Árbók Landsbókasafns Íslands - Nýr flokkur - 01.01.1987, Page 43

HALLDÓR HERMANNSSON
43
The Fiske Icelandic Collection,
Cornell University Library,
Ithaca, N.Y. Oct. 28, 1931.
Kæri vinur,
Ég fékk nýlega blaða- og bókasendingu frá Guðm. Gamlíelssyni, og
þar á meðal var Fálkinn. í einu blaðinu þar sá ég dóm eftir þig um
C.K. Ogden’s Basic English. Ég þekki Ogden vel og veit honum
muni falla vel vinsamleg ummæli þín um málið, því að það er einmitt
til smáþjóðanna að hann snýr sér. Ef þú hefur ekki þegar gert það, þá
vildi ég stinga því að þér að senda honum ritdóminn. Addressa hans
er: Royal Societies Club, 63 St. James’s Street, London, S.W.
í bókasendingunni voru líka „Verkin tala“ og „Bláa bókin“. Fyrir
stjórnina og pólitískan þroska íslendinga hljóta allir skynsamir og
heiðarlegir menn að bera kinnroða. Pjóð, sem lætur slíkt viðgangast
óátalið, verðskuldar ekki sjálfstæði.
Með beztu kveðju,
þinn einlægur
H. Hermannsson
The Fiske Icelandic Collection,
Cornell University Library,
Ithaca, N.Y. 15. febrúar 1934.
Kæri vinur,
Ég kom heim frá Evrópu fyrir nokkrum dögum og fann hér eintak
það af bók þinni um íslendinga, sem þú varst svo vingjarn að senda
mér. Ég hafði reyndar lesið hana spjaldanna á milli. Ég lánaði meðan
ég var í Khöfn eintakið, sem þú sendir Munksgaard. Ég var heima
hjá honum eitt kvöld og tók eintakið með mér; byrjaði að lesa, þegar
ég kom heim á Hotel König, og las langt fram á nótt, gat ekki slitið
mig frá því. Það er mjög merkilegt verk; auðvitað verða margir
sjálfsagt til þess að finna að ýmsu í því, en það verður aldrei svo
mikið, að það dragi úr gildi bókarinnar. Hún mun vekja margan
mann til þess að hugsa margt, sem hann hefur ekki veitt athygli eða
hugleitt fyrr, og það er ekki lítils virði. Mér þótti ef til vill kaílinn um
Lífsskoðun og trú einna merkilegastur. En nú verð ég að lesa bókina