Morgunblaðið - 04.02.2007, Blaðsíða 46

Laugavegi 170, 2. hæð.
Opið virka daga kl. 8-17.
Sími 552 1400 ● Fax 552 1405
www.fold.is ● fold@fold.is
Þjónustusími eftir lokun er 694 1401.
Atvinnuhúsnæði
Höfum verið beðnir um að útvega skifstofu og
iðnaðarhúsnæði með eða án leigusamninga.
Ýmsar stærðir og staðsetningar koma til greina.
Staðgreisla fyrir réttu eignirnar.
1
Upplýsingar hjá Fold í síma 552 1400 og 694 1401
utan skrifstofutíma.
46 SUNNUDAGUR 4. FEBRÚAR 2007 MORGUNBLAÐIÐ
UMRÆÐAN
Höfum verið beðin um að finna fyrir fjársterkan viðskiptavin okkar,
1.200–1.500 fm skrifstofuhúsnæði á höfuðborgarsvæðinu til kaups. Heil
húseign eða ein til tvær hæðir koma til greina. Upplýsingar gefur Helgi Jón,
sölustjóri s. 893-2233.
Bæjarhrauni 10 • Hafnarfirði • Sími 520 7500 • www.hraunhamar.is
Skrifstofuhúsnæði óskast
1.200 - 1.500 fm
Í einkasölu glæsileg og nýuppgerð 2ja-3ja herb. íb. á jh. í þríbýli
með sérbakinngangi, á þessum vinsæla stað. Hús, þak og þakkant-
ur var tekið í gegn að utan og málað f. 2 árum. Endurnýjað eldhús
m. beykiinnréttingu og háfi, björt og góð borðstofa og stofa, hjóna-
herb. m. góðum skápum, barnaherbergi, flísalagt baðherbergi.
Parket og vandaðar flísar á gólfum. Stór sam. geymsla í risi. Góður
bakgarður. Ásett verð 19,9 millj. VERIÐ VELKOMIN.
RÁNARGATA 14 - JARÐHÆÐ
OPIÐ HÚS Í DAG KL. 15-18
FASTEIGNA
MARKAÐURINN
ÓÐINSGÖTU 4, SÍMI 570 4500, FAX 570 4505. OPIÐ VIRKA DAGA KL. 9–17.
Netfang: fastmark@fastmark.is - Heimasíða: http://www.fastmark.is/
Jón Guðmundsson, sölustjóri og lögg. fasteignasali.
Hér er um að ræða u.þ.b. 230
fm sérbýli sem hefur verið
mjög mikið endurnýjað ný-
lega auk 50% hlutdeildar í
hesthúsi, hlöðu og útihúsum
á þessum afar fallega stað við Leirvogsá í Mosfellsdal. Frábær
aðstaða er til hestaiðkunar á staðnum og afar fallegar reiðleiðir
allt í kring. Íbúðarhúsið er í mjög góðu ástandi bæði að utan sem
innan og m.a. hefur húsið allt verið klætt nýlega auk þess sem
skipt hefur verið um gler, glugga, raflagnir og töflu o.fl.
Nánari upplýsingar veittar á skrifstofu.
Skeggjastaðir - Mosfellsdal
ÞAÐ mun vera leitun á byggðu
bóli á Íslandi, þar sem mannanna
verk eru jafnólundarlega upp á
kant við sköpunarverk náttúrunnar
og Mosfellsbær. Það þarf ekki að
príla hátt í hlíðar Helgafells til að
skynja búsæld Reykja- og Mos-
fellsdals. Þar hefur verið víða gott
undir bú. Varmá og Leirvogsá lið-
ast um blómlegt undirlendið. Út-
sýnið er fagurt og fjallasýn háleit.
Við erum hérna á fornum söguslóð-
um.
Í samanburði við þetta sköp-
unarverk náttúrunnar verður að
játa, í nafni sannleikans, að mönn-
unum hafa verið mislagðar hendur
við að reisa sín mannvirki í sátt við
umhverfið. Þjóðvegurinn – Vest-
urlandsvegur – klýfur byggðarlagið
í tvennt. Út um bílrúðuna blasir
við vegfaranda kjarni vaxandi bæj-
arfélags: Kentucky Fried Chicken,
Esso-bensínstöð (með samráði) og
amrísk vídeóspóluleiga. Hraklegra
getur það varla verið. Þetta er eins
og sýnishorn um sjónmengun.
