Morgunblaðið - 06.05.2007, Page 74

74 SUNNUDAGUR 6. MAÍ 2007 MORGUNBLAÐIÐ
UMRÆÐAN
Sverrir Kristinsson, löggiltur fasteignasali
FRAMNESVEGUR 34 2.H.
Mikið endurnýjuð og glæsileg 3ja herb. íbúð
á 2. hæð á eftirsóttum stað í Vesturbæn-
um. Íbúðin skiptist þannig: Stofa, herbergi,
svefnherbergi, eldhús, baðherbergi og hol.
Sameiginlegt þvottahús og sér geymsla eru
í kjallara.V. 18,9 m. 6597
EIGNIN VERÐUR TIL SÝNIS Í DAG
(SUNNUDAG) FRÁ KL. 14-16.
ÁLFTAMÝRI - NÝLEGA MÁLUÐ BLOKK
Góð 59,5 fm tveggja herbergja íbúð á 2.
hæð í nýlega viðgerðu húsi. Íbúðin er snyrti-
leg og skiptist í eitt herbergi, stofu, eldhús
og bað. Geymsla er í kjallara. V. 15,5 m.
6599
RAUÐALÆKUR - RÚMGÓÐ 4RA
Rúmgóð og ágætlega skipulögð 113,4 fm
kjallaraíbúð á góðum og rólegum stað.
Íbúðin skiptist í tvö svefnherbergi, tvær
stofur, eldhús, geymslu og baðherbergi.
V. 21,0 m. 6600
VESTURGATA - SKRIFSTOFUR OG ÍBÚÐ
Glæsilegt atvinnuhúsnæði auk íbúðar á 2.
hæð sem áður hýsti vesturbæjarútibú
Kaupþingsbanka. Húsnæðið er á þremur
hæðum, kjallar, jarðhæð og2. hæð. Kjallar-
inn er í dag innréttaður sem tvær skjala-
geymslur með miklum öryggishurðum og
eru þar einnig geymsla undir stiga og inn-
taksrými. Jarðhæðin er verslunarrýmið eða
þar sem afgreiðsla var og skiptist í tvær lok-
aðar skrifstofur, opið vinnurými, snyrtingu
og skjalaskáp. Á 2. hæðinni er starfsmannaeldhús og tveggja herbergja íbúð sem skipt-
ist í herbergi, bað og stúdíóstofu með eldhúsi. Tvennar svalir eru á 2. hæðinni, aðrar til
suðurs og hinar til norðurs. 6598
SAFAMÝRI - GÓÐ STAÐSETNING
Mjög góð 3-4 herbergja íbúð í kjallara (lítið
niðurgrafin) í þríbýlishúsi við Safamýri. Íbúð-
in skiptist þannig: Stofa, borðstofa, 2 svefn-
herbergi, eldhús, baðherbergi og hol. Íbúð-
in er með sérinngangi og geymsla er inn af
anddyri. Sameiginlegt þvottahús. Áhv. 17,8
millj. frá Glitni. V. 23,3 m. 6596
GRASARIMI - GÓÐ EIGN
Um er að ræða 155,4 fm einbýlishús með
20,7 fm innbyggðum bílskúr. Eignin skiptist
í forstofu, 3 svefnherbergi, baðherbergi,
gestasnyrtingu, stofu, borðstofu, sjónvarps-
hol, eldhús og þvottahús. Garður við húsið
er sérstaklega skemmtilegur og góður.
Stórglæsileg timburverönd með tengi fyrir
heitann pott. Bílskúr er fullbúinn og góður. V. 46,5 m. 6578
HEIÐARGERÐI
Fallegt tvílyft einbýlishús ásamt bílskúr á
mjög rólegum og góðum stað, innst inni í
lokuðum botnlanga. Á neðri hæðinni er for-
stofa, 2 saml. stofur, herbergi, eldhús,
baðh. og þvh. Á efri hæð eru 3 herb., o.fl.
6564
ÁLFHÓLSVEGUR - FALLEGT ÚTSÝNI
3ja herbergja björt og falleg íbúð á góðum
stað í Kópavogi. Eignin skiptist í hol, stofu,
eldhús, baðherbergi, þvottaherbergi og tvö
svefnherbergi. Mjög góð sérgeymsla
fylgir í kjallara. V. 19,5 m. 6572
LAUFÁSVEGUR - GLÆSILEG ÍBÚÐ
Um er að ræða glæsilega 86,6 fm 2ja her-
bergja endaíbúð við Laufásveg í Reykjavík.
