Óðinn - 01.01.1929, Síða 49

ÓÐINN
49
Arni Filippusson.
Hann er fæddur 17. marts 1856 í Háfshól í
Rangárvallasýslu. Foreldrar hans voru Filippus,
sonur Bjarna sterka á Sandhólaferju, — sem var
orðlagður glímumaður á sinni tið — og Guðrún
Árnadóttir dbrm. frá Stóra-Hofi á Rangár-
völlum, Jónssonar í Sauðholti, mestu sæmdar-
hjón. Bæði voru þau hjónin komin af sjera
Filippusi Gunnarssyni í Kálfholti. Rau fluttust
að Horni í Háfshverfi skömmu eftir að Árni
fæddist og þar dó Guðrún, en Filippus flutt-
ist síðar að Efri-Hömrum í Holtum og
bjó þar lengi. Ólst Árni upp hjá honum
fram undir tvítugsaldur. Nokkurrar tilsagnar
naut hann á þeim árum hjá ísleifi Gíslasyni
presti á Stokkalælc (síðar í Arnarbæli í Ölfusi).
Naut hann þar hæfileika sinna og vinsælda for-
eldra sinna, en ekki voru efni til að setja hann
til skólanáms. Innan við tvítugsaldur rjeðst hann
í vinnumensku til Hermanns Jónssonar sýslu-
manns á Velli, og gegndi jafnframt skrifarastörf-
um. Þar var hann 8 ár, en fór síðan að Ási í
Holtum og var þar 5 ár. Þaðan fór hann til
Vestmannaeyja og varð kennari við barnaskól-
ann í 5 vetur, en stundaði verslunarstörf á
sumrin þau árin og nokkur ár eftir það. Fór
síðan til Hafnarfjarðar og var þar við verslun-
arstörf og var um tíma verslunarstjóri fyrir
Fischersverslun þar. Var síðan stuttan tíma í
Reykjavík við verslun en fór svo aftur hingað
til Vestmannaeyja árið 1900 og hefur búið hjer
síðan. Var framan af við Brydesverslun hjer,
en hefur annars gegnt ýmsum trúnaðarstörfum.
Árið 1894 gengust þeir Jón sál. Magnússon
(síðar fors.ráðherra), er þá var sýslumaður hjer,
og Árni fyrir þvi að stofnaður var sparisjóður
fyrir eyjarnar. Árni varð gjaldkeri sjóðsins og í
stjórn hans alla tíð, þar til sjóðurinn var af-
hentur útbúi íslandsbanka 1920, að undantekn-
um þeim árum er hann dvaldi í Hafnarfirði og
Reykjavík. Innlög í sjóðinn urðu ekki full 3
þús. fyrsta árið, en siðasta árið voru þau nokkuð
yfir 300 þús. kr. Árni varð gæslustjóri útibús
Islandsbanka, er það var sett hjer, og er það enn.
Skipaábyrgðarfjelag hafði verið stofnað hjer
1862, en 1908 var vjelbátum farið að fjölga svo
að þá var mynduð sjerstök deild fyrir þá, sem
nú er orðin sjerstakt fjelag og heitir Bátaábyrgð-
arfjelag Vestmannaeyja. Árni varð strax gjald-
keri og í stjórn deildarinnar og síðan fjelagsins
og er það enn.
Fyrsta árið var virðingarverð trygðra báfa í
fjelaginu 91 þús , en síðastl. ár 1 milj. og 915 þús.
Árið 1902 gengust þeir Árni og Sigurður Sig-
urfinnsson hrepp-
stjóri fyrir því að
reist var íshús,
aðallega til þess
að geyma beitu.
Var Isfjelag Vest-
mannaeyja stofn-
að í því skyni.
Árni var strax kos-
inn í stjórn þess
fjelags, og hefur
lengst af verið í
henni, og gjald
keri fjelagsins frá
byrjun og er það
enn. Stórfeld brey t
ing var gerð á is-
húsinu 1908, er
hætt var að nota
ísinn, en tekið að
nota frystivjelar.
Velta fjelagsins hefur verið yfir 200 þús. kr. sið-
ustu árin.
Gjaldkeri Björgunarfjelags Vestmannaeyja var
Árni meðan hlutafjársöfnun handa fjelaginu fór
fram. I skólanefnd var hann kosinn 1908, og
hefur verið formaður hennar og gjaldkeri skólans
síðan 1916. Hann átti mikinn þátt í því, að reist
var mikið og traust skólahús. Hann hefur jafnan
verið eindreginn stuðningsmaður skólans, ekki
síst er örðugast var um skólahald. Hann er einn
þeirra eldri manna, sem að miklu eða öllu leyti
fóru á mis við skólagöngu í æsku, en vilja
hlynna sem mest og best að mentun alþýðunnar.
Af framanrituðu er auðsætt að Árni hefur
notið mikils trausts meðborgara sinna, bæði í
fjármálum og öðru, enda er torfundinn vandaðri
maður til orða og verka. Hann er nú meira en
sjötugur maður, en ber vel aldurinn, ungur í
anda og ern á velli. Þekki jeg fáa menn á hans
aldri, er svo trúa á æskuna og nýjungar sem
hann og sinna jafn einlæglega því er miðar til
einhverra framfara. Friðsamur er hann og góð-
gjarn, en þjettur fyrir ef hvatvíslega er á hann