Ársrit Ræktunarfélags Norðurlands - 01.01.1981, Side 7

FORMÁLI
Alllangt er síðan til tals kom að gefa út leiðbeiningarpésa á
vegum Ræktunarfélagsins um ýmsa þætti búskapar. Að at-
huguðu máli var ákveðið að gefa slíkar greinar út undir nafni
ársritsins. Er þetta skýringin á því að í þessum árgangi árs-
ritsins er einungis ein löng grein auk ársskýrslna og reikninga,
í stað margra styttri.
Efni það, vetrarfóðrun mjólkurkúa, sem varð fyrir valinu
að þessu sinni, er að miklu leyti byggt upp svipað og Bréfa-
skóli landbúnaðarins í Noregi hefur gert í samvinnu við
nautgriparæktarfélögin þar í landi í smáritinu „Foring av
mjölkeku“ frá 1977 í ritaröðinni „Framtid í fjoset“.
Þórarinn Lárusson og Hjördís Gísladóttir frá Hofi í
Vatnsdal hafa gert texta í þessari ritgerð, að nokkru með
staðfæringu á hinu norska riti en verulega þó bætt við íslensku
efni, íslenskri þekkingu á þessu sviði.
Þeim Hjördísi og Þórarni er hér með þakkað ágætt og
rösklega unnið starf. Sömuleiðis ber að þakka gagnlega um-
ræðu og ábendingar frá ráðunautunum Guðmundi Stein-
dórssyni og Guðmundi Helga Gunnarssyni og Jóni Árnasyni
tilraunastjóra á Möðruvöllum.
Ritstjóri.
9