Árbók Landsbókasafns Íslands - Nýr flokkur - 01.01.1987, Blaðsíða 67

RICHARD BECK
67
gamni mínu, kvæðakver mitt; ég á ekki sem stendur aukaeintak af
bók minni lcelandic Lyrics, annars hefði ég sent yður hana. Pegar ég
var heima á Alþingishátíðinni, gaf ég Arna prófessor Pálssyni eintak
af henni, og hafði hann góð orð um að minnast hennar í Skírni (hann
var þá ritstjóri hans); en einhvern veginn fórst það fyrir. Ég sendi
einnig Landsbókasafninu, undir nafni, allmörg sérprent af ritgerðum
mínum, og amerísk tímarit með þeim, er nær eingöngu fjalla um
íslenzk efni. Vona ég, að þau komi með skilum á áfangastað.
Vil ég svo að lokum þakka yður kærlega erindið um séra Matthías í
síðustu Eimreið og ræðuna ,Jólagleðin“ í jólablaði Morgunblaðsins.
Með beztu kveðjum.
Yðar einlægur
Richard Beck
The University of North Dakota
Grand Forks, 21. marz 1936
Department of Scandinavian Languages
Kæri dr. Guðmundur Finnbogason,
Sökum óvæntra anna, nefndarstarfa og ræðuhalda fyrir hönd
háskólans, verður grein mín um Pope og íslenzkar bókmenntir dálítið
síðbúnari en ég gerði ráð fyrir. En svo langt er hún á veg komin, að ég
get sent hana fyrir mánaðamótin næstu, og ætti hún þá að vera komin
í yðar hendur um miðjan apríl. Vona ég, að það verði nógu snemmt,
þar sem þér sögðuð í síðasta bréfi, að farið yrði að prenta Skírni í apríl.
Innilega vil ég þakka yður fyrir hinar tímabæru og íhyglisverðu
ritgerðir yðar um þjóðmálin, sem undanfarið hafa verið að koma út í
Morgunblaðinu. Vonandi falla þær ekki í grýtta jörð, þó segja megi um
afstöðu margra til þjóðmálanna í orðum ritningarinnar: „Sjáandi sjá
þeir eigi, og heyrandi heyra þeir eigi né skilja.“
Með beztu kveðjum.
Yðar einlægur
P.S. Nokkra ritdóma um cnsk rit um íslenzk efni sendi ég einnig.
R.B.
Richard Beck