Eignin er í húsi sem var áður iðnaðarhús-
næði og var endurnýjað og gert úr íbúðir
fyrir um tveimur árum síðan. Eignin skiptist í
forstofu, stofu, borðstofu, eldhús, þvotta-
herbergi, geymslu, baðherbergi, svefnher-
bergi, fataherbergi. Eigninni fylgir einnig sér-
bílastæði alveg við inngang. Sömuleiðis er
sameiginleg geymsla á jarðhæð. V. 23,5 m.
6567
HÁTÚN - LYFTUBLOKK
Góð 54,7 fm tveggja herbergja íbúð í vin-
sælu lyftuhúsi nálægt miðbænum. Íbúðin
skiptist í stofur, herbergi, baðherbergi og
eldhús. Svalir eru í suður og mikið útsýni í
austur úr stofunni og af svölum. V. 15,9 m.
6602
OPIÐ HÚS Í DAG
NOKKUR gagnrýni hefur verið
á almannatryggingakerfi ríkisins
og einnig á Tryggingastofnun rík-
isins.
Menn hafa fundið
kerfinu og jafnvel
stofnuninni sjálfri
margt til foráttu.
Meðal annars að
kerfið sé óskilvirkt
og jafnvel óskilj-
anlegt öllu venju-
legu fólki. Rekst þar hvað á ann-
ars horn – reglur, reglugerðir og
lög.
Almannatryggingakerfið, sem
byggt var upp af fólki með hug-
sjón jafnaðarmanna að leiðarljósi –
það sem átti að aðstoða þá verst
settu í þjóðfélaginu – er orðið
óskiljanlegt reglufargan. Fólk
treystir ekki almannatrygging-
unum lengur og ber ekki virðingu
fyrir því.
En menn vita líka að það er
ekki vegna óvilja starfsmanna
Tryggingastofnunarinnar heldur
reglufargansins.
Flókið og illskiljanlegt
Ástæðan er auðvitað sú að
tryggingakerfið er orðið stagbætt
af alls konar reglum og reglugerð-
um, af lögum á önnur lög og
reglugerðir og reglur á reglur of-
an.
Sumir hópar fá bætur, sem telja
má sjálfsagðar í nútíma þjóðfélagi,
en aðrir, sem ættu ekki síður rétt
á stuðningi, fá þær ekki.
Ástæðan er sú að skort hefur á
yfirsýn af hálfu stjórnarflokkanna
á Alþingi við laga- og reglugerða-
smíðina.
Heildstæðar endurbætur á
tryggingakerfinu hafa ekki verið
gerðar í tíð þessarar ríkisstjórnar,
sem hefur lappað upp á kerfið
endalaust án þess að taka það til
nauðsynlegrar og heildstæðrar
endurskoðunar.
Manni finnst stundum að vísvit-
andi sé verið að láta það drabbast
niður.
Nei – maður má nú ekki hugsa
svo illa til ríkisstjórnarflokkanna –
en þó – maður getur varla annað.
Þegar R-listinn tók við stjórn
Reykjavíkurborgar 1994 var ein-
mitt þannig umhorfs hjá félags-
málastofnun borgarinnar. Reglur
um aðstoð við illa statt fólk voru
flóknar og illskiljanlegar almenn-
ingi og jafnvel starfsmönnunum
sjálfum.
Fólk sem átti þó rétt á ein-
hverjum bótum fékk þær jafnvel
ekki nema með höppum og glöpp-
um. Ekki var það vegna óvilja
starfsmanna heldur vegna reglu-
fargansins.
Undir stjórn Ingibjargar Sól-
rúnar Gísladóttur borgarstjóra var
bætt hér úr. Hún, ásamt formanni
félagsmálanefndar og félagsmála-
stjóra, gekk í að endurskoða kerf-
ið frá grunni.
Allar vinnureglur urðu skýrar
og skiljanlegar, líka því fólki, sem
átti að njóta þjónustunnar.
Þetta var miklu stærra fram-
faraspor en margan grunar.
En nú þarf að taka til í al-
mannatryggingakerfinu líka.
