Ársrit Hins íslenska fræðafjelags í Kaupmannahöfn - 01.01.1921, Side 129
Dortea Rosendal
129
þó'tti sjerstaklega vænt um Njáls sögu, Egils sögu, Gunnlaugs
sögu og Laxdælu, og kunni þær utanbókar, og sagði oft fegurstu
kaflana úr þeim skólabörnunum og ýmsum öðrum. Sumarið
1906 fór hún til íslands til að skoða sögustaði á Suðurlandi
og í Borgarfirði og kynnast landinu. Hún fór þangað aftur
1919 og ferðaðist þá um Borgarfjörðinn og víðar. Að Lund-
um í Borgarfirði orti hún kvæði: Sumarmorgun á íslandi, og
er það ásamt öðru kvæði eftir hana um Borg á Mýrum prent-
að í Lögrjettu 20. ágúst 1919, Eru þau hin einu kvæði, sem
hún ljet prenta, og var það af tilviljun. í kvæðunum eru
prentvillur, en lökust er sú, að »Hö« er þar fyrir »SIör« í
síðasta vísuorði f fjórða erindi í orðunum: »Slörets taagefine
Spind«. 1 athugasemd við kvæðin segir ritstjórinn, að höf-
undurinn sje norsk kenslukona, og er merkilegt, að draga svo
skakka ályktun út af aldönsku kvæði, er eigi ber minsta keim
af norsku, ekki einu sinni hvað stafsetninguna snertir.
Dortea Rosendal hafði mjög mikla ánægju af ferðum
sínum til íslands og eignaðist þar bæði kunningja og vinkon-
ur. Hún las rnikið um ísland og lærði íslensku. Hún bjó á
Friðriksbergi með móður sinni, ekkjufrú Maren Rosendal, og
syslur. Til þeirra komu ýmsir Islendingar, er voru hjer á
ferð, einkum ofan úr sveitum, og var þeim jafnan vel fagnað.
Dortea Rosendal greiddi fyrir þeim það, er hún mátti, og
notaði oft frístundir sínar á sunnudögum til þess að sýna
þeim hin fegurstu söfn, sem til eru í Kaupmannahöfn, og
skýra þau fyrir þeim. Hafa íslendingar mist þar góða og
trygga vinkonu sem hún var.
Holger Begtrup, Friðriksborgar lýðháskóli og Saga
hinnar dönsku þjóðar tí 19. öld. Holger Begtrup er
einn af hinum merkustu lýðháskólamönnum, sem nú eru uppi,
eigi að eins f móðutlandi lýðháskólanna, heldur og á ölíum
Norðurlöndum. í fyrra haust voru 25 ár liðin frá því að
hann setti lýðháskóla sinn, Friðriksborgar lýðháskóla,
á stofn. Það tók hann einungis eins árs undirbúning að fá
vakið áhuga á stofnun skólans og reist hann. 29. október
1894 stefndi hann í Hilleröd 250 manna á fund til þess að
ræða við þá um stofnun skólans og skýra fyrir þeim, hvernig
hann hugsaði sjer hann. Hann vildi ráða einn yfir skólanum
og hvernig hann væri rekinn, en hann átti þá einar þúsund
krónur, svo að hann varð að lána alt fje, sem þurfti til að
reisa skólann. Þó gekk það svo greitt, að í nóvember haust-
ið eftir gat kenslan byrjað í skólanum, og komu þá yfir 60
nemendur í hann. Skólahúsið var að vísu ekki fullgert þá,
9