Ársrit Ræktunarfélags Norðurlands - 01.01.1981, Blaðsíða 62

stöðu á rannsóknastofu og báðar stofnanir munu greiða laun
mín svo sem fyrr greinir.
Eðlilegt er að menn spyrji hvernig þessum rannsóknum
verði hagað. Lögð verður áhersla á að prófa þol tegunda og
stofna grasa auk þess sem áhrif jarðvegs og áburðar, svo og
áhrif sláttar og beitar á þol grasanna verður kannað. Verður
þetta gert bæði í túnatilraunum og í þeirri rannsóknaaðstöðu
sem komið verður upp á Möðruvöllum, þ.e. með grös ræktuð í
gróðurhúsi eða ræktunarskáp og verða þau síðan fryst eða
svelluð í frystikistum. Auk þessa verður svo unnið að því
áfram að leita skýringa á því hvernig grösin raunverulega
drepast í kali. Allar þessar rannsóknir eru raunar framhald á
þeim rannsóknum sem ég vann að í Canada. Og hver verður
svo árangurinn, er næsta spurning? Getum við ráðið bót á
kalinu? Þessar rannsóknir einar sér ráða ekki bót á kalinu né
leiða okkur í allan sannleikann, hins vegar veit ég, að verði
þær efldar og vel að þeim staðið, munu þær varpa ljósi á
ýmsar hliðar þessa flókna vandamáls og þannig hjálpa til við
að draga úr tjóni af völdum kals.
Þess ber að geta að nú í sumar veitti landbúnaðarráðherra
kr. 85.000,- til kaupa á tækjum til þessara rannsókna. Verður
fjármagn þetta notað til að kaupa skápa, frystikistur, hita-
stilla og hitamæla til að rækta, herða og þolprófa grösin. Er
þess nú vænst að Rannsóknastofnun landbúnaðarins flýti því
að koma upp húsnæði fyrir þessi tæki á Mörðuvöllum, svo
hægt verði að hefjast handa fyrir alvöru.
Auk þessara rannsókna mun ég hafa umsjón með jarð-
vegsefnagreiningum á rannsóknastofunni. Þessi þáttur starf-
seminnar hefur verið í góðum höndum undir stjórn
Jóhannesar Sigvaldasonar. Sama fólk mun að mestu vinna að
þessum efnagreiningum áfram. Mér er nokkuð óljós framtíð
jarðvegsefnagreininga, ég trúi ekki öðru en að þær séu nauð-
synlegt tæki til leiðbeininga, en í það þyrfti að leggja nokkra
vinnu.
Að lokum vil ég þakka starfsfólki Rf. Nl., ráðunautum,
bændum og öðru samstarfsfólki fyrir gott samstarf sem
væntanlega á eftir að eflast og aukast.
64