Morgunblaðið - 23.05.1998, Blaðsíða 20

20 LAUGARDAGUR 23. MAÍ 1998
LANDIÐ
MORGUNBLAÐIÐ
Heilsugæslunni í Búðardal
færð stórgjöf
Búðardal - Kvenfélagið Fjólan í
Suðurdölum á 70 ára afmæli um
þessar mundir. Af því tilefni
færðu kvenfélagskonur
Heilsugæslustöðinni í Búðardal
eyrnaskoðunartæki af bestu gerð
að verðmæti 150.000 kr.
Yfirlæknir Heilsugæslustöðvar-
innar, Lánis Ragnarsson, tók við
gjöfínni og þakkaði kvenfélags-
konum hlýhug og hugulsemi.
Þetta er með síðustu embættis-
verkum Lárusar hér en hann er á
förum eftir 10 ára farsælt starf.
Morgunblaðið/Kristjana R. Agústsdóttir
FRÁ afhendingu eyrnaskoðunartækisins.
LOFTMYND af Gufuskálum tekin í fyrradag.
Vortónleikar í Mývatnssveit
Mývatnssveit - Vortónleikar Tón-
listarskóla Mývatnssveitar voru
haldnir í Reykjahlíðarskóla 12. maí.
Hólmfríður Guðmundsdóttir
skólastjóri bauð gesti velkomna á
tónleikana. Alls komu fram um 40
nemendur og léku á píano, fiðlu,
blokkflautu, trompet, þverflautu,
harmonikku og karinett. Ekki voru
allir háir í loftinu. Viðstaddir höfðu
mikla ánægju af að hlýða á.
Við skólann störfuðu síðastliðinn
vetur fjórir kennarar, Sigríður Ein-
arsdóttir, Sigurður Gunnarsson,
Heidi Maroti og Laslo Dzenek.
Fjölmenni var.
ntOL
Mosriffi
ÞJOÐBRAUT
IJPPLÝSINGA
UPPLYSINGATÆKNIOG BYGGÐAÞRÓUN
Upplýsingatækni í rekstri —
Þjóðbraut framtíðarinnar
Gildi upplýsingatækni í byggðaþróun á nýrri öld
Staðsetning: Hótel Húsavík.
Tími: 29.05.1998 (föstudagur).
Dagskrá:
12.45 Skráning.
13.00 Setning — Einar Njálsson, bæjarstjóri á Húsavík.
13.10 Ávarp — Halldór Blöndal, samgönguráðherra.
13.20 Stefnumótun ríkisstjómarinnar — Guðbjörg Sigurðardóttir,
forsætisráðuneytinu.
13.40 ATM-rannsóknarnet — Sæmundur Þorsteinsson, Landssíma
íslands hf.
14.00 Upplýsingatækni og landsbyggðin — Ingi Rúnar Eðvarðsson,
Háskólanum á Akureyri.
14.20 Fjarkennsla við VMA: Framtíðarsýn — Haukur Ágústsson,
Verkmenntaskólanum á Akureyri.
14.40 Upplýsingatækni við Háskólann á Akureyri — Þorsteinn
Gunnarsson, rektor Háskólans á Akureyri.
15.00 Kaffí.
15.20 Breiðbandið og ný þjónusta í fjarskiptum — Þór Jes Þórisson,
framkvæmdastjóri markaðs- og sölusviðs Landssíma Islands hf.
15.40 Framtfðarsýn hugbúnaðarfyrirtækja úti á landi — Gunnar
Ingimundarson, Hug.
16.00 Tölvutækni til fjarmælinga — Hallur Birgisson,
Verkfræðistofunni Vista.
16.20 Pallborðsumræður: „Framkvœmd til framttðar" — Bjami
Kristinsson, framkvæmdastjóri Iðnþróunarfélags Eyjaljarðar,
stýrir umræðum.
17.00 Ráðstefnuslit.
Ráðstefnan er öllum opin.
Mannvirki á Gufu-
skálum fá ný hlutverk
Morgunblaðið/Árni Sæberg
FORMLEGA var gengið frá afhendingu Gufuskála til þeirra aðila sem
nú þegar hafa tekið eða hyggjast taka við þeim laust fyrir hádegi á upp-
stigningardag. Frá vinstri: Halldór Blöndal samgönguráöherra, Halldór
Ásgrímsson utanrfldsráðherra og Markús Örn Antonsson útvarpsstjóri.
Hellissandi - Um hálftíuleytið að
morgni 21. maí lentu þrjár vélar
nánast samtímis á flugvellinum í
Rifi á Snæfellsnesi. Tvær komu frá
Reykjavík og flutti önnur utanríkis-
ráðherra, Halldór Ásgrímsson, og
nokkra starfsmenn utanríkisráðu-
neytisins, útvarpsstjóra, Markús
Örn Antonsson, og með honum
nokkra starfsmenn Ríkisútvarps-
ins, fulltrúa Þroskahjálpar og Olaf
Proppe, formann Landsbjargar, og
Gunnar Tómasson, forseta Slysa-
vamafélags íslands. Hin vélin flutti
að mestu leyti fjölmiðlafólk. Þá
kom frá Akureyri flugvél samgöng-
uráðherra, Halldórs Blöndals, og
með Halldóri í för voru starfsmenn
hans úr samgönguráðuneytinu. Við
flugstöðvarbygginguna stóð fyrir
flugvél Sævars Þórjónssonar, mál-
arameistara í Ólafsvík.
