Morgunblaðið - 02.11.1999, Blaðsíða 11

MORGÚNBLAÐIÐ
ÞRIÐJUDAGUR 2. NÓVEMBER 1999 11
FRÉTTIR
Aðildarríkjafundur Kyoto-bókun-
arinnar stendur yfír í Bonn
Ráðherrar
ræðast við í dag
UMHVERFISRÁÐHERRA kom í
gær til Bonn í Þýskalandi þar sem
fimmta aðildarríkjaþing ramma-
samnings Sameinuðu þjóðanna um
loftslagsbreytingar stendur yfir.
Ráðherrar alls staðar að úr heimin-
um funda saman á þinginu í dag og
fram á fimmtudag en þingið sjálft
stendur yfír í tvær vikur.
Þingið hófst 25. október sl. og
hefur Þórir Ibsen, sendiráðunautur
í utanríkisráðuneytinu, setið það frá
fyrsta degi. Hann segir að þingið
gangi aðallega út á undirbúning fyr-
ir 6. aðildarríkjaþingið sem haldið
verður í Haag í Hollandi á næsta
ári. „Það eru bundnar vonh- við að á
því þingi verði samþykktar reglur
og útfærslur á ákvæðum Kyoto-
bókunarinnar til að ná markmiðum
hennar," segir Þórh-.
Þórir segir að svokallað sveigjan-
leikaákvæði bókunarinnar sem
skapar ákveðið svigrúm fyrir aðild-
arríki hennar til að ná markmiðum
hennar, sé einna helst til umræðu á
þessu þingi. „í því felast viðskipti
með losunarkvóta, sameiginlegar
framkvæmdir meðal iðnríkja og
sameiginlegar framkvæmdir iðn-
ríkja og þróunarríkja til að ná fram
markmiðum bókunarinnar. Mikil
tækni- og efnisvinna hefur farið
fram. Nú er samningstextinn farinn
að mótast þannig að á næsta ári
verða væntanlega líflegar samn-
ingaviðræður um lokaútfærsluna,"
segir Þórir.
Reglur mótaðar um hvernig
framfylgja eigi skuldbindingum
Auk umræðu um sveigjanleikaá-
kvæðið er einnig unnið að útfærslu
á reglum um ákvæði bókunarinnai-
um gróðurbindingu, sérstaklega
hvað varðar aðrar aðgerðir en skóg-
rækt, t.d. landgræðslu. „I þriðja
lagi er svo verið að vinna að því sem
kallast framfylgd og snýst um
hvernig á að fylgjast með fram-
kvæmd aðildaiTÍkja á ákvæðunum,"
segir Þórh-.
„Það eru engar niðurstöður
komnai’ ennþá en þetta eru allt mik-
ilvægustu atriðin sem aðildan-íkin
þurfa að ná samkomulagi um. Þau
ríki sem hafa undirritað bókunina
munu ekki fullgilda hana fyrr en
þessar reglur liggja fyrir,“ segir
Þórir en stefnt er að því að þær
verði samþykktar á sjötta aðildar-
ríkjaþinginu á næsta ári.
íslenska tillagan ekki
rædd sérstaklega
Þórir segir, er hann er spurður
um hvort tillaga íslenskra stjórn-
valda um undanþágu hafi verið tU
umfjöllunar á þinginu, að gagnleg
tæknivinna hafí átt sér stað síðan
tillagan var lögð fram í Buenos
Aires fyrir ári. „Við höfum fengið
spumingar frá Evrópusambandinu,
Kanada og frá smáeyríkjum. Við
höfum svarað þessum spurningum
og verið spurð nánar út í okkar
svör. Ákvæðið er ekki á dagskrá
fundarins núna til afgreiðslu en
stefnt er að því að ákvörðun verði
tekin um það á þinginu næsta
haust,“ segir Þórh’.
Hægt er að fylgjast með þinginu í
Bonn á Netinu á slóðinni: www.un-
fccc.de.
Utanríkisráðuneytið fer með for-
ystu í samningaviðræðunum í fram-
haldi af Kyoto-bókuninni en um-
hverfisráðuneytið fer með fram-
kvæmd rammasamnings um lofts-
lagsbreytingar. Auk Þóris eru
staddh- á þinginu í Bonn Halldór
Þorgeirsson, deildarstjóri alþjóða-
deildar umhverfísráðuneytisins,
Magnús Jóhannesson, ráðuneytis-
stjóri umhverfisráðuneytisins, Siv
Friðleifsdóttir umhverfisráðherra
og Jón Ingimarsson, skrifstofustjóri
iðnaðarráðunejdisins.
Morgunblaðið/RAX
Francois Scheefer, starfsmaður hjá Samvinnuferðum-Landsýn, afhendir Valentine Pommier, 13 ára frönsk-
um skiptinema, bók um Island í tiiefni af því að hún var skiptinemi númer 2.500.
