Morgunblaðið - 06.05.2007, Síða 90

Sem dæmi, vissuð þið
að Britney Spears rak-
aði af sér allt hárið? Hvernig
veit ég þetta? Og af hverju
veit ég þetta …? 95
»
reykjavíkreykjavík
É
g held að ég muni svei mér þá
ekki eftir kurteisari viðmælanda
en Groban. Það er ekki á hverj-
um degi sem stórstjarna þakkar
einhverjum aumingja frá Íslandi
fyrir það að vilja tala við sig. Hlýir straumar
flæddu um símalínuna sem lá alla leið til Los
Angeles þar sem Groban býr. Það er við hæfi
að maðurinn búi í Borg englanna enda er
Groban sem engill í mannsmynd í huga
margra. Groban hefur heillað mannkyn allt
með styrkri en flauelsmjúkri barítónrödd sinni
og á að baki þrjár hljómskífur, en sú síðasta,
Awake, kom út í nóvember síðastliðnum.
Blanda hans af poppi og klassík hefur hitt
milljónir í hjartastað og fyrir löngu tímabært
að litla stórþjóðin fái að njóta þessara töfra.
Draumur
Heyrðu, það bara seldist upp á fjórum mín-
útum á fyrstu tónleikana þína!?
„Já! (hlær), það var mjög gaman að frétta af
því.“
Hefur þú heyrt eitthvað um litlu eyjuna okk-
ar?
„(Hlær) já… upptökustjórinn minn, Marius
De Vries (Björk, Massive Attack, Madonna,
Rufus Wainwright) hefur sagt mér ýmislegt
og það var allt saman gott.“ Já! Ertu að vinna
með honum?
„Já, hann vann fjögur lög með mér á nýju
plötunni. Ég hef verið aðdáandi hans og Bjark-
ar í mörg ár og það var frábært að fá tækifæri
til að vinna með honum.“
Það mætti segja að ferill þinn væri búinn að
vera sannkölluð rússíbanareið …
„Já, svona sannarlega (hlær). Þegar maður
horfir um öxl virðist þetta ótrúlegt. Allt hefur
gerst svo hratt, líkt og um stormsveip væri að
ræða. Ég er í smáfríi núna, við vorum að klára
Bandaríkjaferð en samt getum við ekki beðið
eftir því að komast á túr aftur. Maður veit
varla hvað maður á að gera annars – þetta er
búin að vera fimm ára stanslaus vinna til
þessa.“
Ertu sem sagt hissa yfir velgengninni?
„(Hlær. Groban er í góðu skapi auðheyri-
lega) … já, ég er það. En ég vona að ég hætti
því ekki og fari að taka hlutunum sem sjálf-
sögðum. Ég vil vera jafnhissa eftir þrjátíu ár,
þ.e.a.s ef ég verð svo heppinn að vera enn
syngjandi. Ég vona að Guð gefi að ég haldi
góðri heilsu og geti sinnt listinni áfram af auð-
mýkt. Mér finnst stundum eins og ég hafi unn-
ið í lottóinu þegar ég skyggnist inn í sjálfan
mig og ég er virkilega þakklátur fyrir öll þessi
tækifæri sem ég hef fengið.“
Já, maður hefði haldið að það myndi taka
ögn lengri tíma að komast í þá stöðu sem þú
ert í, seljandi plötur í bílförmum út um allan
heim …
„Já, ég hélt það líka. Heimur poppstjörn-
unnar er óralangt í burtu þegar maður er
krakki, eiginlega óraunverulegur. Ég elska að
leika og hóf leikferil þar sem mér fannst það
liggja betur fyrir mér. Fannst það raunhæfara
en það sem ég hef að aðalstarfa í dag. Þannig
að þetta er alger draumur sem ég er að upplifa
núna.“
Vill vinna með Björk
Nú hefur þessi splæsing popps og klassíkur
verið harðlega gagnrýnd af málsmetandi fólki
úr báðum fylkingum gegnum tíðina. Margir
vilja kalla þetta tóma froðu. Hvernig svarar þú
svona fólki?
„Tónlist er þannig að það er hægt að vinna
hana vel eða illa. Alveg sama hvaða und-
irstefnur eða geirar eiga í hlut. Hvað varðar
þessa splæsingu þá er það eitthvað sem ég hef
alltaf haft áhuga á. Ég er t.d. hrifinn af leik-
húsi því þar er hægt að sameina svo margt. Ég
lít ekki á tónlist mína sem „klassíska“, ég
myndi kalla þetta popp með klassískum blæ-
brigðum. Þetta snýst meira um að víkka út
popphugtakið en að búa til einhvern ódýran,
klassískan undirflokk.“
Þú hefur gefið út þrjár hljóðversplötur.
Hvað getur þú sagt mér um listamannsþróun
þína í gegnum þessar plötur?
„Tja … sjálfsöryggið er orðið meira. Röddin
er líka betri. Svo er ég farinn að semja sjálfur,
og það finnst mér mjög mikilvægt. Þá er ég
farinn að vinna með fólki sem kemur úr allt
öðrum áttum en ég og ég er farinn að taka
meiri áhættu, myndi ég segja. Fyrsta platan
var auðvitað mjög „seif“ en þegar fram í sækir
þarftu að geta komið sjálfum þér og aðdáend-
unum á óvart.“
Hvernig gengur þér að höndla frægðina?
Getur þú gengið um stræti og torg LA, óhult-
ur?
„Ég get reyndar spígsporað hér um í
friði ... þú verður að athuga að ég bý í LA. Það
er öllum skítsama (skellihlær). Sumt af þessu
fræga fólki talar um að það þoli ekki að aðdá-
endur gangi að því á veitingahúsum og vilji fá
að taka í höndina á því eða eitthvað slíkt. Þetta
skil ég ekki. Ef einhver gengi til mín og segði
að hann elskaði tónlistina mína þá væri þetta
orðið þess virði.“
Hverjar eru svo framtíðaráætlanirnar?
„Vonandi get ég búið til fleiri plötur og mig
langar til að kanna betur hvað er hægt að gera
við þetta form. Ég er farinn að færa mig meira
yfir í upptökustjórnun og spilaði þá bæði á pí-
anó og trommur á síðustu plötu. Ég hef fullan
hug á að rækta þessa hluti áfram á næstu plöt-
um. Svo væri gaman að fá að leika eitthvað. Og
vinna með Björk. Það væri frábært. Þá væri líf
mitt fullkomnað!“
Líkt og auðmjúkur engill
Vinsældir söngvarans Josh Grobans eru miklar um þessar mundir og miðar á væntanlega tónleika hans í Laugardalshöll flugu
út. Arnar Eggert Thoroddsen ræddi við manninn og kiknaði í hnjáliðunum. Svona næstum því.
Hjartaknúsari Groban á greinilega marga
aðdáendur hér á landi ef marka má miðasölu
á tónleikana sem fram fara í næstu viku.
Reuters
Samvinna Groban ásamt kanadísku söngkonunni Sarah McLachlan á tónleikum í Hollywood í október í fyrra.
Tónleikar Josh Groban fara fram í Laug-
ardalshöll 15. og 16. maí. Enn eru til miðar á
fyrri tónleikana.