Morgunblaðið - 23.05.1998, Side 10

10 LAUGARDAGUR 23. MAÍ 1998
MORGUNBLAÐIÐ
FRÉTTIR
Innheimtuaðgerðir
vegna þungaskatts og
bifreiðagjalda
Númer
klippt af
bflum í
skuld
ÚTISTANDANDI bifreiðagjöld og
þungaskattur vegna álagningar
fyiir 1997 og fyrri ár var 138 millj-
ónir króna og er þá miðað við
höfuðstól skuldanna 19. maí síðast-
liðinn. Næstkomandi mánudag
hefjast aðgerðir til innheimtu á
þessum gjöldum og hefur tollstjór-
inn í Reykjavík beint því til inn-
heimtumanna ríkissjóðs að þeir
geri ráðstafanir til þess að skrán-
ingarnúmer verði tekin af þeim bíl-
um þar sem þessi gjöld eru komin í
eindaga.
Sé litið á einstök ár verður
útistandandi skuld mun hærri þeg-
ar bætt er við dráttarvöxtum og
kostnaði. Þannig standa úti um 218
miUjónir króna vegna vanskila fyr-
ir síðasta ár og fyrir gjöldin það
sem af er þessu ári nemur upp-
hæðin 227 milljónum.
Þá er í frétt tollstjóra bent á að
þeir sem greitt hafí með gíróseðl-
um gætu átt á hættu að skráning-
arnúmer bíla þeirra verði klippt af
þeim þar sem upplýsingar um
greiðslurnar berast ekki embætt-
inu fyrr en í fyrsta lagi daginn eftir
greiðslu. Eru gjaldendur hvattir til
að hafa sýnileg í viðkomandi bílum
afrit af greiðslukvittunum.
---------------
Óku á vegrið
Benda hver
á annan
ÞRIR menn fengu að gista fanga-
geymslu lögreglunnar í Reykjavík
eftir að bifreið sem þeir voni í lenti
á vegriði í Vonarstræti um klukkan
þijú í fyrrinótt.
Þegar lögregla kom að voru
félagamir komnir út úr bílnum og
ekki var ljóst hver þeirra var undir
stýri þegar óhappið varð. Að sögn
lögreglu eru þeir allir grunaðir um
ölvun og bendir hver á annan.
Fiskeldi Eyjafjarðar hefur náð mjög góðum árangri í lúðueldinu
Fyrirtæki stofnað í Kanada
FISKELDI Eyjafjarðar hf„
FISKEY, hefur náð mjög góðum
árangri í framleiðslu lúðuseiða og
er framleiðsla fyrirtækisins úr síð-
ustu hausthrygningu um 150
þúsund seiði, sem er um 50% af
heimsframleiðslu síðasta árs. Olaf-
ur Halldórsson, framkvæmdastjóri
FISKEY, gerir sér vonir um að
framleiða um 300 þúsund lúðuseiði
á þessu ári.
Fiskeldi Eyjafjarðar hf., í sam-
vinnu við Sigfús Jónsson hjá Nýsi
hf., hefur undanfarin 3-4 ár átt í
viðræðum við kanadíska aðila um
samstarf í lúðueldi í Kanada. Þess-
ar viðræður hafa leitt til þess að í
upphafí ársins var fyrirtækið Scoti-
an Halibut Ltd. stofnað. Fiskeldi
Eyjafjarðar á helmingshlut í fyrir-
tækinu. Olafur segir að framlag
FISKEY til hins kanadíska fyrir-
tækis sé í formi þekkingar og lúðu-
seiða.
Nálægð við markaðinn
„Unnið er að uppbyggingu fyrir-
tækisins í Kanada og við gerum
ráð fyrir að flytja fyrstu lúðuseiðin
þangað í lok þessa árs, eða í byrjun
þess næsta. Með starfsemi í
Kanada lítum við til þess að landið
er í nálægð við mjög stóran
markað í Norður-Ameríku, auk
þess sem Kanada er með fríversl-
unarsamning við Bandaríkin. Auk
þess að leggja til lúðuseiði til fram-
leiðslunnar, munum við einnig taka
þátt í uppbyggingu fyrirtækisins
og þjálfa starfsfólk.“
Fiskeldi Eyjafjarðar hefur und-
anfarin ár unnið að þróunarverk-
efni í lúðueldi. Fyrstu seiðin fram-
leiddi fyrirtækið árið 1990 en árið
1996 var framleiðslan um 30
þúsund seiði og í fyrra um 50
þúsund seiði. „Við reiknuðum með
að fjöldinn yrði meiri á síðasta ári
en þá komu upp ákveðin vandamál.
Við teljum okkur hafa komist yfír
þau og í kjölfarið hefur gengið
mjög vel. Hjá fyrirtækinu er
hrygningu stjómað með ljósi,
þannig að hrygning stendur yfir
meira og minna allt árið.
300-400 tonn af eldislúðu
Úr hausthrygningunni, sem
stendur yfir frá því í nóvember og
Morgunblaðið/Þorkell
TVEIR starfsmenn Fiskeldis Eyjafjarðar áttu fullt í fangi með þessa risalúðu.
