Andvari - 01.01.1958, Side 19

ANDVARI
Guðmundur Hannesson prófessor
15
G. H. hafði miklu fleiri og víðtækari áhugamál en Matthías
Jochumsson, sem skiljanlega mat skáldskapinn mest, einkum
1 jóð- og leiklist, en fylgdist einnig með í sagnfræði og heimspeki.
Fyrir séra Matthías var mikill fengur að fá Guðmund Hannes-
son til að tala við, enda kom hann daglega til hans, annaðhvort
heim til hans eða í sjúkrahúsið, þar sem hann ræddi einnig
oft við sjúklingana. Vafalaust hefir séra Matthías orðið var við
það, að G. H. skildi hann betur en flestir aðrir á Akureyri, því
að G. H. var vel heima í skáldskap og bar gott skyn á Ijóða-
gerð. Þótt skaplyndi þessara tveggja manna væri næsta ólíkt,
þar sem skáldið var örgert og uppnæmt, en G. H. rólyndur og
athugull framar öllu öðm, þá tókst með þeim mikil og góð vin-
átta. Matthías hefir fljótt fundið, hvílík náma af fróðleik G. H.
var, ekki aðeins í læknisfræði, heldur og um flesta aðra hluti,
en G. H. hefir fljótt gert sér ljóst, hversu mikið skáld séra
Matthías var, og lært að meta verðleika hans. Steingrímur
Matthíasson, sonur skáldsins, sagði, að það hefði verið Guð-
mundur Hannesson, sem fyrst kenndi Akureyringum að skilja,
hversu merkilegan mann þeir áttu, þar sem séra Matthías var.
Geta má nærri, að margt hafa þessir tveir menn spjallað
saman, og víst er, að ekki voru þeir ávallt sammála. Þótt séra
Matthías væri manna frjálslyndastur í trúmálum og kreddulaus-
astur allra íslenzkra presta á sinni tíð, þá trúði hann þó ein-
læglega á guð. En það gerði G. H. ekki. Hann var of vel að
sér í náttúrufræðum til þess að geta trúað á nokkurn guðdóm-
legan skapara, og einu sinni sagði hann mér, að hann hefði
Engi gengið með þá hugmynd að skrifa bók, sem átti að heita
„Uppreisnin á móti guði”.
í trúarlegum efnurn var því langt á milli séra Matthíasar
og G. H., þótt sjaldan virtist það koma að sök. En einu sinni
tók G. H. sér fyrir hendur að verja Búddhatrú, sem séra Matthías
þekkti vel, og beitti öllum vopnum síns mikla lærdóms til þess
að sýna lionum fram á, að það væri ómögulegt, að nokkur guð
væri til (en það hafði Búddha kennt), að minnsta kosti ekki
2