2.500 franskir skiptinemar
hafa heimsótt Island á 15 árum
Franskur skipti
nemi heiðraður
FJÖLMARGIR franskir skipti-
nemar hafa heimsótt Island síð-
ustu 15 ár og á Austurvelli á
föstudaginn var hin 13 ára gamla
Valentine Pommier, frá bænum
Pornichet í Vestur-Frakklandi,
sérstaklega heiðruð, þar sem hún
var skiptinemi númer 2.500. Það
voim þeir Helgi Jóhannsson og
Francois Scheefer, frá Samvinnu-
ferðum-Landsýn, sem færðu
henni bók um Island og heiðurs-
skírteini í tilefni af áfanganum.
Frakkinn Francois Scheefer
hefur haldið utan um skipulagn-
inguna frá upphafi, en hann
flutti til Islands í fyrra. I síðustu
viku voru um 100 skiptinemar
hérlendis ásamt kennurum sín-
um, en þeir fóru flestir heim til
Frakklands í gær. Þar sem um
skiptinema er að ræða hafa jafn-
margir íslendingar farið til
Frakklands.
Helgi Jóhannsson, fram-
kvæmdastjóri Samvinnuferða,
sagði að þessi nemaskipti hefðu
gengið mjög vel fram að þessu
og að nú væri svo komið að þeir
skiptinemar, sem komið hefðu til
fslands fyrir 15 árum, væru farn-
ir að skila sér hingað aftur sem
ferðamenn í ferðalagi með fjöl-
skylduna sína.
I gæsluvarð-
haldi vegna
innbrota
KARLMAÐUR á fertugsaldri hefur
verið handtekinn af lögreglunni í
Hafnarfirði og úrskurðaður í gæslu-
varðhald til 5. nóvember eftir að tals-
vert magn af þýfi fannst á heimili
hans í Reykjavík.
Samkvæmt upplýsingum lögregl-
unnar í Hafnarfírði, sem rannsaka
málið, er þýfið úr að minnsta kosti
fjórum innbrotum sem framin voru í
haust. Þrjú þeirra voru framin í
Reykjavík og eitt í Garðabæ en þar
var farið inn um glugga að morgni
14. október- sl. og skartgripum og
rafmagnstækjum að andvirði um
einnar og hálfrar milljónar króna
stolið.
Andvirði þýfisins sem fannst í fór-
um mannsins er talið nema um 6-700
þúsundum króna og hefur hann ver-
ið kærður fyrir fjögur innbrot. Talið
er að hann hafi verið einn að verki.
Stjórnarandstaðan um væntanlega sölu á hlut ríkis í Fjárfestingabanka atvinnulífsins
Vilja dreifða eignar-
aðild í eftirsölu
Margrét Steingrímur J. Sverrir
Fríniannsdóttir Sigfússon Hermannsson
FULLTRÚAR stjórnarandstöð-
unnar bregðast misjafnlega við
fréttum af væntanlegri sölu á 51%
eignarhlut ríkisins í Fjárfestingar-
banka atvinnulífsins. Margrét
Frímannsdóttir, talsmaður Sam-
fylkingarinnar, segir betur hafa
tekist til en á horfðist en Steingrím-
ur J. Sigfússon, formaður Vinstri-
hrejrfingarinnai’ - græns framboðs,
leggur áherslu á að engar trygging-
ar séu fyrir þvi að eignaraðildin á
bankanum haldist dreifð. Svemr
Hermannsson, formaður Frjáls-
lynda flokksins, tekur enn dýpra í
árinni og segist taka öllum fréttum
um dreifða eignaraðild með fyrir-
vara.
Margi’ét Frímannsdóttir segir að
miðað við þær upplýsingar sem fyr-
ir hendi séu hafi tekist betur til um
sölu á 51% eignarhluta ríkisins í
FBA en á horfðist. Mikilvægt sé
hins vegai’ að setja skýrari reglur
um hvernig tryggja eigi dreifða
eignaraðild í eftirsölu.
„Og Samfylkingin hefur lagt fram
frumvörp sem við teljum að séu
besta svarið, þ.e. verulega hert
samkeppnislöggjöf og breytingar á
Fjármálaeftirlitinu. Möguleikar
okkar á því að tryggja eftirmarkað-
inn felast í samþykkt þessara
tveggja frumvarpa, eða reglna og
laga í samræmi við það sem við höf-
um lagt fram,“ segir Margrét.
Margrét bendir á að sala á fjár-
málafyrirtækjum sé ný fyrir mönn-
um og því sé ljóst að taka þurfi til
hendinni og móta skýrari reglur um
þau mál en fyrir hendi eru. „Fjár-
magnsmarkaðurinn hefur verið í
svo örri þróun og þó að löggjöf um
fjármálaeftirlit sé ekki gömul eru
það í sjálfu sér mjög gamlar reglur,
því við lagasetningu var einungis
um að ræða yfirtöku á reglum sem
giltu hjá eftirliti Seðlabankans og
vátryggingaeftirlitinu. Við þurfum
því nú að ganga frá miklu skýrari
reglum," sagði Margrét.
