Morgunblaðið - 15.04.2005, Side 10

10 FÖSTUDAGUR 15. APRÍL 2005 MORGUNBLAÐIÐ
FRÉTTIR
SÍÐDEGIS í gær höfðu safnast
10.523 áskoranir í undirskriftasöfnun
forvarnarverkefnis Ungmennafélags
Íslands, Blátt áfram.
Forsvarsmenn verkefnisins hafa
sent öllum þingmönnum og ráðherr-
um bréf vegna lagafrumvarps Ágústs
Ólafs Ágústssonar alþingismanns um
afnám fyrningarfrests í kynferðisaf-
brotum gegn börnum. Í bréfinu er
hvatt til þess að frumvarpið verði af-
greitt fljótt úr allsherjarnefnd Al-
þingis svo þingið geti tekið afstöðu.
Einnig er bent á þá afstöðu Blátt
áfram að fyrning á kynferðisafbrot-
um gegn börnum sé bæði óeðlileg og
óréttlát þar sem börn átti sig oft ekki
á að brotið hafi verið gegn þeim fyrr
en mörgum árum eftir að brotið átti
sér stað.
Lagafrumvarp Ágústs Ólafs var
lagt fram á síðasta þingi en fékk þá
ekki afgreiðslu allsherjarnefndar.
Verkefnastjóri Blátt áfram, Svava
Björnsdóttir, segist vera hæstánægð
yfir þeim viðbrögðum sem forvarn-
arverkefnið hefur fengið, en Blátt
áfram á eins árs afmæli í ár og er
komið til að vera að sögn Svövu.
Tölvupóstur streymdi inn í allan
gærdag og var Svava meðal annars
búin að fá hvatningarorð í bréfi frá
formanni eins stjórnmálaflokksins.
Óska eftir fundi
með allsherjarnefnd
Blátt áfram hefur nú þegar afhent
allsherjarnefnd undirskriftalista
vegna lagafrumvarpsins en ætlar
fljótlega að fá nefndinni þær undir-
skriftir sem bæst hafa við.
„Næst á dagskrá er að óska eftir
fundi með allsherjarnefnd og spyrj-
ast fyrir um stöðu frumvarpsins inn-
an nefndarinnar en einnig til að koma
á framfæri okkar afstöðu.“
Markmið Blátt áfram er að efla
forvarnir gegn kynferðislegu ofbeldi
á börnum og það sé helst gert með
umræðu og fræðslu í skólum lands-
ins.
Á næstunni fer af stað verkefni í
samvinnu við forvarnarnefnd og Vel-
ferðarsjóð barna sem kynnt verður í
þremur grunnskólum í maí. Verkefn-
ið felst í sýningu brúðuleikhúss þar
sem fjallað er um kynferðislegt of-
beldi gegn börnum. Hugmyndin er
fengin frá Bandaríkjunum en Hall-
veig Thorlacius og Helga Arnalds sjá
um brúðuleikhúsið hér á landi.
„Á sýningunum verður fulltrúi frá
Barnahúsi því nauðsynlegt er að fag-
maður sé á svæðinu vegna þess hve
viðkvæmt efnið er,“ segir Svava. „Í
framhaldi vonumst við til að Mennta-
málaráðuneytið veiti okkur styrk til
áframhaldandi sýninga í fleiri grunn-
skólum í haust.“
Yfir 10 þúsund undirskriftir í forvarnarverkefni UMFÍ
Blátt áfram skorar á þing-
heim vegna lagafrumvarps
UNGLIÐAHREYFINGAR stjórn-
málaflokkanna í Reykjavík héldu
opinn fund síðastliðið miðviku-
dagskvöld vegna frumvarps um
afnám fyrningarfrests á kynferð-
isbrotum gegn börnum.
Á fundinn mættu 50-60 manns
og héldu tölu Ágúst Ólafur
Ágústsson þingmaður, sem lagði
fram frumvarpið, Hrefna Ólafs-
dóttir félagsráðgjafi og Svava
Björnsdóttir sem beitt var kyn-
ferðislegu ofbeldi sem barn.
Ungliðahreyfingarnar segja
frumvarpið hafa þá sérstöðu að
þverpólitísk samstaða hafi náðst
um það á þingi unga fólksins í
mars og í framhaldi af fundinum á
miðvikudagskvöldið mun hver
hreyfing ræða við sinn fulltrúa í
Allsherjarnefnd sem og flokks-
félaga sína í von um stuðning við
frumvarpið.
