Morgunblaðið - 04.02.2007, Blaðsíða 45

MORGUNBLAÐIÐ SUNNUDAGUR 4. FEBRÚAR 2007 45
Sverrir Kristinsson, löggiltur fasteignasali
HELLUVAÐ - 95% LÁN - AÐEINS 2 EFTIR
4ra herb. ný og glæsileg 113,7 fm íbúð á
3. hæð með suðursvölum í hinu nýja
„Norðlingaholti“ ofan við Rauðavatn í
Reykjavík. Íbúðin skiptist í anddyri, gang,
3 svefnherbergi, eldhús, stóra stofu,
þvottahús og glæsilegt baðherbergi með
baðkari svo og innréttingu. Laus strax.
V. 26,4 m. 474
OPIÐ HÚS VITASTÍG 3 - 4.H.V.
Opin og björt miðbæjaríbúð á 4. og efstu
hæð með mikilli lofthæð og stórum svöl-
um til vesturs. Fallegt útsýni. Um er að
ræða mjög sérstaka og spennandi íbúð í
101 Reykjavík. V. 24,8 m. 6393
EIGNIN VERÐUR TIL SÝNIS Í DAG
(SUNNUDAG) FRÁ KL. 13-14.
REYNIMELUR
Falleg 3ja herb. íbúð á 2. hæð í góðu fjöl-
býlishúsi við Reynimel í vesturbæ Reykja-
víkur. Nýtt parket, flísar o.fl. Stórar suður-
svalir. 6419
ÞORLÁKSGEISLI M.BÍLGEYMSLU - GLÆSILEG
Glæsileg og óvenju vel umgengin nýleg
íbúð á 3.hæð í lyftuhúsi með stæði í bíl-
geymslu. Íbúðin er 113,5 fm. og skiptist í
forstofuhol, eldhús með borðkrók, stofur,
þrjú stór herbergi, þvottaherbergi í íbúð og
baðherbergi. í Kjallara er íbúðin með stæði
í bílgeymslu og er innangengt í sameign
auk þess er sér geymsla rétt við bíla-
geymsluna ( mjög þægilegt) . Stórar svalir
eru til suðurs sem er gengið út á, bæði úr hjónaherbergi og stofu. Húsið er staðsett
á kyrrlátum stað og er stórt ósnortið svæði framan við húsið með ýmsum möguleik-
um til útivistar. Frábær íbúð V. 28,6 m. 6422
SELVOGSGRUNN
Falleg og vel skipulögð 122 fm neðri sér-
hæð í fallegu húsi sem er teiknað af Hann-
esi Kr. Davíðssyni arkitekt, ásamt 22,3 fm
bílskúr. Íbúðin er opin og björt, nýlegt eld-
hús og húsið var nýlega viðgert og málað
að utan. V. 32,9 m. 6401
VEGHÚS - STÓR ÍBÚÐ MEÐ BÍLSKÚR
Mjög falleg og björt 6-7 herbergja íbúð á
tveimur hæðum ásamt innbyggðum bíl-
skúr. Íbúðin skiptist í forstofu, baðher-
bergi, fimm svefnherbergi, eldhús og tvær
stofur. V. 32,9 m. 6412
EINARSNES - SKERJAFJÖRÐUR
Parhús á tveimur hæðum sem skiptast
þannig : á 1.hæð er forstofa, snyrting, hol
og borðstofa, dagstofa og sjónvarpshol,
sólstof, eldhús með borðkrók, þvottaher-
bergi og geymsla. Á efri hæð er, gangur,
þrjú svefnherbergi ( hægt að hafa fjögur
þar sem tvö voru sameinuð í eitt, baðher-
bergi og stórar svalir með útsýni. Bílskúr
er sambyggður milli húsa. 6423
SÍMI 5 900 800
Ólafur B. Blöndal, löggiltur fasteignasali.
LANGHOLTSVEGUR 94
OPIÐ HÚS Í DAG MILLI KL. 15:30-16:30
Glæsilegt, mikið endurnýjað einbýlishús á þessum vinsæla stað. Húsið
stendur á 690 fm lóð sem býður upp á mikla möguleika. Eignin skiptist í
aðalhæð, efri hæð og séríbúð á jarðhæð sem er í útleigu með góðum
leigutekjum. Glæsileg eign á vinsælum stað þar sem öll þjónusta og
skólar eru í göngufæri. VERÐ: 67.900.000.-
Sveinn Eyland, s. 6-900-820, frá Fasteign.is verður á staðnum.
