Eimreiðin - 01.05.1913, Blaðsíða 33

107
orðnu selina verður oftast að skjóta á 75 til 100 metra færi. En
það eru einmitt þessar tvær tegundir sela, sem mest veiðist af.
Auk sela eru veiddir ísbirnir, refir og pólnaut (moskusnaut),
þegar til þeirra næst, og þau helzt handsömuð og flutt heim
lifandi, og seld dýragörðum. Eggjum og æðardún er einnig safnað.
III. BLÖÐRUSELUR (cystophora cristata).
Blöðruselurinn er 272—3 metra á lengd og grár eða grá-
brúnn á litinn, með dökkum dílum á bakinu. Nafnið dregur hann
af blöðru, sem hann hefur ofan á höfðinu, og vanalega hangir
eins og stuttur rani fram yfir trýnið. Eigi er kunnugt, til hvers
blaðran er; sé dýrið áreitt, blæs það upp blöðruna. Kvendýrið
hefir enga blöðru, en skinnið milli nasa og ennis er miklu þykkra
en annarstaðar, og má vera, að kvenselurinn hafi á fyrri jarð-
öldum haft blöðruna.
Blöðruselurinn er ekki óalgengur víða við Islandsstrendur, en
aðalheimkynni hans er þó Norðuríshafið, og heldur hann sig enn
meir á hafi úti en vöðuselurinn. Eftir því sem Friðþjófur Nansen
segir — sem grandgæfilega hefir athugað háttalag hans, — sækir
hann aðalfæðu sína niður á 90 til 160 metra dýpi. Hann er mjög
sterkur og getur stokkið úr vatninu upp á 2—3 metra háa ís-
brún, og er mælt að ísbjörn eigi fult í fangi meö að ráða við
fullorðinn blöðrusel.
Blöðruselurinn kæpir í byrjun marzmánaðar, og liggur hann
þá í hópum, svo þúsundum skiftir, á hafísnum, einkum fyrir vestan
Jan Mayen. í júnímánuði safnast hann í ennþá stærri hópa við
Grænland, hérumbil beint í vestur frá ísafirði. Hann er þá í hár-
losi, og heldur sig mest uppi á ísnum, meðan á því stendur.
IV. VÖÐU5ELUR EÐA KJÓRA (phoca groenlandica).
Heimkynni sels þessa er Norðuríshafið, eins og blöðruselsins,
og heldur hann sig einkum úti á reginhafi, en er þó t. d. við
vesturströnd Grænlands nálægt landi vissan hluta ársins (í maí-
júlí og sept.-febrúar).
Fullorðinn vöðuselur er um U/s metra á lengd, og vegur
115 kíló. Hann er hvítleitur á litinn, með tvo stóra, svarta flekki,
sinn á hvorri hlið; trýnið er einnig svart. Kóparnir — sem fæð-
ast í miðjum marz — eru snjóhvítir í fyrstu, en síðan gráir. Peir
8