Morgunblaðið - 02.11.1999, Blaðsíða 29

MORGUNBLAÐIÐ
ERLENT
ÞRIÐJUDAGUR 2. NÓVEMBER 1999 29
Boeing 767-300ER
Boeing 767-300 vélin er fórst á sunnu-
dag hefur mikið flugþol og er mest
notaða flugvélagerðin í
Afhent flugfélaginu í september 1989.
Hefur flogið 30 þúsund flugstundir í
rúmlega 6.900 flugum.
Flugþol: Rúmlega 12 þúsund kílómetrar.
Farþegafjöldi: Allt að 218 farþegar á
þremur farrýmum.
Max. gross weight: 300,000 pounds for
the basic 767.
Reynslan af 767: Talið er að þotur af
þessari gerð hafi flutt 813 milljón farþega
í rúmlega 3 milljón flugum frá því vélin var
fyrst tekin í notkun árið 1982.
767-300: Tekin i notkun í september 1989.
Lengri en fyrri gerðir og tekur 20% fleiri
farþega. AP
Algengasta
þotan í Atl-
antshafsflugi
BOEING 767-farþegaþoturnar eru
almennt taldar með þeim áreiðan-
legustu og öruggustu, sem nú eru í
notkun í farþegaflugi. Engin önnur
tegund er notuð jafnmikið í Atl-
antshafsflugi og mánaðarlega
fljúga 767-vélar um ellefu þúsund
sinnum milli Bandaríkjanna og
Evrópu.
Alls hafa verið framleiddar 746
Boeing 767-vélar og eru tveir
þriðju þeirra af gerðinni Boeing
767-300. Vélar af gerðinni 300ER,
líkt og Egypt Air-vélin er fórst
undan strönd Bandaríkjanna á
sunnudag, geta tekið 218 farþega á
þremur farrýmum eða 269 farþega
á tveimur farrýmum.
Þota EygptAir var afhent flugfé-
laginu í september árið 1989 og
hefur frá þeim tíma flogið um 30
þúsund flugstundir í rúmlega 6.900
flugum.
767-þota fórst í
Taílandi 1991
Fyi'ir átta árum, nánar tiltekið
26. maí 1991, fórst Boeing 767-þota
flugfélagsins LaudaAir skömmu
eftir flugtak frá flugvellinum í
Bangkok í Taílandi. 45 mínútum
eftir að vélin hafði tekið á loft var
hún búin að ná 10 þúsund feta hæð
en þá gáfu viðvörunarljós í mæla-
borði skyndilega til kynna að kný-
vendar annars hreyfilsins hefðu
farið í gang. Knývendum er beitt
til að stöðva þotur eftir lendingu og
gerði þetta að verkum að hreyflar
vélarinnar snerust hvor í sína átt-
ina. Flugmennimir misstu stjórn á
vélinni og hún hrapaði niður í
frumskóga Taílands. Allir um borð,
233 manns, létu lífið í slysinu.
I kjölfar slyssins var búnaðurinn
endurhannaður og rekstraraðilum
757 og 767-véla ráðlagt að skipta
yfir í nýja búnaðinn. Þota Eyg-
yptAir var búin samskonar hreyfl-
um og LaudaAir-vélin frá framleið-
andanum Pratt&Whitney.
I gær var greint frá því að vél-
arnar tvær hefðu verið framleiddar
um svipað leyti í verksmiðju
Boeing í Everett í Washington-ríki
og var EygyptAir-vélin tUbúin
tveimur vikum á undan LaudaAir-
vélinni.
Mikil spenna ríkti í Boeing-verk-
smiðjunum á þessum tíma og ein-
ungis nokkrum dögum síðar fóru
starfsmenn verksmiðjanna í verk-
fall til að mótmæla aðstæðum á
vinnustað. Kvörtuðu þeir undan of
miklu álagi vegna gífurlegrar yfir-
vinnu er þeir urðu að vinna tU að
hægt væri að sinna metpöntunum
á farþegaþotum. Deilan leiddi tU
mikillar endurskipulagningar á öllu
framleiðsluferli Boeing.