íram í janúar, er búið að framleiða
rúmlega 150 þúsund seiði. Vor-
hrygningin stendur yfir í mars og
apríl og úr henni er farið að fóðra
lirfur og við vonumst til að fjöldinn
verði sá sami og úr hausthrygning-
unni. Þannig að við erum að vona
að framleiðslan í ár verði nálægt
300 þúsund seiði sem er mikil
aukning hjá okkur. Til samanburð-
ar má geta þess að heimsfram-
leiðslan í fyrra var um 300 þúsund
seiði.“
Ólafur segir að í kjölfarið verði
uppbyggingu í eldisstöðinni í Þor-
lákshöfn hraðað og stefnt að því að
taka inn fleiri seiði en áætlað var í
upphafi. Hann sagði ráðgert að
fara með 100-150 þúsund seiði í
matfiskeldi til Þorlákshafnar. „Það
ætti að geta skilað okkur rúmlega
400-500 tonnum af eldislúðu eftir
3-4 ár.“
Kynbætur eru mjög mikilvægur
þáttur í fiskeldi, að sögn Ólafs, m.a.
til að auka hagkvæmni og lækka
framleiðslukostnað. Hann bendir á
að með kynbótum hafi framleiðslu-
kostnaður lækkað í laxeldi í Noregi
og arðsémi aukist mikið.
Kynbætur
mikilvægar
„Við höfum ákveðið að fara í
samstarfsverkefni um kynbætur í
lúðueldi og munum vinna að því
með Stofnfiski hf. og Hafrannsókn-
arstofnun. Starfsmenn Stofnfisks
hafa mjög mikla reynslu og þekk-
ingu í kynbótum á fiski. Þá mun
hluti rannsóknanna fara fram inn á
Hafrannsóknarstofnun."
Ólafur segir að Hafrannsóknar-
stofnun hafi frá upphafi unnið með
Fiskeldi Eyjafjarðar að rannsókn-
um í lúðueldi og fyrirtækið átt
mikið og gott samstarf við stofn-
unina. A Hafró hefur verið
ákveðið að auka tengsl stofnunar-
innar við fyrirtæki í landinu um
rannsóknir á eldi sjávardýra. I
framhaldi af því var ákveðið að
skipa þriggja manna nefnd til
ráðgjafar um rekstur tilrauna-
stöðvar Hafró í fiskeldi á Stað við
Grindavík.
í nefndinni eiga sæti auk fulltrúa
frá Hafró, Vigfús Jóhannsson,
framkvæmdastjóri Stofnfisks hf.,
og Ólafur Halldórsson, fram-
kvæmdastjóri Fiskeldis Eyjafjarð-
ar. Vigfús er jafnframt formaður
stjómar Landssambands fiskeldis-
og hafbeitarstöðva.
„Með þessu vonumst við til að
rannsóknir í eldi sjávardýra á Is-
landi muni eflast og að aðstaða og
þekking sem til er í landinu muni
nýtast enn betur,“ sagði Ólafur.
Fimm ára fangelsi fyrir
tilraun til manndráps
og tvær líkamsárásir
NÍTJÁN ára piltur, Kristján Bragi
Valsson, var í gær í Héraðsdómi
Reykjavíkur dæmdur í fimm ára
fangelsi og til greiðslu skaðabóta og
sakarkostnaðar m.a. fyrir tvær
líkamsárásir og tilraun til mann-
dráps.
Kristján Bragi var ákærður fyrir
líkamsárás aðfaranótt 15. nóvember
sl. í samkomusal KFUM og K í risi
Austurstrætis 20 með því að hafa
veist að manni með höggum og
spörkum, sem lentu í andliti manns-
ins og líkama, með þeim afleiðing-
um að hann nefbrotnaði. I niður-
stöðu dómsins segir að sannað þyki
að Kristján Bragi hafi slegið mann-
inn í andlitið áður en hann féll í
gólfið og hann hafi síðan veist að
manninum, þar sem hann lá í gólf-
inu, með spörkum sem lentu í and-
liti mannsins og víðar á líkama.
Sló mann með
steini í höfuðið
Kristján Bragi var ákærður fyrir
líkamsárás aðfaranótt sunnudagsins
14. desember sl. á Klapparstíg við
Skúlagötu með því að hafa slegið
leigubflstjóra tvö högg í ennið með
steini með þeim afleiðingum að
hann hlaut 1 til 1,5 cm sár. Aðdrag-
andi árásarinnar var með þeim
hætti að Kristján Bragi tók sér far
með manninum í leigubfl frá
Fellsmúla að Bíóbarnum. Er
þangað kom neitaði Kristján Bragi
að borga og ók þá leigubflstjórinn af
stað niður Klapparstíg og sagði
Kristjáni Braga að hann ætlaði að
fara með hann á lögreglustöðina við
Hverfisgötu. Kristján Bragi brást
illa við og stöðvaði þá bílstjórinn bíl-
inn, fór út, dró Kristján Braga
einnig út og hratt honum á undan
sér frá bílnum. Kristján Bragi tók
upp stein og viðurkenndi að hafa
slegið bflstjórann í höfuðið með
honum. Atburðarásin var stöðvuð
þegar að kom maður sem tók Krist-
ján Braga tald og sneri hann niður.
