Andvari - 01.01.1951, Blaðsíða 45

ANDVARI
Stefnt að höfundi Njálu
41
Hrafns í Lundarbrekku eru sagðir að vera. Bæjarnalnið Ljósa-
vatn er ekki nefnt í Ljósvetninga sögu nema sem heimkynni
Þorgeirs Ljósvetningagoða og svo í eftirfarandi setningum: „Gunn-
steinn hét maður er bjó að Ljósavatni Þórðarson. Brandur hét
son hans.“ — „Hverja meðferð viljið þið hafa, því að frændur
vorir vilja allir með Eyjólfi vera nema Hrafn“ — Þorkelsson frá
Ljósavatni." Það er augljóst, að ekkert handahóf veldur því að
höfundur getur Ljósavatns, þegar hann kynnir þá Brand og Hrafn
með Eyrar-Snorra og Vigfús Gunnsteinsson í huga.
Ekki er síður merkileg setningin: „Kona Hrafns var ættuð
úr Goðdölum." Nöfnin Goðdalir og Goðdælir koma fyrir á fjór-
um stöðum í Ljósvetninga sögu og eru notuð til þess að tákna
Skagafjörð og fyrirmenn þar í byggð. Svo sem ráða mátti af frá-
sögninni um sættina í vígsmáli Þorkels háks stendur Sturla
Þórðarson að baki Tjörva Þorgeirssyni í Ljósvetninga sögu. Um
hann segir: „En hálfum mánuði fyrir þing reið Tjörvi í Goðdali,
fyrir því að hann var mægður við H(afur).“ Ásbirningurinn Kálf-
ur Brandsson átti Guðnýju dóttur Sturlu. Eftir orustuna við
Kakalahól sendir Eyjólfur halti „menn til sona Eiðs í Ási í
Borgarfjörð og bauð þeirn fé til liðveizlu og svo Goðdælum.“
Eins og fyrr befur verið sýnt er frásögnin um liðsbón Eyjólfs
halta að mestu sniðin eftir liðsbón Þorvarðs Þórarinssonar fyrir
Þveráreyrabardaga og heitið Goðdælir hér notað í staðinn fyrir
forustumenn Skagfirðinga. Á Hegranesþingi segir Skeggbroddi
við Snæfellingagoðann Gelli: „Þú ert fjölmennur mjög, Gellir,
°g vel vingaður við Goðdæli." Snæfellingahöfðinginn Þorgils
skarði, sem í liðsbónarfrásögninni er fyrirmynd að Gelli, var Ás-
hirningur að móðurkyni og naut mikillar hylli hjá Skagfirðing-
um. Þegar alls þessa er gætt, verður ekki torráðið hvað við er
átt með setningunni: „Kona Llrafns var ættuð úr Goðdölum."
Vigfús Gunnsteinsson var kvæntur Guðnýju dóttur Sturlu Sig-
hvatssonar, en Sturla var Ásbimingur í móðurætt.
Það lá alveg beint við að höfundur minntist kvonfangs Vig-
f úss Gunnsteinssonar um leið og hann kallaði Hrafn í Lundar-