Ársrit Ræktunarfélags Norðurlands - 01.01.1981, Qupperneq 56

Auk þess að fylgjast með og afla faglegra upplýsinga um gildi
heyköggla sem fóðurs, hefur undirritaður reynt að vinna að
fjármögnun í fyrirtækið. Auk allverulegs fjármagns frá Ey-
firðingum, sem þeir hafa greitt upp í væntanlega kögglun eða
hátt í 200 þúsund kr., hafa fengist hagstæð lán að upphæð kr.
300 þúsund frá opinberum aðilum. Afköst samstæðunnar eru
áætluð um 1400 kg af heykögglum á klst. Þegar hún er komin
í fullan gang. Þá er á döfinni að gera tilraun með þessa
framleiðslu í samvinnu við Tilraunastöðina á Möðruvöllum i
vetur.
Fundir, ferðalög o.fl.:
Skilaði heysýnum í V.-Hún. haustið 1980 og leiðbeindi um
fóðrun út frá þeim. Tók nokkur sýni þar að auki.
Fór ásamt Jóhannesi Sigvaldasyni í sérstaka leiðbeininga-
ferð í Húnavatnssýslur, einkum varðandi fóðrun mjólkurkúa.
Flutti erindi á aðalfundi Mjólkursamlags Skagfirðinga.
Sendi erindi um heykögglagerð á bændabýlum á ráðunauta-
ráðstefnu BÍ og Rala, sem Ari Teitsson flutti i fjarveru minni.
Sat aðalfundi búnaðarsambandanna í Eyjafirði, S.-Þing., A.-
Hún. og N.-Þing.
Jóhannes Sigvaldason mætti fyrir hönd félagsins hjá BSS,
en Vestur-Húnvetningum tókst að halda sínum fundi leynd-
um fyrir okkur Ræktunarfélagsmönnum, enda átti sam-
bandið merkisafmæli á árinu, þar sem stórmenni var boðið.
Við erum annars ákveðnir í að láta hvorki þá né aðra ágæta
samstarfsmenn og vinnuveitendur sleppa svo ódýrt næst, eða
svo lengi sem við störfum fyrir þá. Teljum við okkur ekki síður
hafa gagn en gaman af slíkum fundarsetum, sem komið getur
öllum vel á Ræktunarfélagssvæðinu*.
* Svo að ekki valdi misskilningi þeim lesendum Ársritsins, sem ókunnugastir eru
félagsþroska Norðlendinga, átti þetta innskot um „leynifund“ V.-Húnvetninga, fyrst
og fremst að þjóna þeim tilgangi að draga úr eðlislægri lognmollu starfssýrslugerðar. **
Slíkt verður að sjálfsögðu ekki gert nema á kostnað þeirra, sem ómaklegastir eiga
þvílíkar trakteringar skilið og sem best kunna að taka slíku kerksnisgamni. Auk þess
reyndist þetta vera upp á þá logið, að því leyti að formaður stjórnar Rfl. Nl. sat
umræddan fund í boði afmælisbarnsins, eftir allt saman, enda af mörgum talinn
stórmenni eigi alllítið (Þ.L.).
58