Stakk afa
sinn margoft
Rristján Bragi var ákærður fyrir
tilraun til manndráps að morgni 26.
desember sl. með því að hafa veist
að afa sínum, manni á sjötugsaldri,
á heimili hans í risíbúð við Klappar-
stíg og stungið hann mörgum
stungum með tveimur hnífum og
skærum í líkama og höfuð svo að
hann hlaut fjöldamörg sár í andlit,
handleggi, bak, háls, brjóst og kvið
og náði sár á hálsi inn að barka, sár
á brjósti inn í hægra brjósthol, inn á
lunga og komst loft inn í brjóstholið
og sár á kviði náði inn í kviðarhol og
blæddi þar inn.
Verulegt magn alkóhóls og lyfja
mældist í blóði Kristjáns Braga 26.
desember en hann var handtekinn á
hádegi. Hann bar við minnisleysi en
neitaði ekki að hafa ráðist að afa
sínum með hnífi. Ekkert er vitað
um ástæðu árásarinnar.
Sár á hálsi afans náði inn að
barka og sár á brjósti náði inn í
hægra brjósthol, inn á lunga og
komst loft inn í brjóstholið. Enn-
fremur náði sár á kviði inn í kviðar-
hol og blæddi þar inn. „Áverkar
þessir voru lífshættulegir og þá var
atlaga ákærða [Kristjáns Braga],
sem af öllum ummerkjum á vett-
vangi að dæma, auk tuga stung-
uáverka á líkama ..., augljóslega
mjög ofsafengin og hrottaleg. Var
árásin öll á þann veg, að ákærða
hlaut að vera ljóst að langlíklegast
var að bani hlytist af henni. Hend-
ing ein réð að svo fór ekki. Hefur
ákærði með háttsemi sinni orðið
sekur um tilraun til manndráps,"
segir í niðurstöðu dómsins.
Mennimir þrír, sem Kristján
Bragi réðist á, gerðu allir kröfu á
hendur honum um greiðslu skaða-
bóta.
Kristján Bragi var auk árásanna
þriggja ákærður fyrir að hafa í
félagi við tvo menn brotist tvisvar
inn í veitingastað við Sóltún og
stolið þaðan peningakassa með
1.500 krónum í skiptimynt, 12 gos-
flöskum og 8 plastpokum með 3.317
krónum í skiptimynt. Kristján
Bragi játaði brot sitt.
Sjö refsidómar
frá 1995
Um sakhæfi Kristjáns Braga og
sakarferil segir eftirfarandi í dóm-
inum: „Ákærði, sem er fyllilega sak-
hæfur að mati dómsins, hefur, frá
árinu 1995, hlotið sjö refsidóma fyr-
ir umferðarlagabrot, skemmdar-
verk, nytjastuld, auðgunarbrot og
líkamsárásir. Hann var, hinn 16.
maí 1997, dæmdur í 3 mánaða fang-
elsi fyrir nytjastuld, ölvun og rétt-
indaleysi við akstur og var jafn-
framt sviptur ökurétti í 4 mánuði.
Með þeim dómi var dæmdur skil-
orðshluti dóms frá 6. júní 1996, en
þá var ákærði dæmdur í 3 mánaða
fangelsi, þar af tvo mánuði skilorðs-
bundið fyrir líkamsárás. Hinn 4. júlí
sl. var ákærða dæmdur hegningar-
auki fyrir þjófnað, þjófnaðartilraun
og fjársvik, en honum var ekki gerð
sérstök refsing. Loks var ákærða,
hinn 31. október sl., dæmdur hegn-
ingarauki fyrir minni háttar líkams-
árás en honum var ekki gerð sér-
stök refsing."
Gæsluvarðhald
dregst frá
Skaðabótakröfum mannanna
tveggja, sem Kristján Bragi réðst á,
var vísað frá dómi en fallist var á
hluta skaðabótakröfu afans og
Kristján Bragi dæmdur til að greiða
honum 300 þús. krónur auk 30 þús.
króna í lögfræðikostnað. Þá var
Kristján Bragi dæmdur til að greiða
tryggingafélagi veitingastaðarins,
sem hann braust inn á, tæplega 30
þús. krónur í skaðabætur. Frá fang-
elsisrefsingunni dregst gæslu-
varðhald Kristjáns Braga frá 27.
desember sl„ alls 147 dagar. Hann
var dæmdur til að greiða allan sak-
arkostnað, þar með talin saksóknar-
laun í ríldssjóð, 100.000 krónur og
réttargæslu- og málsvarnarlaun
skipaðs verjanda síns, Kristjáns
Stefánssonar hrl., 150 þús. krónur.
Ragnheiður Harðardóttir, settur
saksóknari, sótti málið fyrir hönd
ákæruvaldsins. Dóminn kváðu upp
Steingrímur Gautur Kristjánsson
héraðsdómari ásamt héraðsdómur-
unum Sigríði Ólafsdóttur og Helga
I. Jónssyni.