Hvaða mannvitsbrekkur voru það,
sem hugkvæmdist að hrinda hug-
myndum sínum um mannlegt sam-
félag í framkvæmd með þessum
hætti? Amrísk bílaborg þar sem þú
fyllir tankinn og hámar í þig rusl-
fæðið inn um bílgluggann og pikk-
ar upp innantóma afþreyingarspólu
um leið og þú forðar þér burt af
staðnum. Er þetta ekki síðbúin
hrollvekja um Mr. Skallagrímsson
in the deep south?
Úr því að svona slysalega hefur
til tekist um meintan hjartastað
byggðarlagsins ber þeim mun
brýnni nauðsyn til að varðveita hið
fagra og smáa sem leynist þó í
þessum dal úr alfaraleið. Það er
Álafosskvosin á bökkum Varmár.
Þar er að finna lítið þorp sem er
upprunalegt og ekta. Mannabyggð
sem reis einhvern veginn í réttum
hlutföllum og í sátt við umhverfið.
Þar er að finna minnismerki um
iðnsögu Íslendinga, sem Samtök
iðnaðarins ættu reyndar að sjá
sóma sinn í að viðhalda og varð-
veita. Allt reis þetta á bökkum
Varmár, sem var aflvaki iðjuverks-
ins og er nú á náttúruminjaskrá
frá upptöku til ósa. Þetta er eini
staðurinn í Mosfellsbæ sem útlend-
ir ferðalangar leggja leið sína á sér
til yndisauka. Og til þess að kom-
ast í námunda við sjálfa Sigur Rós,
sem gert hefur garðinn frægan í
leit að kyrrð og ró. Er til of mikils
mælst að þessi litla perla verði
a.m.k. látin í friði af þeim eyðing-
aröflum sem hafa breytt Mos-
fellsbæ í amríska hraðbraut-
arbúllu? Er það virkilega til of
mikils mælst?
Það eru engin rök í þessu máli,
að vitlausar tillögur um að eyði-
leggja þetta um-
hverfi hafi verið á
dagskrá bæj-
arstjórnar Mosfells-
bæjar í aldarfjórð-
ung. Þeim mun
lengri tíma hafa
menn haft til að
hugleiða mistökin og
forðast slysin. Þeir
sem vilja koma
Helgafellslandinu í
verð geta að sönnu
gert það, án þess að
þurfa endilega að
eyðileggja söguminj-
ar og náttúruperlur í leiðinni. Það
eru alltaf til aðrar leiðir, þótt þær
kunni að vera ögn dýrari í fram-
kvæmd. Vandinn er ekki tækni-
legur. Vandinn er siðferðilegur.
Vandinn felst í því að þeir sem
taka völd sín sem sjálfgefin og
telja sig yfir það hafna að hlusta á
venjulegt fólk, sem lætur sér annt
um umhverfi sitt, geta ekki við-
urkennt mistök sín. Valdstjórn,
valdhroki, valdníðsla, það er þessi
hvimleiði sjúkdómur, sem herjar á
bæjarstjórnarmeirihluta Sjálfstæð-
isflokksins í Mosfellsbæ, og bitnar
nú á því fólki, sem vill koma fyrir
hann vitinu og forða slysum, sem
ekki verða afturkölluð. Valdbeit-
ingin í þessu máli er ekki bara sið-
laus, hún er líka löglaus. Fyrrver-
andi meðlimur í Bandalagi
jafnaðarmanna á tíð Vilmundar
heitins Gylfasonar, eins og Ragn-
heiður Ríkharðsdóttir bæjarstjóri
er, ætti að kannast við þau orð og
breyta eftir þeim. Og bæjarfulltrúi
Vinstri grænna, Karl Tómasson,
sem um daginn faldi sig á bak við
gardínur, þegar konur í Varmárs-
amtökunum stöðvuðu ofbeldið, ætti
að manna sig upp í að standa við
sannfæringu sína og samflokks-
manna sinna. Það er spurning um
trúverðugleika.
Um hroka og heigulshátt
Bryndís Schram og Jón Baldvin
Hannibalsson skrifa um
skipulagsmál í Mosfellsbæ
»Er til of mikils mælstað þessi litla perla
verði a.m.k. látin í friði
af þeim eyðingaröflum,
sem hafa breytt Mos-
fellsbæ í amríska hrað-
brautarbúllu?
Bryndís
Schram
Höfundar eru nýbúar í Mosfellsbæ.
Jón Baldvin
Hannibalsson
MORGUNBLAÐIÐ hefur í leið-
urum sínum reynt að stimpla þá
málefnalegu umræðu sem fram fór
á landsþingi Frjáls-
lynda flokksins sem
ógeðfellda. Blaðið er
flokksmálgagn Sjálf-
stæðisflokksins og sér
sem er að Frjálslyndi
flokkurinn er lykillinn
að því að koma rík-
isstjórn kvótaflokk-
anna, Framsóknar- og
Sjálfstæðisflokks, frá
völdum.