Það er orðin óvenjuleg sjón að
sjá fjórar flugvélar samtímis við
flugstöðvarbygginguna í Rifi. Notk-
un flugvallarins er í lágmarki því
miður um þessar mundir, því Rifs-
flugvöllur er að mörgu leyti ágætur
flugvöllur með tvær upplýstar
brautir. Hann skapar mikið öryggi
hér á utanverðu Snæfellsnesi.
Erindi ráðherranna hingað vest-
ur var að ganga frá, undirrita og af-
henda Gufuskála til þeirra aðila
sem nú þegar hafa tekið eða hyggj-
ast taka við þeim. Fyrst var undir-
ritaður samningur þar sem utan-
ríkisráðuneytið afhenti Þroskahjálp
hús til eignar og afnota. Er húsið
fyrst og fremst ætlað til
skammtímavistunar fatlaðra barna
en einnig til sumardvalar. Starf-
semi Þroskahjálpar hófst á Gufu-
skálum 1995 og er mikil ánægja
með hana og miklar væntingar
bundnar við hana.
Þá afhenti utanríkisráðherra
Ríkisútvarpinu mastrið stóra og
hluta af vélarhúsum sem tekin voru
í notkun sl. haust þegar hafnar
voru þaðan langbylgjusendingar
Ríkisútvarpsins. Og að síðustu und-
irritaði utanríkisráðherrann ásamt
Halldóri Blöndal samgöng-
uráðherra afsalsbréf til Lands-
bjargar og Slysavarnafélags ís-
lands vegna megin þorra allra
bygginga á Gufuskálum. Bíður nú
þessara félaga að koma þar upp
alþjóðlegum björgunarskóla og æf-
ingabúðum. Að sögn þeirra Olafs
Proppe og Gunnars Tómassonar
sem undirrituðu og samþykktu af-
salsbréfin, hentar staðurinn sérlega
vel til slíkra hluta.
Ríkisstjórnin hefur þegar tryggt
Gufuskálum umtalsverða fjármuni
næstu fimm árin til þessa verkefn-
is. Með þessum gerningi hefur ver-
ið klippt á naflastrenginn og nú
reynir á hvernig þessum aðilum
tekst til í því að láta þetta verða að
veruleika og koma þarna upp starf-
semi. Björgunarskóli og æfinga-
búðir á Gufuskálum era öllum hér
ákaflega kærkomið verkefni og
kann að verða Snæfellsbæ umtals-
verð lyftistöng. Eiga þeir bæjarfull-
trúar sem barist hafa fyrir þessu
allt kjörtímabilið mikinn heiður
skilinn fyi’ir þá elju sem þeir hafa
sýnt í því að ryðja þessu braut og
hafa þurft að ryðja úr vegi mörgum
erfiðum hindrunum.
Nú eru eignirnar á Gufuskálum í
eigu Landsbjargar og Slysa-
varnafélags Islands. Líklegt er að
fyrst um sinn og sennilega strax á
þessu sumri verði starfræktar þar
æfingabúðir fyrir unglingadeildir
björgunarsveitanna. Er það vel við
hæfi. Nú hafa stjórnvöld skilað
þessu af sér og málefni Gufuskála
virðast vera í höfn.
Keiko kominn
til Húsavíkur
Húsavík - Sjóferðir Arnars ehf. á
Húsavík hafa fest kaup á hvala-
skoðunarskipinu Moby Dick til
siglinga fyrir ferðamenn og hefur
hann hlotið nafnið Keiko.
Moby Dick, sem áður hét Fagra-
nes og var í siglingum um Isafjarð-
ardjúp, hefur nú að mestu verið í
hvalaskoðunarferðum á Skjálf-
andaflóa en hefur einnig siglt til
Grímseyjar og þá hafa verið haldn-
ar grillveislur og ýmis skemmtiat-
riði flutt um borð. Keiko mun hins-
vegar verða bæði í hvalaskoðunar-
ferðum og í áætlunarferðum til
Morgunblaðið/Silli
HVALASKOÐUNARSKIPIÐ Moby Dick við Hiísavíkurbryggju.
Flateyjar í sumar en það mun vera
í fyrsta skipti sem slík þjónusta er
boðin. Áætlað er að fara frá Húsa-
vík alla daga kl. 9.30.
Sigling vestur með Kinnaríjöll-
um er fögur í góðu veðri og fugla-
líf er fjölskrúðugt í Flatey og
náttúrufegurð stórbrotin. Síðustu
íbúar eyjarinnar fluttu upp á meg-
inlandið 1968 en sumir hafa haldið
við húseignum sfnum þar og dvalið
þar að sumri svo að heppilegt er
að hafa fastar ferðir á milli eyjar
og lands.