Réttur - 01.01.1979, Side 65

ÓLAFUR RAGNAR GRÍMSSON:
VIGSTAÐA
VINSTRI STJÓRNAR
Alþjóðleg baráttusaga verkalýðsstéttar-
innar geymir margvíslega lærdóma um
nauðsyn samtengingar þeirra skipulags-
heilda sem á hverjum tíma er ætlað að
vera tæki launafólks til sóknar og varn-
ar. Meðal mikilvægustu þátta í stjórnlist
sósíaliskrar fjöldahreyfingar er hvernig
skuli haga verkaskiptingu milli samtaka
launafólks og þess flokks sem fylkt hefur
undir sitt merki framsæknasta hluta
verkalýðsstéttarinnar. Á úrslitastundum
í hinni sögulegu framvindu geta stór ör-
lög ráðist af því hvort og þá hvernig bar-
áttusveit sósíalista hefur tekist að tengja
saman annars vegar virkni og vilja fram-
sæknasta hlutans í stéttarfélögunum og
hins vegar aðgerðir þeirra sem um stund
gegna trúnaðarstörfum í valdastofnunum
stjórnkerfisins - á þingi eða í ríkisstjórn.
65