Árbók Landsbókasafns Íslands - Nýr flokkur - 01.01.1987, Side 87

LANDSBÓKASAFNIÐ 1985
87
Handritasafn dr. Einars Arnórssonar hæstaréttardómara. Logi
hæstaréttardómari, sonur Einars, og Einar Laxness sagnfræðingur,
dóttursonur Einars, afhentu.
Anna Guðmundsdóttir bókavörður afhenti bréfasafn Ingibjargar
Magnúsdóttur og Júlíusar Halldórssonar læknis.
„Heilaspuni“. Eftirmáli að Sögu Borgarættarinnar eftir Gunnar
Gunnarsson. Eiginhandarrit. Prentsmiðjuhandrit og próförk. Viggó
Gíslason alþingisbókavörður afhenti, en hvort tveggja komið úr
fórum Péturs Lárussonar, er lesið hafði prófarkir af ofannefndu.
„Feðgaminning eftir Benedikt Gabríel (Benediktsson), Reykjavík
1903“, þ.e. æviágrip og ættartala sr. Jóns Benediktssonar á Rafnseyri
og þeirra feðga. Gjöf Sigurðar Jónssonar frá Haukagili.
Finnur Árnason, Reykjavík, afhenti kvæðasyrpur Jósefs Húnfjörð.
Steindór Steindórsson, fyrrum skólameistari á Akureyri, afhenti
bréfasafn sitt og fyrirmæli í sérstöku bréfí um meðferð þess; ennfrem-
ur m.a. brot úr þýðingu Björns Bjarnasonar frá Viðfirði á sögu eftir
Vladimir Korolenko, er birtist í Sögum frá Síberíu, er út komu á
vegum Odds Björnssonar í Kaupmannahöfn 1897.
Paul B. Taylor, prófessor við Genfarháskóla í Sviss, færði Lands-
bókasafni að gjöf á leið sinni vestur um haf ýmis gögn varðandi
þýðingar sínar og brezka skáldsins W.H. Audens á Eddukvæðum.
Kvæðasafn Jóns Sigurðssonar í Nefsholti í Holtum. Eiginhandar-
rit. Gjöf Sveinbjarnar Beinteinssonar.
Úr fórum Jóns Borgfirðings, miklar syrpur til viðbótar þeim, er
komnar voru áður. Frú Ólöf Bjarnadóttir afhenti úr búi sínu og
manns síns, Agnars Klemens Jónssonar sendiherra, sonarsonar Jóns
Borgfirðings.
Katrín Ólafsdóttir Hjaltested afhenti eitt bréf Bríetar Bjarnhéðins-
dóttur, dagsett 2. nóvember 1885, til Elísabetar Sveinsdóttur, ömmu
Katrínar. Katrín afhenti jafnframt ýmis gögn úr búi afa síns, Björns
Jónssonar ritstjóra, til viðbótar gögnum, er hún hafði áður fært
safninu úr búi hans.
Nokkur handrit Magnúsar Jónssonar prófessors og alþingismanns.
Kristín Gústafsdóttir bókavörður afhenti úr Borgarbókasafni.
Nokkurt bréfasafn og einkaskjöl Þorsteins Jónssonar sýslumanns á
Kiðjabergi. Ennfremur fáein bréf til Gunnlaugs sonar hans, m.a. frá
Jóni Sigurðssyni forseta; bréf frá sr. Skúla Gíslasyni til bróður hans,
Árna Gíslasonar á Kirkjubæjarklaustri. Páll Skúlason lögfræðingur
og ritstjóri afhenti.