Ársrit Ræktunarfélags Norðurlands - 01.01.1981, Page 58

Mannaskipti á árinu og starfsfólk:
Jóhannes Sigvaldason er nú á förum frá félaginu eftir gifturíkt
starf frá árinu 1965, en Bjarni E. Guðleifsson hefur verið
ráðinn í % úr stöðu hjá félaginu. Var Jóhannes í fullu starfi til
1. apríl, en endurráðinn í 14 úr stöðu á móti Bjarna frá 1. júní,
enda hefur hann tekið að sér bókhald og fjármál félagsins fyrst
um sinn.
Á þessum tímamótum langar mig til að færa Jóhannesi
sérstakar þakkir og — ég vil segja — forsjá í mörgu tilliti.
Margir hafa spurt mig hvers vegna Jóhannes hafi sagt lausu
starfi sínu hjá Ræktunarfélaginu. Það má líka spyrja af hverju
hann hafi ekki hætt fyrr. Þeirri spurningu gæti ég svarað á
þann veg, að þessi rólyndi skapfestumaður hafi ekki talið sig
hafa tamið mig nægjanlega til að sleppa af mér taumhaldinu
fyrr. Það verður svo að koma í Ijós hvort svo hefur verið. Óska
ég honum hér með gæfu og gengis í nýju starfi og vona að ég
megi áfram eiga við hann sem nánust samskipti, enda er ég
þess fullviss að svo trygglyndur maður sem Jóhannes er, fær
ekki auðveldlega slitið rætur sínar úr þeim jarðvegi sem hann
sjálfur hefur svo dyggilega hlúð að í gegnum þau 17 ár sem
hann hefur starfað hjá þessu gamalgróna félagi.
Um leið vil ég bjóða Bjarna E. Guðleifsson velkominn til
starfa. Sem betur fer er nokkur vissa fyrir því að hverju var
gengið þar sem hann er, þótt engum þurfi að koma á óvart
þótt hann geti komið á óvart.
Vegna þess hve duglegir Skagfirðingar voru að taka jarð-
vegssýni s.l. vor, og þess, að flutningur stofunnar stóð fyrir
dyrum, var Gunnfríður Hreiðarsdóttir ráðinn í fullt starf frá
og með 9. júní s.l. að telja, en Matthildur Egilsdóttir er og
hefur verið í hálfu starfi síðast liðið ár, en báðar eru þær
hagvanar hjá félaginu.
Gunnfríður starfaði einnig hjá félaginu ásamt Sigurlínu
Snorradóttur frá miðjum september til áramóta. Þessu fólki
eru hér með færðar bestu þakkir fyrir vel unnin störf.
60