Ársrit Ræktunarfélags Norðurlands - 01.01.1981, Blaðsíða 55

á fóðrun og heilsufari mjólkurkúa frá árunum 1978 og 79.
E.t.v. má rekja drátt á endanlegu uppgjöri nefndra rannsókna
til afskipta undirritaðs af heykögglagerð, verkefni, sem segja
má að hafi þróast í ófyrirsjáanlega stórt verkefni og tekið
verður fyrir nánar síðar í skýrslu þessari. Auk þess hafa
nefndarstörf í svokallaðri Heimaöflunarnefnd og síðar verður
getið, tekið mikinn tíma, og nú síðast flutningur Rannsókn-
arstofunnar í nýtt húsnæði.
Ferðir bœnda á vegum Rœktunarfélagsins:
Eins og félagsmönnum er kunnugt hefur Ræktunarfélagið
boðið búnaðarfélögum á svæðinu dálítinn fjárstyrk og fyrir-
greiðslu til að hvetja bændur til stuttra ferða milli héraða. Að
þessu sinni sóttu alls tólf hópar um slíkan styrk, en þar eð tveir
þeirra höfðu áður farið á vegum félagsins, hlutu aðeins tíu
styrkinn, að upphæð kr. 750,- hver. Átta hafa þegar farið og sá
níundi ætlar einhvern næstu daga.
Þannig fór bændafólk úr Kelduneshreppi N.-Þing. um
Eyjafjörð og Skagafjörð, Bárðdælir S.-Þing. um N.-Þing. og
Vopnafjörð, fólk úr Skriðu- og Öxndælahreppi Eyjaf. um
Húnavatnssýslur. Hofs- og Fellshreppingar Skagaf. í Eyja-
fjörð, Þverhreppingar og Staðarhreppingar V.-Hún. fóru sitt í
hvoru lagi um Eyjafjörð, Höfðhverfingar í Eyjafirði fóru
norður á Strandir, en Árskógsstrendingar, Dalvíkingar og
Aðaldælir eru enn ófarnir þegar þetta er ritað. Höfum við
Bjarni E. Guðleifsson skipst á að fara með fólkinu eftir því sem
hægt var. Er ekki að finna annað en þessar ferðir hafi mælst
vel fyrir og er allt útlit fyrir að upp á slíkt verði boðið af og til
í framtíðinni.
Heykögglunarmál:
Eins og áður er nefnt hefur farið mikill tími undirritaðs í að
kynna og vinna að því að tækni til að köggla hey á búum
bænda geti séð dagsins ljós sem fyrst.
Mál þetta hefur verið kynnt allrækilega á ráðunautafundi
Bí og Rala s.l. vetur og í 9. tbl. Freys 1981.
Sem stendur er verið að setja saman heykögglunarsam-
stæðu á bíl á vegum Stefáns Þórðarsonar að Teigi í Eyjafirði.
57