Ótímabært að fara
út í sölu núna
Steingrímur J. Sigfússon, for-
maður Vinstrihreyfingai’innar -
græns framboðs, kvaðst í sjálfu sér
engar athugasemdii' gera við sam-
setningu þess hóps, sem hyggst
kaupa hlut ríkisins í FBA, úr því að
þessi tiltekna leið var valin við sölu
á bankanum. Það væri þó ljóst að
ekki var um mikla samkeppni að
ræða og að í raun hefði ekkert reynt
á það hvað hægt væri að fá fyrir
bankann.
„En stóra málið er auðvitað að
það var algerlega ótímabært að
vaða út í þessa sölu núna,“ segir
Steingrímur. „Menn hefðu átt að
stöðva sig af hér í sumar eða haust
þegar ljóst var í hvers konar vand-
ræðagangi og vitleysu þetta mál var
og setjast niður og spyrja sig að því
hvort hrófla ætti meira við eignar-
hlut ríkisins að svo stöddu."
Segir Steingrímur að ef síðan
hefði verið tekin ákvörðun þar um
hefðu menn vitaskuld átt að fara
vandlega yfir það með hvaða hætti
átti að selja og í hvaða umhverfi sú
sala átti að fara fram. „Þá er ég
auðvitað sérstaklega að hugsa um
það að ef menn meina eitthvað með
tali sínu um viljann til að dreifa
eignaraðild þá átti auðvitað að setja
fyrirfram ákvæði í lög þar að lút-
andi.“
Finnst málið vera
skrípaleikur
Steingrímur segii’ staðreyndina
nefnilega vera þá að daginn eftir að
þessi sala fer fram geti þess vegna
ein fjölskylda hafist handa við að
safna að sér þessum eignarhlut og
engar reglur séu til sem komi í veg
fyrir það. „Mér finnst málið vera
skrípaleikur, ég verð að segja alveg
eins og er. Ef menn ekki setja
ákvæði í lög til að tryggja dreifingu
eignaraðildarinnar mátti alveg eins
láta hvern sem er bjóða í bankann
og reyna þá að fá sem hæst verð
fyrir hann.“
Steingrímur segir að auðvitað sé
enn hægt að setja slík lög en að
betra hefði verið að gera það áður
en fai’ið var út í svo stóra sölu.
Hann segir hins vegar að í öllu falli
sé nauðsynlegt að láta ekki langan
tíma líða áður en slíkt verði lögfest,
einfaldlega vegna þeirrar hættu
sem við blash- að eignarhluturinn
fari að safnast á færri hendur.
Sverrir Hermannsson, formaður
Frjálslynda flokksins, kveðst taka
öllum fréttum af væntanlegri
dreifðri eignaraðild á FBA með fyr-
irvara. „Þeir sem tilhlaupið gerðu,
Orca-hópurinn í samvinnu við
bankamálaráðhen-ann, eiga eftir að
ná undirtökunum fljótlega. Það
skulu menn sjá,“ segir Sverrir. „Ég
marka ekkert þessa tilburði og hér
er engu hægt að treysta í að verði
um einhverja dreifða eignaraðild að
ræða.“
Sverrh- rifjar upp að Orca-hópur-
inn eigi nú þegar 28% í FBA. Segist
hann enga útlistun hafa séð á því
hver sé hlutur þeirra einstaklinga
sem standa að Orca-hópnum í þessu
tilboði nú og hverju þeir séu þar
með að bæta við sig.
„Ég held að þessir menn muni í
krafti sinnar aðstöðu og auðs áfram
leika lausum hala og ná tilgangi sín-
um óðar en varir,“ segir Sverrir.
„Nú er hvatt til þess að menn spýti í
lófana og einkavæði þjóðbankana.
Þai’ munu þeir mæta sem búið er að
gefa lungann úr þjóðarauðnum með
því að kaupa fyrir gjafafé þessar
eignir þjóðarinnar. Á því er ekki
nokkur minnsti vafi. Græðgin hefur
náð undh’tökunum," segir hann.
Sverrh- segir að verið sé að færa
fáeinum mönnum mikil völd í hend-
ur með sölu á FBA. Undir hann
heyri nefnilega Fiskveiðasjóðurinn
gamli sem sé með með fyrsta veð-
rétt í öllum eignum sjávarútvegsins,
skipum og vinnslustöðvum. Undir
hann heyri einnig allur gamli Iðn-
þróunarsjóðurinn sem og gamli Iðn-
lánasjóðurinn. „Þeir sem ráða þess-
um banka hafa kverkatak á endi-
löngum íslenskum aðalatvinnuveg-
um,“ segir Sverrir Hermannsson.