OPIÐ HÚS
EIÐISTORGI 5 - SELTJ.NESI
Afar falleg og björt 116,4 fm, mikið endurnýjuð glæsiíbúð á 1. hæð í góðu fjöl-
býlislyftuhúsi. Eldhús er mikið endurnýjað. Fallegt útsýni er út á sjóinn til Esj-
unnar og Akrafjallsins. Skjólgóð suðursólverönd að sunnanverðu. Verð 26,9 m.
Guðmundur og Oddbjörg taka á móti gestum í dag,
sunnudag milli kl. 14 og 16.
ÚTGERÐARFYRIRTÆKIÐ
Þormóður rammi-Sæberg hf. er eitt
öflugasta útgerðarfyrirtæki landsins
og burðarás í atvinnulífi í Fjalla-
byggð. Síðastliðið sumar tilkynntu
forsvarsmenn fyrirtækisins að þeir
hefðu skrifað undir samning um
smíði á tveimur nýjum skuttogurum
frá Noregi og er kaup-
verðið um 5 milljarðar
íslenskra króna. Hér er
um að ræða eina af
stærstu fjárfestingum
innlends einkafyr-
irtækis á landsbyggð-
inni í nokkurn tíma.
Markmiðið með kaup-
um skipanna er að
renna traustari stoðum
undir rekstur fyrirtæk-
isins til framtíðar og
mæta auknum kröfum
um hagræðingu, gæði
og framleiðni. Þegar
skipin koma til landsins
á árunum 2008 og 2009 verða þau
með þeim fullkomnustu í íslenska
flotanum. Starfsskilyrði um borð
verða með því besta sem þekkist og
tekjumöguleikar sjómannanna sem
vinna á skipunum aukast. Ákvörð-
unin um kaupin sýnir að mikill styrk-
ur er í þeim fyrirtækjum sem starfa í
sjávarútvegi og hún ber vott um
framsýni og trú á því að mikil tæki-
færi séu hér í greininni til langs tíma.
Í fullkomnum heimi
Þormóður rammi-Sæberg gerir nú
út sex skip og báta, en gert er ráð
fyrir að nýju skipin tvö komi í stað
þriggja af frystitogurum fyrirtæk-
isins sem hafa verið í notkun í á
fjórða áratug. Eins og gefur að skilja
þarf að losa um það fé sem er bundið
í þessum togurum og koma þeim í
sölu. Í fullkomnum heimi væru
gömlu skipin seld fyrir gott verð
skömmu áður en nýju skipin eru af-
hent og þannig væri tryggt að sam-
fella væri í veiðum útgerðarinnar.
Markaður fyrir þessi skip er hins
vegar erfiður og illmögulegt er að
segja til um hvort eða hvenær skipin
seljast. Ef gömlu skipin eru ekki seld
áður en nýju skipin eru afhent þarf
að leggja þeim og það hefur fljótt
mjög slæm áhrif á gæði skipa sem
eru orðin þetta gömul. Ekki er óal-
gengt að það taki 1–2 ár að finna
kaupendur og ef og þegar þau seljast
er sá tími er líður frá kaupum til af-
hendingar oft stuttur. Vegna þess
hve stuttur afhendingartími skip-
anna er ef þau seljast var ákveðið að
segja upp þeim yfirmönnum á tog-
urum fyrirtækisins er hafa allt að sex
mánaða uppsagnarfrest. Í bréfi sem
fylgdi uppsagnarbréfinu var öllum er
sagt var upp boðið starf á hinum nýju
skipum þegar þau koma. Taka verð-
ur fram að það er ekki líklegt að
þessir menn missi vinnunna eftir sex
mánuði þótt ekki sé hægt að fullyrða
neitt um það. Ef eitt skip selst t.d.
má vænta þess að áhöfn á því skipi
verði boðið að starfa á þeim skipum
sem eftir verða.