Talsmaður Boeing sagði ekkert
gefa til kynna að slysin tvö væru
tengd með einhverjum hætti en að
allir hugsanlegir möguleikar yrðu
kannaðir.
Lögreglan með mikinn öryggisviðbúnað í Ósló vegna komu Clintons
Ibúunum þykir öryggis-
gæslan keyra um þverbak
Reuters
Norsk lögreglukona, vopnuð byssu, á verði í
miðborg Oslóar. Flestar götur borgarinnar voru
lokaðar í gær vegna heimsóknar Bills Clintons
Bandaríkjaforseta og fleiri þjóðarleiðtoga.
NORSKA lögreglan var með
mikinn öryggisviðbúnað í
Ósló í gær vegna komu BUls
Clintons Bandaríkjaforseta
og leiðtoga Israela og Palest-
ínumanna til borgarinnar. Að
sögn Aftenposten þótti
mörgum borgarbúum um-
stangið keyra um þverbak.
Vopnaðir lögreglumenn
lokuðu vegum umhverfis
hótel þjóðarleiðtoganna í
Ósló og þyrlur sveimuðu yfir
borginni. Talsmaður lögregl-
unnar sagði að þetta væri
mesti öryggisviðbúnaður í
Ósló frá útför Ólafs Noregs-
konungs sem margir þjóðar-
leiðtogar voru viðstaddir ár-
ið 1991.
Clinton, Ehud Barak, for-
sætisráðherra Israels, og
Yasser Arafat, leiðtogi Pa-
lestínumanna, voru á meðal
leiðtoganna sem komu til
borgarinnar vegna minning-
arathafnar um Yitzhak Ra-
bin, íyrrverandi forsætisráð-
herra Israels, sem var myrt-
ur fyrir fjórum árum.
Lögreglan lokaði meðal
annars öllum holræsisopum
miðborgarinnar með
logsuðutækjum til að koma í veg
fyrir hugsanlegar árásir hermdar-
verkamanna og holræsisgöngum
sem opnast í Óslóarfirði var lokað
með þykkum vírum.
„Alltof mikið
brambolt“
Lögreglumenn Óslóar bera yfir-
leitt ekki vopn og Haraldur kon-
ungur og Sonja drottning segjast
geta gengið um götur borgarinnar
án lífvarða. Vegatálmar, vélbyssur
og hundruð lögi'eglumanna blöstu
þó við Óslóarbúum sem starfa í
miðborginni þegar þeir mættu til
vinnu í gærmorgun. Vopnaðir lög-
reglumenn voru á varðbergi á göt-
unum og við opinberar byggingar
og borgarbúarnir virtust dolfallnir
yfir öllu tilstandinu.
„Þetta er alltof mikið brambolt,"
hafði Aftenposten eftir einum
borgarbúanna. „Ég skil að vernda
þurfi mann eins og Clinton, en nú
tekur steininn úr.“
Anne Rose Gorset
smeygði sér framhjá lög-
reglumönnum, vegatálmum
og lögreglubílum á leið til
vinnu sinnar í þinghúsinu.
„Öll þessi öryggisgæsla er
alveg yfirgengileg," sagði
hún. „En er það aðeins
Clinton sem er í heimsókn?"
Að sögn Aftenposten
sáust aðeins fánar Noregs
og Bandaríkjanna í miðborg-
inni. „Þar sáust hvergi ísra-
elski, palestínski, rússneski
eða finnski fáninn. Samt eru
það ekki aðeins Bandaríkja-
menn sem taka þátt í friðar-
viðræðunum.“
Fólkið nam staðar og
tvísteig áður en það tók
sveig framhjá hindrununum.
Nokkrir voru þarna aðeins
til að forvitnast. Nokkrir
hjólreiðamenn reyndu að
komast í gegnum hindran-
irnar en lögreglumenn
stöðvuðu þá og vísuðu þeim í
burtu.
