Náttúrufræðingurinn - 1993, Blaðsíða 9

selir. Flestir telja að betur
hafi farið en á horfðist,
einkum varðandi himbrima.
Toppskarfsstofninn galt samt
at'hroð, enda drapst allt að
helmingur þeirra fugla sem
verpa á þessum slóðum. Það
sýnir að olíuslys geta haft
uggvænlegar afleiðingar á
takmörkuðu svæði, þótt áhril'
séu lítil fyrir stofna í heild.
Olíumengun á landi
Talið er að um 40-45 knr
lands hafi mengast í upphafi
en um mánuði síðar töldu
yfirvöld óhætt að leyfa aftur
beit á 30-35 km2 af bit-
högunum. Talið er að um
23.000 fjár, sem annars hefðu
verið í sínum venjulegum
högum, hafi verið flutt til og
fóðruð sérstaklega. Þessar
ráðstafanir urðu nokkru
viðameiri en ella vegna þess
að komið var nærri sauð-
burði, sem hefst í mars á
Hjaltlandi. Að auki voru um
460 kýr og 100 hross fóðruð
sérstaklega.
EFNAHAGSLEGT TJÓN
Sem fyrr segir eru íbúar
Hjaltlands um 22.500 og lifir
um þriðjungur þeirra af sjávarútvegi,
þ.e. fiskeldi, fiskveiðum og skelfisk-
veiðum. Um 100 fiskiskip nýta miðin
umhverfis eyjarnar og nema árlegar
tekjur af veiðunum um 23,5 milljónum
sterlingspunda. Við strendur Hjaltlands
er talsvert fiskeldi, eða 55 stöðvar (6.
mynd). Arlegar tekjur af fiskeldis-
afurðum eru um 35 milljónir sterlings-
punda. Talið er að árlegar tekjur al'
sjávarfangi séu þrefalt meiri en saman-
lagðar tekjur af ferðamönnum, land-
búnaði og ullariðnaði.
6. mynd. Fiskeldisstöðvar á Hjaltlandi.
Bannsvæðið er skyggt (úr skýrslu Marine
Laboratory, Aberdeen, 1993).
Slysið hefur haft veruleg áhrif á allt
atvinnulíf Hjaltlendinga. Stórar versl-
unarkeðjur á Bretlandi lýstu því yfir
fljótlega eftir óhappið að þær mundu
ekki kaupa eldisfisk frá Hjaltlandi.
Yfirvöld á eyjunum brugðust hart við
og bönnuðu sölu afurða frá tilteknu
svæði í grennd við slysstaðinn á
119