Árbók Landsbókasafns Íslands - Nýr flokkur - 01.01.1987, Síða 57

STEFÁN EINARSSON
57
Gaman væri, ef hægt væri að fá Am.Scand. Found. til að gefa út
bókina. Gætirðu ekki fengið Vilhjálm Stef. og H.Herm. til að ýta við
þeim með það. Ég veit, að H. Herm. líkar bókin vel.
Ég hef setið í bókmenntasögugerð hér í sumar, en verið latur og er
skammt fram kominn, en allt vill vaxa um ofí meðferðinni. Safnið hér
er hreinasta ágæti, það sem það nær, en bréf öll og hdr. nær maður
ekki í, ekki heldur allt, sem maður vildi hafa af skandínavískum
bókm. og þó allmikið.
Ekki veit ég, hvort ég kann að senda þér eitthvað í Skírni næst, en
viljann hef ég á að gera það.
Með beztu kveðjum til þín og fjölskyldunnar.
Pinn einl.
Stefán Einarsson
The Johns Hopkins University,
Baltimore, Maryland,
Nóv. 6. 1934.
Kæri vinur,
Beztu þakkir fyrir línurnar. Ég hef nú þegar sent eins konar ritfregn
um „íslendinga“ til Scand. Studies and Notes, og Sturtevant tók vel á
því að birta hana - í fyrsta lagi í febr., síðasta lagi í maí. Svipaðan
dóm hef ég sent Iðunni. Ég sendi þér copíu af honum að gamni mínu,
því sérprent fæ ég víst engin.
Ekki veit ég, hvort ég kemst að því að senda þér grein í Skírni,
kannske seinna. Ég hef stundum verið að hugsa um að skrifa um
andvaraleysi íslendinga gagnvart enskum áhrifum í fjármálum og
menningarmálum, en nú sé ég af Eimreiðinni, að The Scotsman hefur
leyst frá skjóðunni og skotið landanum skelk í bringu. Ef það gæti
kennt þeim að treysta heldur en höggva á böndin við Skandínavíu og
þá einkum Danmörku, þá væri það vel. Ég man, hvað mér þótti það
heimskulegt, að Gísli Bjarnason, foringi sjálfra Þjóðernissinnanna,
hafði það á stefnuskrá þeirra að segja skilið við Dani að samningstím-
anum útrunnum. Það er hatramlegt, að Þjóðernissinnarnir sjálfír
skuli ekki skilja það, að hvergi eigum við menningarlega styrks að
vænta þjóðerni voru nema hjá norrænum þjóðum. - Auk þess höfum
við vafalaust hreinan hagnað af því, að Danir fara með utanríkismál-