setti reglugerðir
til nánari útfærslu. Slíkt væri ekki
fallið til að auka sjálfstæði skólans.
Athugasemdir gerðar við samræmt próf í íslensku
Heyrnarlausir
óánægðir
SKÓLASTJÓRI Víðistaðaskóla
hefur gert athugasemdir til Rann-
sóknarstofnunar uppeldis- og
menntamála vegna samræmds
prófs í íslensku sem nemendur skól-
ans þreyttu fyrir skömmu. Skólinn
kennir heyrnarlausum og heyrnar-
skertum og miðaðist prófíð ekki við
það.
Berglind Stefánsdóttir skóla-
stjóri kveðst telja að prófið hafi
verið óréttlátt og segist vilja fá
formlegar skýringar frá RUM
vegna þessa máls.
Ósanngjarn hluti
„í stafsetningarhluta prófsins
var eyðufyliing þar sem nemendur
gátu valið orð og sett inn í, og
þurftu nemendurnir að lesa af
vörum. Þegar lesið er af vörum
skiljast um 70% af því sem sagt
er en afgangurinn ekki, vegna
þess að sum hljóð eru mynduð með
sömu varahreyfingum. Þetta er því
ekki hæfni sem á að prófa í, enda
ekki sjálfsagt að heyrnarlausir séu
færir í varalestri. Þessi hluti prófs-
ins er því ósanngjarn að mínu
mati,“ segir hún.
Nokkru áður en prófið var lagt
fyrir höfðu forráðamenn skólans
rætt við Rannsóknastofnun upp-
eldis- og menntamála og fengið
vilyrði fyrir því að prófinu yrði
breytt til að aðlaga það þörfum
heyrnarlausra. Annað hefði hins
vegar komið í ljós.
„Þegar nemendurnir fengu sfð-
an prófið í hendur urðu þeir fyrir
áfalli, því búið var að segja þeim
að ekki þyrfti að lesa fyrir þennan
þátt. Nemendurnir kvörtuðu ekki
en þetta þýddi aukið álag á þá
fyrir vikið. Eg hyggst skoða niður-
stöður prófsins áður en frekari
athugasemdir verða gerðar, en
geri ráð fyrir að málinu verði fylgt
eftir.
Það er hins vegar alveg ljóst að
í framtíðinni getur prófið ekki ver-
ið með þessum hætti. Nemendurn-
ir eru heyrnarlausir og eiga að
sjálfsögðu að fá annars konar úr-
vinnslu en þeir sem eru það ekki,“
segir Berglind.
Gera þarf sérstakt próf
Hún segir að skólakerfið leggi
mikla áherslu á lestur, skrift og
orðfæri og séu bæði kennsla og
próf aðallega sniðin að þörfum
heyrandi. Gera þurfti sérstakt próf
fyrir heyrnarlausa, jafnþungt og
fyrir aðra, en með öðrum úrlausn-
um og hentugri.
Hönnuðir Hafn-
arhúss valdir
FJÓRAR arkitektastofur gerðu
tillögur um hönnun Hafnarhúss-
ins, sem á að hýsa Listasafn
Reykjavíkur og þar á meðal lista-
verkagjöf Errós. í lok vikunnar
verður ákveðið hvaða arkitektar
vinna verkið, að sögn Guðrúnar
Jónsdóttur, formanns menning-
armálanefndar Reykjavíkur-
borgar. Guðrún sagði að miðað
væri við að salarkynni Hafnar-
hússins yrðu tekin í notkun við
setningu Listahátíðar í Reykja-
vík í maí á næsta ári.
Reykjavíkurborg keypti um
3.500 fermetra húsnæði í Hafnar-
húsinu af Hafnarsjóði í fyrra.
Auk Errósafnsins, gjöf Errós til
Reykjavíkurborgar, verða í hús-
inu m.a. sýningarsalir, lista-
verkageymslur og fjölnotasalur,
þar sem t.d. verður hægt að
halda fyrirlestra og gætu önnur
söfn borgarinnar einnig nýtt
þann sal, að sögn Guðrúnar.
Menningarmálanefnd borgar-
innar auglýsti eftir tillögum
hönnuða og voru tíu teiknistofur
valdar í fyrstu umferð, en síðan
var fjórum boðið að leggja fram
samanburðartillögur sínar. Þetta
eru Stúdíó Granda, sem arkitekt-
arnir Margrét Harðardóttir og
Steve Christer reka, Teiknistof-
an Tröð, sem Sigríður Magnús-
dóttir og Hans-OIav Andersen
reka, arkitektarnir Ögmundur
Skarphéðinsson og Ragnhildur
Skarphéðinsdóttir og loks Stefán
Örn Stefánsson, arkitekt á
Teiknistofunni, Skólavörðustíg
28.
Ekki dýrt
„Menningarmálanefnd hefur
farið yfir tillögurnar og í lok
þessarar viku skýrist hvaða
hönnuðir verða valdir,“ sagði
Guðrún Jónsdóttir. „Þá verður
fljótlega hægt að hefjast handa.
Áætlaður kostnaður skýrist ekki
fyrr en nær framkvæmdum
dregur, en arkitektamir fengu
ákveðna forsögn, þar sem tekið
var fram að húsið ætti að fá að
halda sínum sérkennum, en það
þyrfti að tengja Kvosina og höfn-
ina. Þá þarf listasafnið að mynda
eina heild með Safnhúsinu á
Tryggvagötu 15. Þessi fram-
kvæmd á ekki að vera mjög dýr,“
sagði Guðrún, sem áður hefur
lýst því yfir að Hafnarhúsið eigi
ekki að verða dýr marmarahöll.
Guðrún sagði að listaverkagjöf
Errós fengi varanlegan sess í
Hafnarhúsinu, en sýningar á
verkum hans yrði breytilegar og
misstórar. „Við stefnum að því
að Listasafn Reykjavíkur í Hafn-
arhúsinu verði opnað við setn-
ingu Listahátíðar að ári.“