Réttur - 01.01.1979, Blaðsíða 5

þeim kosningum skorti ekkert á loforð
þingmanna og frambjóðenda um að
aldrei skyldu þeir samþykkja neitt slíkt
afsal. En strax sumarið eftir að kosning-
um nýafstöðnum hóf forsætisráðherra
leynilegar viðræður við fulltrúa Banda-
ríkjanna um framhaldsafnot þeirra ai
Keflavíkurflugvelli. Tveir aðrir leiðtog-
ar Sjálfstæðisflokksins tóku þátt í þeim
umræðum.
I sinni ágætu grein í Skírni árið 1976
hefur Þór Whitehead, lektor, lýst þessum
leyniviðræðum samkvæmt upplýsingum,
er hann hefur aflað sér úr bandarískum
skjölum frá þeim tírna. Samkvæmt upp-
lýsingum hans báru bandarísku fulltrú-
arnir þá fram eftirfarandi óskir:
„1. Hernaðaraðstöðu á Keflavíkurflug-
velli.
2. Réttindi til að viðhalda flotabæki-
stöð í Hvalfirði, er starfrækt yrði og
stækkuð, einkum í ófriði.
3. Leguréttindi fyrir bandarísk lierskip
í íslenskri landhelgi.
4. Réttindi til flughafnar í Fossvogi
með svipuðum skilmálum og fyrir
Hvalfjarðarstöðina."
Síðar í greininni segir um þessar mála-
leitanir:
„Keflavikurstöðin yrði fyrst og fremst
starfrœkt sem farþegaflugvöllur, þar sem
bandariskum herfluguélum og tœkni-
mönnum yrði veitt aðstoð og réttindi til
að hafa tiltæk kjarnorkuvoþn." (Letur-
breyting mfn).
Oll þau atriði, sem hér er farið fram á,
sýna það glögglega að Bandaríkin héldu
fram öllum kröfum sfnum frá því um
haustið. Og hér var meira að segja krafist
Ásmundur Sigurðsson.
þess að hafa hér kjarnorkuvopnastöð. Er
hægt að fá betri sannanir fyrir þvf, hve
blygðunarlaust var farið á bak við, ekki
aðeins samstarfsflokkinn í ríkisstjórn,
heldur líka rnestan hluta annarra þing-
manna, svo og jrjóðina alla með því að
leyna hana öll þessi ár því sem þarna var
um rætt.
Afleiðing þessara viðræðna varð Kefla-
víkursamningurinn, sem síðan olli stjórn-
arslitum. Hér er ekki rúm til að rekja þá
sögu frekar, enda er á þetta minnst til
þess að gera ljóst, að nú skyldi náð í
smærri skrefum, því sem ekki varð náð í
einu stökki. Enda var nú, af fullum krafti
gengið f að koma Atlanshagsbandalaginu
á laggirnar og þar var íslandi frá byrjun
ætluð þátttaka. Þegar svo kom fram á
5