Morgunblaðið - 06.03.2001, Qupperneq 27

VIÐSKIPTI
MORGUNBLAÐIÐ ÞRIÐJUDAGUR 6. MARS 2001 27
HELSTU ástæður þess að afkoma
Olíuverzlunar Íslands versnar milli
ára eru gengistap erlendra skulda,
niðurfærsla viðskiptakrafna og
lægri framlegð af vörusölu, segir
Jónas Gauti Friðþjófsson hjá Al-
þjóða- og fjármálasviði Lands-
banka Íslands.
„Rekstrarvandi olíufélaganna er
að mörgu leyti svipaður og hjá fyr-
irtækjum í sjávarútvegi og sam-
göngum, sem hafa liðið fyrir óhag-
stæða gengisþróun og sveiflur á
olíuverði. Gengistap vegna er-
lendra skulda Olís nam 343 millj-
ónum en árið á undan var gengis-
munur jákvæður um 44 milljónir
og skýrist breytingin á veikingu
krónunnar gagnvart erlendum
gjaldmiðlum á árinu. Á síðasta ári
hækkaði gengisvísitala krónunnar
um 10%, en lækkaði árið á undan
um 2,8%. Breytingin milli ára er
mikil þar sem veiking krónunnar í
fyrra gerði meira en að vega upp
vaxtahagræðið af erlendu lánunum
í samanburði við skuldsetningu í
krónum en árið 1999 var sérlega
hagstætt þar sem fóru saman
vaxtamunur og styrking krónunn-
ar.“
Arðsemi eigin fjár 3,5%
Jónas segir að olíufélögin hafi
ekki velt hækkunum á innkaups-
verði að fullu inn í verð til við-
skiptavina og framlegð af vörusölu
hafi minnkað milli ára, hjá Olís úr
29% í 24%. Hærra innkaupsverð
hafi þar að auki leitt til aukinnar
fjárbindingar í viðskiptakröfum og
birgðum. Verðhækkanir á olíu hafi
einnig þrengt að viðskiptavinum
félagsins og nam gjaldfærsla við-
skiptakrafna 140 milljónum í fyrra.
Lækkun Ebitda-hlutfalls úr 6,9% í
5,5% skýrist af þessari gjaldfærslu
auk minnkandi framlegðar af vöru-
sölu. Afskriftir hafi síðan aukist
um 26% milli ára sem komi eink-
um til vegna byggingar nýrra höf-
uðstöðva félagsins.
„Arðsemi eigin fjár var 3,5% og
er slök afkoma mörkuð af þróun
ytri aðstæðna sem mun áfram ráða
miklu um hvernig afkoma félags-
ins verður á þessu ári.“
Umsögn Landsbanka Íslands um ársuppgjör Olíuverzlunar Íslands
Minnkandi fram-
legð af olíusöluSTJÓRN SÍF hf. hefur samþykkt að
selja eigur og rekstur fiskvinnslufyr-
irtækisins Loppa Fisk AS í Norður-
Noregi og hefur SÍF þar með lokið
þeim breytingum sem ákveðið hafði
verið að gera á starfsemi fyrirtæk-
isins í Noregi. Í fréttatilkynningu
kemur fram að eins og áður hefur
komið fram ákvað stjórn SÍF að
hætta þátttöku fyrirtækisins í veiðum
og vinnslu í Noregi, í kjölfar síversn-
andi rekstrarskilyrða og verulegs
tapreksturs. Áður hafði SÍF hf. selt
fiskvinnslufyrirtækið Eidet Fisk AS
og lagt af starfsemi Nykvag Fisk AS.
Þá hefur fyrirtækið selt hlutdeild sína
í fjórum bátum sem tengdust rekstri
fiskvinnslufyrirtækjanna. Í tengslum
við sölu eigna Loppa Fisk AS hefur
SÍF hf. fært niður bókfært verðmæti
eignanna um tæpar 240 milljónir
króna í reikningum félagsins fyrir ár-
ið 2000. Kaupendur eigna og reksturs
Loppa Fisk AS eru nokkur fyrirtæki
sem tengjast veiðum, vinnslu og eldi á
hvítfisktegundum í Noregi, en það er
fyrirtækið Fjord Marin sem leiðir
hópinn. Fjord Marin hefur sameinast
fyrirtækjum að undanförnu sem
tengjast eldi á hvítfisktegundum.
Fyrirtækið hefur vilyrði fyrir fjölda
sjókvía í Finnmörku og hyggst nýta
aðstöðu Loppa Fisk AS bæði til rann-
sókna og reksturs eldisstöðva sem og
til slátrunar og vinnslu afurða. SÍF
hf. mun eignast 10% hlut í hinu nýja
fyrirtæki og sjá um sölu flestra afurða
þess í Evrópu. Þá hyggjast SÍF hf. og
Fjörd Marin skoða frekar möguleika
á samstarfi um sölu á ferskum fiski til
Evrópu. SÍF rekur því nú aðeins inn-
kaupastarfsemi í Noregi og starfa þar
sjö starfsmenn.
SÍF selur
Loppa Fisk
í Noregi
NÆSTI hádegisverðarfundur SAU
– samtaka auglýsenda verður þann
8. mars nk. í blómasal Hótel Loft-
leiða. Friðrik Eysteinsson B.Sc.
MBA, forstöðumaður markaðs- og
söludeildar Vífilfells ehf. og formað-
ur SAU mun fjalla um birtingar í
sjónvarpi. Reifuð verða málefni eins
og stjórn/óstjórn auglýsingamála,
auglýsingagerð, birtingaráætlanir
og áhrif auglýsinga . Leitað verður
svara við spurningum sem þessum:
Hversu oft þurfa einstaklingar í
markhópnum að sjá sjónvarpsaug-
lýsingu innan ákveðins tímabils svo
hún virki? Er skynsamlegt að binda
sig við einn miðil þegar auglýsingar
eru annars vegar? Fundurinn hefst
klukkan 11:30 og stendur til 13. Að
þessu sinni er fræðslufundurinn ein-
ungis ætlaður aðildarfyrirtækjum
samtakana.
Birtingar
í sjónvarpi
ræddar á fundi
♦ ♦ ♦
NETBANKINN – nb.is býður nýj-
um viðskiptavinum sínum sem
stofna reikning fyrir 11. apríl helm-
ingi lægri vexti á yfirdráttarheimild
fyrstu sex mánuði eftir að reikningur
hefur verið stofnaður, að því er fram
kemur í fréttatilkynningu.
Meðalvextir yfirdráttarheimilda á
almennum tékkareikningum ein-
staklinga hjá viðskiptabönkum og
sparisjóðum eru nú 20,80%, en
fyrstu sex mánuðina frá stofndegi
reiknings fá viðskiptavinir nb.is
10,40% yfirdráttarvexti. Eftir fyrstu
sex bjóðast reikningseigendum yfir-
dráttarvextir sem eru allt að 6,60
prósentustigum lægri en annarra
banka og sparisjóða.
Netbankinn – nb.is hóf göngu sína
haustið 1999 og er rekinn sem sjálf-
stæð rekstrareining innan SPRON.
Netbankinn
lækkar yfir-
dráttarvexti
♦ ♦ ♦