Morgunblaðið - 02.11.1999, Blaðsíða 2

2 ÞRIÐJUDAGUR 2. NÓVEMBER 1999
MORGUNBLAÐIÐ
FRÉTTIR
Marinn eftir 30-40 metra fall niður grjótskriðu
Morgunblaðið/Halldór Sveinbjörnsson
Bílbeltin björguðu Reyni Péturssyni þegar hann missti stjórn á bílnum í krapaelg á veginum undir Óshlíð.
Bíllinn fór margar veltur niður grýtta urð og hafnaði í Qörunni, gjörónýtur.
Með ólíkindum að vera á lífi
„ÞAÐ er með ólíkindum að ég
skuli hafa komist lifandi frá
þessu,“ sagði Reynir Pétursson,
sem var á hægri ferð út Óshlíð-
ina til Bolungarvíkur þegar bíll-
inn, sem hann ók lenti í krapaelg
í vegkantinum og steyptist 30-40
metra niður í fjöru um miðjan
dag á sunnudag.
„Ég skoðaði bílinn í dag og skil
þetta ekki,“ sagði hann. Reynir
sagði að veðrið hefði ekki verið
vont en gengið á með slyddu þeg-
ar hann ók út hlíðina í sunnu-
dagsbíltúr. „Ég veit ekki hvernig
ég missti bílinn út í krapann í
vegkantinum, þar sem ég var á
mjög hægri ferð, um 50 km
hraða,“ sagði hann. „Bfllinn vildi
ekki hlýða mér og koma inn á
aftur. Vegurinn var nokkurn
veginn auður því ég mætti spjó-
ruðningstækinu innar i hlíðinni.
Ég hélt að bfllinn myndi stoppa í
vegkantinum og vega salt á
brúninni en svo rúllaði hann nið-
ur. Hann valt niður en ég var í
belti, annars væri ég ekki að tala
við þig.“
Man fyrstu veltuna
Bfllinn valt niður grjótskriðu
og stöðvaðist í stórgrýttri fjör-
unni. „Ég man bara eftir fyrstu
veltunni þegar bfllinn fór á topp-
inn en þá hef ég fengið högg á
höfuðið," sagði Reynir. „Síðan
man ég ekkert fyrr en ég var
kominn upp í sjúkrabflinn á leið
á sjúkrahúsið."
Tvö vitni voru í bfl á eftir
Reyni og komu þau að honum í
bflnum, hjálpuðu honum að kom-
ast út um hliðarrúðu og studdu
hann upp á veg. „Ég er allur
lemstraður frá mitti eftir bflbelt-
in, með nokkra skurði á höfðinu
og marinn og skorinn eftir gler-
brot á vinstri hendi,“ sagði hann.
„Ég held að ég hafi hallað mér
yfir í farþegasætið þegar ég sá
að bfllinn ætlaði að fara út af því
ég var að spá í að henda mér í
gólfið en þegar ég sá sjóinn fyrir
neðan þá fannst mér það vera
svo vitlaust. Ef ég færi alla leið
út í sjó þá gæti ég lokast þar af
svo ég tók þá ákvörðun að reyna
að halla mér aðeins frá rúðunni
og yfir í farþegasætið. Ég var bú-
inn að losa beltið þegar ég kom
niður og ætlaði að koma mér út
en ég hefði aldrei hangið í sætinu
ef ég hefði ekki verið með beltið,
það er útilokað. Ég á að hafa
labbað sjálfur með þeim sem
komu að upp á veg en ég man
það ekki. Mér finnst kraftaverk
að hafa sloppið svona vel.“
Stjórnarformaður Orca SA um söluna á FBA
Orcahópurinn leystur upp
í FRAMHALDI af sölu á 51% hlut
ríkisins í Fjárfestingarbanka at-
vinnulífsins munu eigendur Orca
S.A. skipta upp hlutabréfum sínum
þannig að þeir verði beint hluthaf-
ar í FBA eins hratt og kostur er.
Þangað til af því getur orðið munu
hluthafar í Orca fara beint með at-
kvæði sín á hluthafafundum í FBA,
þ.e. í samræmi við sinn eignarhlut.
Eignarhlutur Orca S.A. er nú 28%.
Að sögn Eyjólfs Sveinssonar,
stjórnarformanns Orca S.A., voru
menn sammála um að best færi á
því að hluthafahópurinn yrði
nokkur jafn og dreifður í fram-
haldi af því að aðeins ein þátt-
tökutilkynning kom fram og sam-
staða náðist um hvernig staðið
yrði að kaupunum.
Stærstu hluthafar með 7%
„Þess vegna samþykktum við að
hluthafahóparnir í Orcu færu beint
með eign sína í FBA. Augljóst er,
hvað eftirmarkaðinn varðar, að
menn munu ráðstafa sínum eignum
eins og þeir kjósa en ég tel enga
ástæðu til að ætla að samsetning
hluthafahópsins í FBA verði ólíkur
samsetningu hluthafahóps Islands-
banka.“
Eftir þessi viðskipti munu
stærstu hluthafar í FBA hver um
sig fara með um 7% atkvæðisrétt í