Breyta reglugerðum og reglum,
gera þær auðskiljanlegar venju-
legu fólki, þannig að það geti sótt
rétt sinn auðveldar en áður.
Og hverjum treysta kjósendur
til að gera slíkt.
Ingibjörg Sólrún Gísladóttir hef-
ur áður tekið til og lagfært reglu-
fargan. Henni er treystandi til að
beita sér fyrir bráðnauðsynlegum
úrbótum, sem gera þarf strax.
Mikil þörf er á að lagfæra reglur
almannatryggingakerfisins
Eftir Pétur Jónsson
Höfundur er fyrrverandi borg-
arfulltrúi.
LANDBÚNAÐUR hefur í gegnum tíðina gegnt mikilvægu hlutverki í
stöðu landsbyggðarinnar og svo er enn. Í Norðausturkjördæmi höfum við
þverskurð af íslenskum landbúnaði, blöndu af flestum búgreinum, allt frá
stærri búum til hinna smærri. Sjálfstæðisflokkurinn hefur alltaf undir-
strikað mikilvægi landbúnaðar fyrir atvinnulíf og byggð í landinu og við
höfum lagt áherslu á fjölbreytileikann og frelsi þessarar greinar sem ann-
arra til athafna og sköpunar. Landbúnaðurinn er í mínum
huga samofinn þeirri mynd sem við viljum á hverjum tíma
sjá – þjóðfélag velsældar og menningar.
Sjálfstæðisflokkurinn hefur í stjórnartíð sinni að und-
anförnu sýnt í verki stefnu sína í landbúnaðarmálum. Við
höfum skapað greininni frelsi til athafna og fyrir vikið
sjáum við víða mikinn sprengikraft og bjartsýni. Það er
ekki óeðlilegt að landbúnaðurinn þróist í líkum skrefum hér
á landi sem annars staðar, þ.e. að búin stækki og þeim fækki
en um leið þarf að gæta að því að landbúnaðurinn fái svigrúm til umbreyt-
inga og framþróunar. Í þeim anda stóð Sjálfstæðisflokkurinn að nýgerðum
samningi við sauðfjárbændur, einmitt með það að markmiði að hjálpa
greininni til að eflast. Margt óábyrgt hefur verið sagt um þann samning en
í mínum huga sýnir samningurinn sameiginlegan skilning stjórnvalda og
forystu bænda á leiðum til að skapa landbúnaðinum stöðugleika, nýsköpun
og þróun. Kjarninn í starfi Sjálfstæðisflokksins að landbúnaðarmálum hef-
ur enda alltaf verið sá að vinna með bændum, með þeirra hagsmuni að leið-
arljósi. Það vinnulag sé ég hins vegar ekki birtast í stefnu sumra annarra
flokka og til að mynda er ekki annað að lesa úr stefnu Samfylkingarinnar
en sá flokkur boði bændum upplausnarástand, en frambjóðendur flokksins
boða nú a.m.k. tvær stefnur. Varla vill nokkur maður búa við slíka óvissu.
Sjálfstæðisflokkurinn leggur áherslu á sérstöðu íslensks landbúnaðar,
sem felst m.a. í því að framleiða matvæli í ómengaðri náttúru, þar sem
gerðar eru ýtrustu kröfur um sjálfbæra og heilbrigða framleiðsluhætti,
hollustu og gæðaeftirlit. Matvælaöryggi landsins sé ávallt tryggt, því það
er grundvallaratriði fyrir sjálfstæða þjóð að hún geti brauðfætt sig sjálf.
Við viljum stuðla að áframhaldandi þróun landbúnaðarins, sem byggist á
frelsi til athafna, hugviti og framsýni einstaklinga um allt land. Við boðum
breytingar í ýmsum hagsmunamálum bænda, svo sem afnám fóðurtolla
strax, einföldun á stjórnsýslu landbúnaðarmála og að spyrnt verði gegn út-
þenslu eftirlitsiðnaðarins. Allt mun þetta skila greininni sterkari og hæfari
til að halda áfram þeirri framþróun sem við höfum séð á undanförnum ár-
um.
Með hagsmuni íslenskra
bænda að leiðarljósi
Eftir Arnbjörgu Sveinsdóttur
Höfundur er alþingismaður, formaður þingflokks Sjálfstæðisflokksins og skipar 2.
sæti á lista Sjálfstæðisflokksins í Norðausturkjördæmi
Fréttir á SMS