Ársrit Ræktunarfélags Norðurlands - 01.01.1981, Blaðsíða 47

kostnað kjarnfóðurskammts. Ofnotkun kjarnfóðurs á þessum
hluta mjaltaskeiðs er einmitt algeng. Vilji bændur auka hag-
kvæmni mjólkurframleiðslu sinnar ættu þeir að beina at-
hyglinni að þessu atriði. Þá má geta þess að fóðrun sem næst
orkuþörf kúnna um sæðingu er talin gefa bestan árangur
hennar.
Að lokum er rétt að minna á sambandið milli manna og
dýra. Sambandið milli fjósamannsins og kúnna er ekki síður
mikilvægt en „á milli manns og hests og hunds.“ Segja má að
leyniþráður liggi á milli kúnna og umhyggjusams fjósamanns,
og skapvonska og/eða taugaspenna hans kemur niður á vel-
líðan þeirra. Kýr eru vanafastar, og þeim kemur best að regla
sé á fóðrun og mjöltum. Því borgar sig að gera fjósverkin á
ákveðnum tímum, og forðast alla röskun á daglegu lífi kúnna.
FÓÐUREFNAHEITI OG SKAMMSTAFANIR
í ræðu og riti gætir oft nokkurs misræmis í heitum og
skammstöfunum fyrir fóðurefni. Á síðastliðnu vori fól stjórn
Búnaðarfélags íslands ritstjóra Handbókar bænda að leita
eftir samræmingu. Beitti hann sér fyrri fundahöldum um
málið, þar sem kvaddir voru til allmargir búvísindamenn, er
láta sig varða fóður og fóðrun. Eftirfarandi yfirlit sýnir helstu
niðurstöður þeirrar umfjöllunar, og mælt er með notkun
þeirra heita og skammstafana sem hér birtast.
FÓÐUREINING verði skammstöfuð FE í samræmi við
samþykktir Málnefndar Háskóla Islands og Félags íslenskra
búfræðikandidata. FE er notað fyrir jórturdýr, hross og svín.
Eðlilegt getur verið að nota skammstöfunina með fótskrift
fyrir einstaka búfjártegundir, t.d. FES fyrir svín.
KÍLÓKALORÍA (kcal) er almennt notuð hérlendis sem
orkueining. Mælt er með að svo verði áfram, en orka verði
einnig gefin upp í megajúlum (MJ), því að sú eining fyrir varma
hefur verið tekin upp til samræmingar í eðlis- og efnafræði í SI
49