Árbók Landsbókasafns Íslands - Nýr flokkur - 01.01.1987, Qupperneq 77

RICHARD BECK
77
The University of North Dakota
Grand Forks, 23. jan. 1943
Heiðraði vin,
Beztu þökk fyrir vinsamlegt og kærkomið bréf yðar frá 4. septem-
ber, er mér barst fyrir nokkru síðan. Var sem mig grunaði, að þér
hefðuð ekki fengið Almanakið, og mun það því hafa glatazt á leiðinni.
En árgangur þess fyrir 1942 er nú nærri fullprentaður, og sendi ég
yður hann því dálítið síðar og síðasta árgang um leið til væntanlegrar
umsagnar. Einnig vonast ég til að geta sent yður samhliða eintak af
nýrri bók eftir mig, safni af enskum þýðingum íslenzkra kvæða og
smásagna, sem ég hefi safnað til og Amerian-Scandinavian Found-
ation gefur út.
Ég verð í Winnipeg nokkra daga í sambandi við Þjóðræknisþingið
seinni partinn í febrúar, og skal ég þá eiga tal við Geir Thorgeirsson
með útvegun íslenzkra bóka hér vestra fyrir Landsbókasafnið.
Með ánægju skal ég hafa næsta Skírni í huga með umgetningar um
bækur, er ísland snerta og út koma vestan hafs. Hefi ég þegar
nokkrar í huga. Þá hefi ég grein í smíðum, sem ég skal reyna að senda
yður í tæka tíð. Svo er mál með vexti, að Guttormur J. Guttormsson
skáld er 65 ára núna á komandi hausti; er ég því að semja allýtarlega
ritgerð um hann og skáldskap hans, sem ég hefi um nokkurt skeið
verið að safna til, og þykir mér sæma, að hún komi í Skírni. Vanda ég
sem bezt til hennar. Bókmenntafélagsbækurnar fyrir 1941 fékk ég
með góðum skilum og ritaði um þær í Lögbergi, eins og þér sjáið af
hjálagðri umsögn. Vona ég, að yður falli hún í geð. Ég átti einnig hlut
að því, að prentað var upp í sama blaði hið prýðilega kvæði Jóns
Magnússonar um Snorra Sturluson.
Með beztu kveðjum og velfarnaðaróskum.
Yðar einlægur
Richard Beck
The University of North Dakota
Grand Forks, 6. apríl 1943
Department of Scandinavian Languages
Heiðraði vinur,
Eins og ég mun hafa getið um í síðasta bréfi mínu til yðar, þá hefi
ég haft í smíðum undanfarið allýtarlega ritgerð um Guttorm J.
Guttormsson skáld í tilefni af því, að hann verður 65 ára gamall seint
á þessu ári. Er grein þessi sérstaklega rituð fyrir Skírni, og mun ég