Samstaða
meðal
ungliða-
hreyfinga
ÞINGFLOKKUR Samfylkingarinn-
ar mótmælir því harðlega að ummæli
Lúðvíks Bergvinssonar, þingmanns
flokksins, hafi verið vítt á Alþingi í
fyrradag. Margrét Frímannsdóttir,
formaður þingflokks Samfylkingar-
innar, sendi Halldóri Blöndal, forseta
þingsins, bréf þessa efnis í gær, fyrir
hönd þingflokksins. Halldór segist
hins vegar undrandi á bréfinu. Hann
segir að það hafi verið rétt ákvörðun
að víta þingmanninn.
Eins og fram kom í Morgunblaðinu
í gær vítti Halldór þingmanninn fyrir
ummælin: „Forseti, ég hef hér orðið.“
Kveðið er á um þingvíti í 89. grein
þingskapa. Þar segir m.a.: „Ef þing-
maður talar óvirðulega um forseta Ís-
lands eða ber þingið eða ráðherra eða
einhvern þingmann brigslyrðum eða
víkur með öllu frá umtalsefninu skal
forseti kalla til hans: „Þetta er víta-
vert“, og nefna þau ummæli sem hann
vítir.“
Í bréfi þingflokksformanns Sam-
fylkingarinnar segir að ekki verði séð
að fyrrgreint ákvæði þingskapa eigi
við um þau orð þingmannsins sem vítt
voru. „Ástæða þessara orða þing-
mannsins er sú að forseti hafði slegið í
bjölluna og stöðvað ræðu þingmanns-
ins og talað úr forsetastól þótt klukk-
an gengi á þingmanninn innan þeirra
þröngu tímamarka sem umræðu um
störf þingsins er ætlað,“ segir í bréf-
inu. „Það er vissulega rétt að þegar
forseti Alþingis slær í bjölluna til að
koma athugasemdum til ræðumanns
ber ræðumanni að hlýða á orð forseta.
Ef það er ekki gert er eðlilegt að for-
seti veki athygli þingmannsins á því.“
Því er bætt við, að það sé mat þing-
flokks Samfylkingarinnar, að þingvít-
um beri aðeins að beita þegar þau til-
vik eigi við sem um geti í fyrrgreindri
grein þingskapa. Svo hafi hins vegar
ekki verið í umræddu tilviki. „Þing-
flokkurinn mótmælir því harðlega að
orð Lúðvíks Bergvinssonar alþingis-
manns hafi verið af því tagi að beita
ætti vítum skv. 89. gr. þingskapa af
hálfu forseta Alþingis.“
Kallaði á víturnar
Halldór segir í samtali við blaða-
mann Morgunblaðsins að ekki beri að
líta á orð þingmannsins, sem hann
vítti, ein og sér, heldur verði að horfa
á þau í því samhengi sem þau voru
sögð. Kjarni málsins sé framkoma
þingmannsins og að hann skyldi veit-
ast að forseta þingsins með þeim
hætti sem hann gerði. „Ummælin
hafa birst í Morgunblaðinu og fram-
koma þingmannsins hefur sést í sjón-
varpi, svo hver og einn getur dæmt
um það hvort ástæða var til þingvíta
eður ei,“ segir hann.
„Ég held að í engu þjóðlandi tíðkist
að einstakir þingmenn nánast taki orð
af forseta og skammti sér það sjálfir.
Ég varð einu sinni vitni að því á Ír-
landi að þingmaður stóð upp í hárinu
á forseta. Það endaði með því að for-
seti setti hann í þingvíti og bannaði
honum að sækja þingfundi fyrr en eft-
ir tvær vikur. Þegar ég spurði nánar
út í þetta sögðu Írar mér að þingmað-
urinn hefði gert þetta til að vekja at-
hygli á sér; hann væri töff og gæti
staðið á móti forseta og sýnt hörku í
baráttu sinni fyrir viðkvæmu máli
heima í héraði. Forsetinn í því tilviki
reyndi eftir mætti að komast hjá því
að vísa þingmanninum á dyr en það
endaði með því.“
Halldór segir að allir hljóti að skilja
að það verði að halda uppi reglu á
fundum Alþingis og að menn verði að
virða leikreglur. Í tilviki Lúðvíks hafi
t.d. málið snúist um það að þingmað-
urinn hafi krafist umræðu um störf
einkavæðingarnefndar sem forseti
hafi synjað vegna þess að forsætis-
ráðherra hafi flutt skýrslu á þingi um
Símamálið. „Þannig stóðu málin og
þetta var þingmanninum kunnugt.
