Ársrit Hins íslenska fræðafjelags í Kaupmannahöfn - 01.01.1921, Blaðsíða 24
24
Vald. Eriendsson
legt. Eftir dauða Naram-Sins varð Suður-Babylónía aftur
sjálfstætt ríki, eða ríkjakerfi með konungssetrum í hinum
fornhelgu bæjum, Ur, Isin og Larsa, og kölluðu konungar
þessir sig að fornum sið drottna yfir Súmer og Akkað.
Fyrir tilstilli hins mikla herkonungs Hammurabi, sem líka
var framúrskarandi löggjafi, komst hið eiginlega, forna
Babylónarríki á stofn nálægt 2400 árum f. Kr. Hammu-
rabí sat að völdum í 50 ár og gerði Babylon að höfuð-
stað ríkisins; 5 konungar af ætt hans ríktu til 2000 f.
Kr. og á því tímabili var ríkið í miklum blóma, síðar
gátu aðkomuþjóðir unnið það og gert hinu forna ríki svo
mikinn skaða, að það náði sjer aldrei fullkomlega aftur.
Vendilsýsla,
eftir
Vald. Erlendsson, lækni í Friðrikshöfn.
I.
Allur nyrsti hluti Jótlands, næstum alt það land, sem
liggur norðan við austanverðan Limafjörð, hinn mikla fjörð
eða sund, sem skiftir Jótlandi í tvo hluti, hjet að fornu
Vendilsýsla. Hún er um 60 □ mílur á stærð.
Bað er alls ekki áform mitt að rita neina landafræði
um alt þetta landflæmi, heldur aðeins lýsa hinum helstu og
merkustu stöðum og minnast lítið eitt á land og þjóð að
fornu og nýju. En vegna þess að jeg hef mest kynni af
austur- og norðurhluta landsins, einkum sveitunum kringum