„Það er út í hött að eyða
svona miklum peningum í
öryggisgæslu," sagði einn
þeirra. „Þegar þeir eru
farnir að loka holræsunum
til að vernda manninn er mér nóg
boðið. Þetta er alltof mikið um-
stang.“
Bannað vai' að leggja bílum á
mörgum stöðum í miðborginni og
lögreglan fjarlægði um 50 bíla úr
miðborginni kvöldið og nóttina fyr-
ir komu Clintons, sem er fyrsti sitj-
andi forseti Bandaríkjanna sem
heimsækir Noreg. Norska umferð-
arráðið ráðlagði borgarbúum að
skilja bíla sína eftir heima ef þeir
ættu erindi í miðborgina.
Afvopnunardeilan
á Norður-Irlandi
Mitchell
reynir enn
að miðla
niáluni
London. Reuter.
GEORGE Mitchell, fynver-
andi þingmaður í öldungadeild
Bandaríkjaþings, er talinn hafa
lagt fram nýjar tillögur til
lausnar deilunni milli sam-
bandssinna og lýðveldissinna á
Norður-írlandi á fundi með
fulltrúum þeirra í gær.
Sambandsinnar hafa neitað
að taka sæti í nýrri héraðs-
stjóm fyrir Norður-írland
nema Irski -lýðveldisherinn
(IRA) leggi fyrst niður vopn.
Afvopnunardeilan svokallaða
hefur teflt friðarsamkomulag-
inu frá 1998, sem meðal annars
fól í sér takmarkaða heima-
stjórn, í tvísýnu. Fulltrúar
hinna andstæðu hópa voru þó
hóflega bjartsýnir í gær á að
viðræðumar bæru árangur.
Michell hefur í um tvo mán-
uði reynt að miðla málum milli
aðila og að beiðni írskra og
breskra stjómvalda. Sam-
kvæmt friðarsamkomulaginu
áttu sambandssinnar og lýð-
veldissinnar að mynda héraðs-
stjórn á síðasta ári og afvopn-
un IRA átti að ljúka í maí á
næsta ári. Að sögn kunnugra
var sá galli á samkomulaginu
að þar var ekki að finna ákvæði
um hvenær afvopnun ætti að
hefjast, aðeins hvenær henni
ætti að vera lokið.
Friðartillögur Israelsstjórnar
Palestínumenn
stofni eigið ríki
Jerúsalem. AFP.
ÍSRAELSSTJÓRN
hyggst bjóða Palest-
ínumönnum að stofna
sjálfstætt ríki á
palestínsku sjálf-
stjórnarsvæðunum í
viðræðunum um
rammasamkomulag,
sem ráðgert er að ná
fyrir miðjan febrúar,
að sögn ísraelska dag-
blaðsins Haaretz í
gær.
Að sögn blaðsins
vill stjórnin að palest-
ínska ríkið verði
stofnað daginn áður Ehud Barak
en lokasamningur ráðherra
ísraela og Palestínu-
manna verður undirritaður.
Stefnt er að því að samningurinn
verði undirritaður ekki síðar en í
september á næsta ári en margir
telja það óraunhæft markmið.
Jerúsalem verði óskipt
höfuðborg Israels
Blaðið hefur eftir ísraelskum
embættismönnum að stjórnin vilji
undirrita samning við viðurkennt
ríki fremur en Frelsissamtök Pa-
lestínumanna (PLO) eins og í fyrri
friðarsamningum þjóðanna. Pa-
lestínsku sjálfstjórnarsvæðin ná
nú yfir 10% Vesturbakkans og
60% Gaza-svæðisins.
Að sögn Haaretz vill Ehud
Barak, forsætisráðherra ísraels,
forsætis-
Israels
að rammasamkomu-
lagið kveði á um að
vesturhluti Jerúsal-
em verði höfuðborg
ísraels og borgin
verði áfram óskipt.
Israelar hafa lýst því
yfir að Jerúsalem sé
,;eilífðarhöfuðborg“
Israels en Palestínu-
menn vilja að austur-
hluti ^ borgarinnar,
sem Israelar her-
námu 1967, verði höf-
uðborg palestínska
ríkisins.
