Árbók Landsbókasafns Íslands - Nýr flokkur - 01.01.1987, Síða 56

56
BRÉF NOKKURRA FRÆÐIMANNA
ég kemst á ísl. safnið í íþöku og get borið saman. Skal ég láta senda
þér þær, er þar að kemur.
Ég bið kærlega að heilsa konu þinni með þakklæti fyrir hina
skemmtilegu kvöldstund, sem ég átti á heimili ykkar í fyrra sumar.
Pinn einl.
Stefán Einarsson
P.S. Ég slæ í það að senda þér líka grein um „hljóðvilluna“ og ráð
gegn henni.
Ef þú vilt ekki láta hana í Skírni, gætirðu kannske komið henni í
eitthvert kennaratímarit. í sjálfu sér er hún betri en hin greinin, svo
þess vegna mætti hún kannske vera í Skírni.
En ég fel þér hana sem sagt alveg á hendur.
Þinn einl.
Stefán Einarsson
Malone: Kemp Malone, prófessor í ensku við Johns Hopkins háskólann í Baltimore. -
Hvað segir þú um Eiríkssógu: Sögu Eiríks Magnússonar í Cambridge eftir Stefán, er út
kom í Reykjavík 1933.
Cornell University Library,
3. sept. 1934.
Kæri vinur:
Beztu þakkir fyrir bréf þitt langt og merkilegt að ógleymdum hin-
um afarvelviljaða dómi þínum um Eiríkssögu og svo greinarkorn
mín. Pá þakka ég þér og fyrir leiðréttingar þær, er þú hefir á þeim gert
til bóta eins og þín var von og vísa.
Ég hef nú satt að segja haft það bak við eyrað að skrifa ritdóm eða
amk ritfregn um ísl. þína, annaðhvort í Journal of Engl. and Germ.
Philol. eða Scand. Stud. and Notes, önnur tímarit hér mundu tæplega
taka dóm um ritið. En J.E.G.Ph. á enn ópr. dóm eftir mig um
Egilssögu og Njálu EÓSv., svo ég veit ekki, hvenær hann kynni að
koma. Það væri auðvitað mikilsvert að fá bókina á útlend mál, helzt
ensku, en heldur þú ekki, að auðvelt mundi að koma henni á þýzku?
Þar er nú áhugi á rammíslenzkum fræðum mikill, eins og sjá má af
fyrsta hefti hins nýja Íslandsvinatímarits, mér finnst þú ætti að neyta,
meðan á nefinu stendur, því ekki er nú alveg víst, að þessi þjóðernis
enthusiasmus Þjóðverja standi til langframa. En bókin ætti að gera
sitt gagn á Þýzkalandi.