Ársrit Ræktunarfélags Norðurlands - 01.01.1981, Síða 33

um, hve mikið skuli fóðra á þessu tímabili. Ráðlegt er að
fóðrið á síðustu vikum meðgöngutímans sé nóg til framleiðslu
8-10 kg dagsnytar, auk viðhalds og að í skammtinum séu 2-3
kg kjarnfóðurs. Enn meiri fóðrun eykur átgetu fyrstu vikur
eftir burð, en tilraunir hafa ekki sýnt auknar afurðir.
Hér má geta um almenna reglu, sem sett hefur verið fram
varðandi magn kjarnfóðurs síðustu vikur fyrir tal. Hún
byggist á því að gefa kúm á þessum tíma um /3 af því kjarnfóðri,
sem kýrin kemur til með að þurfa mest eftir burð, sem aftur byggist á
fóðurgæðum og því hversu hátt og fljótt kýrin kemur til með
að fara eftir burð að dómi fjósamanns. (Sjá nánar töflu nr. 5).
Mikilvægt er að hafa í huga að bæta ekki kjarnfóðri við
kýrnar allara síðustu dagana fyrir burð.
Eftir burð er kjarnfóðurgjöfin aukin stig af stigi. Yfirleitt er
rétt að byrja þessa gjöf strax á 2. eða 3. degi eftir burð. Vel
hefur reynst að auka kjarnfóðurskammtinn u.þ.b. 350-400 g á
dag, eða 700-800 g annan hvorn dag, þar til hámarki er náð,
sem oftast er um tveim vikum eftir burð. Örari aukning er
ekki ráðleg, þar sem með henni eykst hættan á lystarleysi og
Tafla 5. Ráðlagt kjarnfóðurmagn (kg/dag) í síðustu viku
fyrir tal miðað við heygæði, áætlaða hæstu dagsnyt eftir
burð og hversu fljótt hún næst.
Heygæði (kg/FE) Hæsta dagsnyt:
Undir 25 kg Yfir 25 kg
Rólega Hratt Rólega Hratt
1,6 og betra 1,5 2,0 2,0 2,5
1,7-1,8 2,0 2.5 2,5 3,0
l,9gverra 2,5 3,0 3,0 3,5
* Tölur, sem eru neðan og hægra megin við brotalínuna gefa til kynna að erfitt er að
fóðra á slíku heyi til hámarksafurða.
35