Ég hvet lesendur
blaðsins til þess að
kynna sér magnaða
ræðu Guðjóns Arnars
Kristjánssonar á landsþingi
flokksins þar sem farið var yfir
pólitískar áherslur Frjálslyndra,
s.s. um málefni aldraðra, skatta-
mál, okur bankanna og óstjórnina
í sjávarútvegi. Ræðuna má finna á
vef Frjálslynda flokksins,
www.xf.is.
Frjálslyndi flokkurinn hefur
verið í fararbroddi við að ræða
streymi vinnuafls til landsins og
viljað stemma stigu við óheftum
straumi.
Hér er um mikilvægt mál að
ræða. Vinnumálastofnun áætlar að
rúmlega 17 þúsund erlendir rík-
isborgarar hafi starfað hér á landi
á síðasta ári en þessi umræða er
mjög viðkvæm fyrir stjórnvöld
sem sváfu á verðinum og opnuðu
allar gáttir landsins í fyrravor.
Meðal þess sem nefnt hefur ver-
ið til sögunnar sem vafasamt og
jafnvel ógeðfellt í málflutningi
Frjálslyndra eru þau orð formanns
flokksins á landsþingi að heilbrigð-
isyfirvöld þurfi að vera á varð-
bergi gagnvart smitsjúkdómum
eins og berklum. Það
virðist ekki mega
nefna þá staðreynd þó
svo að í lögum nr. 97/
2002, um atvinnurétt-
indi útlendinga, segi
berum orðum að eitt
af skilyrðum þess að
útlendingum verði
veitt atvinnuleyfi sé
að lagt hafi verið fram
fullnægjandi heil-
brigðisvottorð.
Í reglugerð nr. 558/
2004 sem varðar
skýrslugerð vegna
smitsjúkdóma eru berklar einmitt
nefndir til sögunnar sem sjúkdóm-
ur sem skal tilkynna til sótt-
varnalæknis án tafar.
Berklar hafa verið vaxandi
vandamál í fátækustu ríkjum Evr-
ópu og greindi Guðjón Magnússon,
framkvæmdastjóri hjá Evr-
ópuskrifstofu Alþjóðaheilbrigð-
ismálastofnunarinnar (WHO), frá
því síðasta haust að í fátækustu
löndum álfunnar breiddist sjúk-
dómurinn út með hraði.
Einnig hefur framkvæmdastjóri
Alþjóðaheilbrigðismálastofnunar-
innar bent á að meiri fólksflutn-
ingar landa á milli geri það líka að
verkum að við Íslendingar verðum
að vera á varðbergi gagnvart sjúk-
dómum á borð við berkla.
Þetta sjónarmið kemur einnig
fram í ágætri grein Helga Hróð-
marssonar læknis í nýjasta riti
SÍBS þar sem landsmenn eru
hvattir til þess að halda vöku sinni
gagnvart aukinni smithættu hér á
landi vegna aukinna ferðalaga og
innflutnings útlendinga til Íslands.
Í greininni kemur fram að 10 þús-
und innflytjendur hérlendis hafi
berklabakteríuna í sér og eru þá
settir í fyrirbyggjandi meðferð.
Það er athyglisvert að þegar
formaður Frjálslynda flokksins
tekur undir varnaðarorð Helga
Hróðmarssonar læknis og nafna
síns hjá Alþjóðaheilbrigð-
ismálastofnuninni er það notað í
umræðunni sem staðfesting á
meintu útlendingahatri Frjáls-
lynda flokksins.
Ég vonast til þess að sjálfskip-
aðir varðhundar umræðunnar í
samfélaginu taki sig taki og slaki á
fordómum í garð málefnalegrar
umræðu Frjálslynda flokksins um
innflutning erlends vinnuafls.
Útlendingar, fólksflutningar
og smitsjúkdómar
Sigurjón Þórðarson fjallar um
innflutning erlends vinnuafls í
tilefni af leiðaraskrifum Morg-
unblaðsins
»Ég vonast til þess aðsjálfskipaðir varð-
hundar umræðunnar í
samfélaginu taki sig taki
og slaki á fordómum í
garð málefnalegrar um-
ræðu Frjálslynda
flokksins um innflutning
erlends vinnuafls.
Sigurjón Þórðarson
Höfundur er þingmaður
Frjálslynda flokksins.