Ég var að leiðrétta þegar hann fór vit-
laust með þetta atriði. Ég gerði það
tvisvar eða þrisvar við þessar umræð-
ur.“ Halldór bætir því við að það hafi
verið rétt ákvörðun að víta þingmann-
inn. „Ég held að þeir sem sáu þetta í
sjónvarpinu geri sér grein fyrir því að
ég var að hugsa málið, en þingmað-
urinn hélt áfram í sama tón, þannig að
í raun og veru gaf hann forseta Al-
þingis enga kosti; hann kallaði á vít-
urnar, með því að halda áfram eins og
hann gerði.“
Þingflokkur Samfylkingar-
innar mótmælir þingvítum
Forseti þingsins
segir að ákvörðun-
in hafi verið rétt
Morgunblaðið/Árni Torfason
Halldór Blöndal vítti í fyrradag ummæli Lúðvíks Bergvinssonar, þing-
manns Samfylkingarinnar, en þingflokkur hans hefur mótmælt því.
Eftir Örnu Schram
arna@mbl.is
Morgunblaðið/Jim Smart
NEFND félagsmálaráðherra, um
þjónustu við útlendinga, leggur til að
skipað verði sérstakt innflytjenda-
ráð, sem beri ábyrgð á framkvæmd
stefnu stjórnvalda í innflytjendamál-
um og sé þeim til ráðuneytis. Nefndin
leggur til að ráðið verði skipað
fulltrúum félagsmálaráðuneytis,
menntamálaráðuneytis, dómsmála-
ráðuneytis, heilbrigðisráðuneytis og
Sambands íslenskra sveitarfélaga.
Nefndin leggur aukinheldur til að
flóttamannaráð í núverandi mynd
verði lagt niður. Í staðinn verði skip-
uð sérstök nefnd á vegum innflytj-
endaráðs sem hafi umsjón með mót-
töku flóttafólks. Nefndin vinni í nánu
samráði við Útlendingastofnun og í
henni eigi sæti fulltrúar félagsmála-
ráðuneytis, dómsmálaráðuneytis, ut-
anríkisráðuneytis og Rauða kross Ís-
lands.
Árni Magnússon félagsmálaráð-
herra upplýsti þetta á Alþingi í gær.
Hann sagði tillögur nefndarinnar
skynsamlegar og ætlar að beita sér
fyrir því að þær verði að veruleika.
Hyggst hann kynna tillögurnar og
skýrsluna í ríkisstjórn á næstunni.
Geri þjónustusamninga
við viðkomandi aðila
Ráðherra sagði að hann hefði skip-
að nefndina sl. sumar, en verkefni
hennar var að útfæra nánar tillögur
um framkvæmd þjónustu við útlend-
inga. Samkvæmt tillögum nefndar-
innar er innflytjendaráði m.a. ætlað
að gera þjónustusamninga við þá að-
ila sem best væru til þess fallnir að
sinna þeim verkefnum, í málefnum
útlendinga, sem brýnust eru.
Gert er ráð fyrir því að þjónustu-
samningarnir innihaldi m.a. sam-
komulag um eftirtalin sex verkefni:
1. Að tryggja öllum sem hér fá at-
vinnu- og dvalarleyfi leiðsögn um
íslenskt samfélag.
2. Að afla og halda utan um tölfræði-
leg verkefni á sviði innflytjenda-
mála í samvinnu við Hagstofu Ís-
lands.
3. Að samræma miðlun nauðsynlegra
upplýsinga til útlendinga á Íslandi.
4. Að gera áætlun um túlkaþjónustu
sem nái til landsins alls.
5. Innflytjendaráð skal markvisst
kynna sveitarfélögum þarfir og að-
stæður innflytjenda.
6. Innflytjendaráð skal beita sér fyrir
rannsóknum og þróunarstarfi á
högum og aðlögun innflytjenda og
fylgjast reglubundið með viðhorf-
um innflytjenda og innfæddra til
fjölmenningarsamfélagsins.