félaginu.
Um 44 milljóna króna viðskipti
voru með hlutabréf í FBA á Verð-
bréfaþingi Islands í gær og hækk-
aði gengi þeirra um 2,9%, úr 2,79 í
2,87, en gengi bréfanna fór hæst í
2,95 á VÞÍ í gær.
Annað bindi ævisögu
Einars Benediktssonar komið út
I slagtogi við
helstu iðju-
hölda Breta
í ÖÐRU bindi ævi-
sögu Einars Bene-
diktssonar eftir Guð-
jón Friðriksson, sem
var að koma út,
koma fram upplýs-
ingar um skáldið sem
fram til þessa höfðu
verið á fárra vitorði.
Guðjón segist hafa
fundið böggul á
breska þjóðskjala-
safninu sem geymdi
upplýsingar um öll
þau félög sem Einar
stofnaði á Bret-
landseyjum, en þar
var að finna hluthafa-
skrár, samninga og
ársreikninga þessara félaga. Það
sem var einna merkilegast við
jDessi skjöl voru hluthafaskrárnar
en þar sést svo ekki verður um
villst að Einar var í slagtogi við
helstu iðjuhölda Breta á þessum
tíma.
Mínerva og Dettifoss
Power Company
Guðjón fann í skjölunum meðal
annars félög sem ekki var vitað
um að Einar tengdist. Til að
mynda sýna þau að Einar átti
Nesjavelli. „Einar stofnaði félög
á Bretlandi um vinnslu brenni-
steins á Nesjavöllum árið 1913.
Félagið hét Mínerva og helsti for-
kólfur félagsins ásamt Einari var
sir Kenneth Crossley en hann var
á þessum tíma einn af umsvifa-
mestu iðjuhöldum Manchester-
borgar og átti einnig eitt stærsta
tryggingafélag Bretlandseyja.
Annað félag sem ekki hafði verið
vitað um er félagið Dettifoss
Power Company. Einar og félag-
ar hans áttu félag sem hét Gígan
og átti félagið vatnsréttindi í
Dettifossi og Jökulsá. Breskur
auðkýfingur keypti
öll vatnsréttindin og
stofnaði nýtt félag
kringum þau. Einar
auðgaðist mjög vel á
þessari sölu.“
Guðjón segir að
þau gögn sem hann
fann á breska skjala-
safninu útskýri
hvemig Einar fram-
fleytti sér og fjöl-
skyldu sinni en
margir samtíma-
menn hans undruð-
ust hversu mikið
fjármagn hann virt-
ist ávallt hafa milli
handa. „I gögnum
um þessi fyrirtæki kemur í ljós að
þau voru mörg með mikið hlutafé.
Einar var á launum sem stjórnar-
maður þeirra og þau borguðu
einnig ferðalög hans og risnu og
þess háttar. Þannig fæst í bókinni
skýring á manninum. Þjóðsagan
um hann breytist ekki en hann
verður skiljanlegri."
Utanríkisráðuneyti Dana
fylgdist grannt með Einari
Guðjón segist hafa rannsakað
gögn úr danska utanríkisráðu-
neytinu og þar hafi komið í ljós að
þar var fylgst grannt með Einari.
„Island var auðvitað ekki orðið
sjálfstætt ríki þarna og Dönum
stóð stuggur af þessum undar-
lega manni sem daðraði við erlent
fjármagn. Það kemur í ljós í
gögnum ráðuneytisins að þeim
stóð ekki á sama um Einar, en
þar var meðal annars að finna
skýrslur frá danska ræðismann-
inum í London um umsvif Einars.
Það kom mér einnig á óvart
hversu dönsk blöð fylgdust vel
með Einari og að mörgu leyti bet-
ur en íslensku blöðin.“
Einar Benediktsson
Grunur um 7 millj.
krdna fjársvik
TVEIR karlmenn á fertugs-
aldri voru í Héraðsdómi
Reykjavíkur úrskurðaðir í
vikulangt gæsluvarðhald á
sunnudag, að kröfu lögregl-
unnar í Reykjavík, vegna
gruns um fjársvik. Eru menn-
irnir taldir hafa hagrætt bók-
haldi í verslun á höfuðborgar-
svæðinu sem þeir unnu í, dreg-
ið sér fé og tekið sér vörur að
jafnvirði 7 milljónir króna.
Beinast grunsemdir lögregl-
unnar að því hvort mennirnir
hafi tekið vörur verslunarinnar
sem sagðar voru skemmdar og
tryggingafélög voru látin greiða
fyrir.
Við húsleit lögreglu fannst
talsvert af varningi sem tengist
málinu.
Rannsókn málsins stendur nú
yfir hjá rannsóknardeild lög-
reglunnar.
Á ÞRIÐJUDÖGUM
Heimili

JSUrennbUMb
Heimíli

Atli Eðvaldsson ráðinn lands-
liðsþjálfari í knattspyrnu / B1
Guðjón Þórðarson ákveðinn að
herja í útlöndum / B4,B12