Árbók Landsbókasafns Íslands - Nýr flokkur - 01.01.1987, Side 71

RICHARD BECK
71
af honum. Ekki vænti ég, að þér vilduð vera svo vænn og senda mér
til umsagnar Mannfagnað yðar; myndi ég þá skrifa um hann í
annaðhvort íslenzku blaðanna vestur hér.
Með kærri kveðju og öllum góðum óskum.
Yðar einlægur
Richard. Beck
The University of North Dakota
Grand Forks, 10. apríl 1938
Department of Scandinavian Languages
Heiðraði vin,
í sérstökum bögglum sendi ég samtímis þessu bréfi kvæðabók mína
Ljóðmál, ásamt sérprentum og tímaritum með greinum eftir mig, sem
gjöf til Landsbókasafns íslands. Læt ég fylgja skrá yfir sendinguna og
vona, að hún berist yður með skilum.
Ég er nú að leggja síðustu hönd á ritgerð um „Milton og íslenzkar
þýðingar rita hans“, sem ég ætla Skírni, og mun ég senda hana, ásamt
nokkrum ritdómum um ný rit amerísk um íslenzk fræði, núna um
mánaðamótin; og ætti því efni þetta að berast yður í hendur upp úr
miðjum maí. Ritgerðin mun verða 15-20 blaðsíður.
Nýlega fékk ég að láni hjá kunningja mínum Mannfagnað yðar og
hefi verið að lesa hann mér til uppbyggingar og ánægju; það er, í
hreinskilni sagt, mesta kraftafæða, og tjái ég yður hérmeð þakkir
mínar fyrir svo ágæta bók; er líklegt, að ég minnist hennar í öðru
hvoru vestanblaðinu íslenzka undir eins og mér vinnst tími til.
Kveð ég yður svo með bestu sumaróskum.
Yðar einlægur
Richard Beck
Skrá yfir rit til Landsbókasafnsins.
Beck, Richard: Ljóðmál. Winnipeg, Man. 1929.
Beck, Richard: Friðrik H. Fljózdal, vestur-íslenskur verkalýðsforingi. Almanak O. S. Th.
1936.
Beck, Richard: Alexander Pópe og islenskar bókmenntir. Sérpr. úr Skírni 1936.
Beck, Richard: Grímur Thomsen og Byron. Sérpr. úr Skírni 1937.
Beck, Richard: Jónas Lie - skáld heimilis og hversdagslífsins. Rökkur 1935.
Beck, Richard: George P. Marsh-brautryðjandi íslenzkra fræða í Vesturheimi. Sérpr. úr
Tímariti Þjóðræknisfél. Ísí. 1935.