Samningaviðræð-
urnar um stöðu Jer-
úsalem og önnur óút-
kljáð deilumál, svo sem endanlega
stöðu sjálfstjórnarsvæðanna,
framtíð palestínskra flóttamanna
og byggðir gyðinga á hernumdu
svæðunum, eiga að hefjast í bæn-
um Ramallah á Vesturbakkanum
á mánudaginn kemur.
Haaretz segir að Barak ljái ekki
máls á því að ísraelar láti öll
hernumdu svæðin af hendi og sé
einnig andvígur því að Palestínu-
ríkið fái að stofna eigin her. Þá
segir blaðið að Barak vilji hann að
Palestínumönnum, sem flúðu af
hernumdu svæðunum eftir 1967,
verði leyft að snúa þangað aftur.
Palestínumönnum, sem flúðu af
svæðunum eftir 1948, verði greidd-
ar skaðabætur.
Musharraf
ætlar að
flýta mála-
ferlum
PERVAIZ Musharraf, leið-
togi valdaránsmanna í Pakist-
an, lýsti því yfír í gær að
stofnað hefði verið sérstök
skrifstofa saksóknara til að
annast lögsókn gegn fyrrum
valdhöfum í landinu, sem
valdaránsmenn hafa sakað
um spillingu og fjárdrátt.
Hann sagði að sérstökum
dómstólum yrði komið á fót
til að dæma í málum hinna
ákærðu og að málaferlum
yrði flýtt eins og kostur væri.
Hann sagði einnig að tjáning-
arfrelsi yrði tryggt í landinu
og að valdi yrði dreift út til
lægri stjórnsýslustiga.
Forseta-
kosningar í
Makedóníu
FRAMBJÓÐANDI jafnaðar-
manna, Tito Petkovski, hlaut
sigur í fyrri umferð forseta-
kosninganna í Makedóníu sem
haldnar voru á sunnudag.
Hann mun etja kappi við
frambjóðanda stærsta stjóm-
málaflokks landsins, Boris
Trajkovski, í seinni umferð
kosninganna sem fer fram eft-
ir tvær vikur. Sigur Pet-
kovskis er áfall fyrir ríkis-
stjórn mið-hægrimanna í land-
inu og stefnu hennar í málefn-
um íbúa af albönskum upp-
runa, en slavneski meirihlut-
inn í landinu er talinn andvíg-
ur því að íbúar af albönskum
uppruna fái aukin réttindi, og
vegna hættu á klofningi milli
þjóðernishópa í landinu.
Shevardnadze
sigrar í
Georgíu
EDUARD Shevardnadze, for-
seti Georgíu, lýsti í gær yfir
sigri flokks síns í þingkosning-
um sem haldnar voru í land-
inu. Flokkurinn hlaut rúm
44% atkvæða í kosningunum
en stærsti flokkur stjórnar-
andstöðunnar hlaut rúm 25%.
Shervardnadze sagði í út-
varpsávarpi til þjóðarinnar að
sigur flokksins fæli í sér
stuðning við viðleitni forsetans
að efla tengsl Georgíumanna
við Vesturlönd. Shevardnadze
hefur meðal annars sóst eftir
því að landið fái inngöngu í
NATO. Leiðtogi stjómarand-
stöðunnar, Aslan Abashidze,
sakaði sigurvegarana hins
vegar um kosningasvik.
Morðóður
unglingur í
Þýskalandi
MEIRA en 150 lögreglumenn
réðust í gær til inngöngu í
íbúð í smábæ í Suður-Þýska-
landi þar sem unglingur vopn-
aður byssu hafðist við. Piltur-
inn hafði skotið á gangandi
vegfarendur úr íbúðinni,
drepið tvo þeirra og sært sjö
til viðbótar. Lögreglan fann
lík piltsins og systur hans í
íbúðinni. Ekki er vitað hvað
olli árásinni en lögreglan telur
að áfengissýki hafi átt þar
hlut að máli.