Tillögur nefndar um
þjónustu við útlendinga
Vill skipað
innflytj-
endaráð
VALGERÐUR Sverrisdóttir iðnað-
arráðherra kvaðst á Alþingi í gær
hafa fundað með sérfræðingum
Landsvirkjunar, hönnuðum og jarð-
fræðingum eftir að nýjar jarðfræði-
rannsóknir sýndu að misgengiskerfið
við Kárahnjúka væri viðameira en áð-
ur var talið. Benda rannsóknirnar til
að Kárahnjúkasvæðið sé ekki full-
komlega stöðugt.
„Eftir að hafa kynnt mér stað-
reyndir málsins og með hvaða hætti
brugðist er við þessum nýju upplýs-
ingum við hönnun og byggingu stífln-
anna er ég þess fullviss að ekki er
hætta á ferðum við rekstur Kára-
hnjúkavirkjunar,“ sagði ráðherra á
Alþingi í gær og bætti við: „Ég hef áð-
ur talað í sambandi við óskylt mál um
belti og axlabönd. Ég held að í þessu
tilfelli sé óhætt að tala um tvenn axla-
bönd og tvö belti.“
Þessi ummæli féllu í utandagskrár-
umræðu um málið á Alþingi. Stein-
grímur J. Sigfússon, þingmaður
Vinstrihreyfingarinnar-græns fram-
boðs, var málshefjandi umræðunnar.
Hann vitnaði m.a. í matsskýrslu um
umhverfisáhrif Kárahnjúkavirkjunar
frá maí 2001. Í henni kæmi m.a. fram
að bergið á stíflusvæðunum hentaði
vel sem grunnur fyrir þær. Stein-
grímur sagði að annað hefði hins veg-
ar komið á daginn. „Gögn sem lágu til
grundvallar umhverfismati hafa í
veigamiklum atriðum reynst röng eða
rangtúlkuð,“ sagði hann. „Iðnaðar-
ráðherra lagði frumvarpið um Kára-
hnjúkavirkjun fyrir þingið og því var
troðið í gegn á röngum forsendum.
Menn hafa þegar ratað í mikla erf-
iðleika í upphafi framkvæmdanna,
einkum við gerð undirstöðunnar und-
ir stífluna miklu efst í gljúfrunum.
Um 8 til 10 metra dýpra reyndist á
fast í gljúfurbotninum. Undirstaðan
er mun sprungnari, og virkni þar
meiri en gert var ráð fyrir. Þetta hef-
ur tafið verkið um mánuði og valdið
milljarða viðbótarkostnaði.“
Steingrímur sagði enn fremur að
ekkert hefði verið gert úr varnaðar-
orðum Gríms Björnssonar, Guð-
mundar heitins Sigvaldasonar og
fleiri jarðvísindamanna. Nú sé komið
í ljós að innistæða hafi verið fyrir
þeim varnaðarorðum. „Auðvitað var
hneyksli að vaða af stað með þessa
framkvæmd og troða frumvarpi sem
heimilaði hana í gegnum Alþingi og
þegja um og gera ekkert með þær
ábendingar sem þarna lágu fyrir.“
Valgerður Sverrisdóttir iðnaðarráðherra fjallar um Kárahnjúkavirkjun
Með tvö belti og
tvenn axlabönd
FRESTUR til innritunar í nýtt þver-
faglegt nám í umhverfis- og auð-
lindafræðum hefur verið framlengd-
ur til 22. apríl nk., en í haust verður
þetta nýja nám í fyrsta sinn í boði við
Háskóla Íslands.
Námið á rætur sínar í þverfaglegu
námi í sjávarútvegsfræðum og um-
hverfisfræðum sem boðið hefur verið
um árabil. Nú hafa þessar námsleiðir
sameinast, m.a. þar sem sýnt þykir
að viðfangsefni þeirra skarist mjög.
Meistaranám í umhverfis- og auð-
lindafræðum veitir fræðilega mennt-
un á ýmsum sviðum er snerta um-
hverfismál og nýtingu náttúru-
auðlinda. Megináhersla er lögð á að
sníða námið að áhugasviðum, þörfum
og óskum einstakra nemenda.
Að náminu standa sex deildir há-
skólans, félagsvísindadeild, hugvís-
indadeild, lagadeild, raunvísinda-
deild, verkfræðideild og viðskipta-
og hagfræðideild.
Frestur til
innritunar í
auðlinda-
fræði lengdur