Þegar og ef …
Þó að þessum viðskiptum eins og
öllum viðskiptum fylgi ákveðin
áhætta fyrir fyrirtækið og óvissa og
breytingar til skamms tíma fyrir
starfsfólk, hefði mátt ætla að ákvörð-
un stjórnenda Þormóðs ramma-
Sæbergs væri öllum þeim er tengjast
atvinnuuppbyggingu í byggðarlaginu
mikið ánægjuefni, og að allir legðust
á eitt um að létta fyrirtækinu og
starfsfólki þess róðurinn. Það kom
því nokkuð á óvart þegar Kristján L.
Möller, þingmaður Samfylking-
arinnar, hóf að tjá sig um málefni
fyrirtækisins í fjölmiðlum í und-
arlegum véfréttastíl nú í janúar. Í
viðtali við Stöð 2 lýsir þingmaðurinn
stöðu mála og kýs að fjalla þar um
uppsagnir yfirmannanna eins og
hann hafi aldrei heyrt á það minnst
að fyrirtækið sé að bæta skipakost
sinn og takast á við ákveðið millibils-
ástand. Hann dregur upp eins dökka
mynd og hægt er og gefur sér nokk-
uð frjálslega hver framvindan á eftir
að verða. Um leið ýtir hann undir
ólgu og óvissu fólks í byggðarlaginu.
„Þetta er mjög mikið áfall,“ sagði
Kristján „Ég hef heyrt að þetta séu
hundrað og upp í hundrað og fimmtíu
sjómenn sem þarna eru að missa
vinnuna þegar og ef undirmönnunum
verður sagt upp líka, þá er þetta
gríðarlegt áfall.“
Þingmaðurinn kýs jafnframt að
gera ákvörðun um sölu
skipanna tortryggilega
og gefur í skyn að út-
gerðin sé að selja skipin
til þess að losna undan
þeim tilkostnaði sem
fylgi því að gera þau út
og ætli sér að hagnast á
því að leigja út kvóta
skipanna og hafa af því
tekjur, fyrirkomulag
sem þingmaðurinn kall-
ar „töskuútgerð“. Í við-
tali við fréttamann Rík-
isútvarpsins sagði
hann: „Það er auðvitað
mjög alvarlegt mál ef
ekki verður sótt á sjóinn til að sækja
það að skapa vinnu og verðmæti og
allt það sem hefur verið gert hingað
til – þá er það mjög alvarlegt mál.“
Þetta eru undarlegar aðdróttanir í
ljósi þess að það fyrirtæki sem á í
hlut er að fara út í mikla fjárfestingu
á skipum og er því tæpast að fara að
stunda „töskuútgerð“.
Aðhald í stað aðdróttana
Sú atburðarás sem hér hefur verið
rakin er því miður ekki einsdæmi úr
íslenskum sjávarútvegi. Þeir sem
starfa í þeirri atvinnugrein þekkja
það því miður of vel að þurfa að verja
athafnir og frumkvæði gegn aðdrótt-
unum af ýmsum toga, sem oftar en
ekki byggjast á stöðnuðum við-
horfum um hvert eigi að vera hlut-
verk sjávarútvegsins. Það má spyrja
sig að því hvort ekki sé kominn tími
til að þessum árásum linni og að
þeim sem starfa í greininn sé gefinn
bærilegur vinnufriður.
Þar með er ekki sagt að bæði
stjórnmálamenn, og sem flestir aðr-
ir, eigi ekki að veita mikilvægri at-
vinnugrein eins og sjávarútveginum
aðhald og ekkert er að því að menn
spyrji spurninga og leiti upplýsinga.
Til þingmanna hljóta þó að vera
gerðar þær kröfur að spurt sé áður
en menn gefi sér svör og aðhaldið sé
ekki í formi aðdróttana sem geta
skaðað bæði fyrirtækin sem fyrir
verða og þá einstaklinga sem hlut
eiga að máli.
Lítið gert úr góðri þróun
Vilhjálmur Jens Árnason
fjallar um málefni Þormóðs
ramma- Sæbergs hf.
» Til þingmanna hljótaað vera gerðar þær
kröfur að spurt sé áður
en menn gefi sér svör og
aðhaldið sé ekki í formi
aðdróttana sem geta
skaðað bæði fyrirtækin
sem fyrir verða og þá
einstaklinga sem hlut
eiga að máli.
Vilhjálmur Jens
Árnason
Höfundur er aðstoðarfram-
kvæmdastjóri LÍÚ.