Andvari - 01.01.1951, Qupperneq 67

ANDVARI
Gervinöfn í Ölkofra þætti
63
miðuð við frásagnir, sem finnast í Vopnfirðinga sögu. Af efnis-
valinu má ráða, við hverja höfðingja samtíðar sinnar hugur höf-
undar hefir verið bundinn, er hann samdi samtal Þorkels og
Brodda. Er Þorkell látinn komast þannig að orði: „Þetta er líkast,
að þú hafir það helzt af nafni því, er þú ert eftir heitinn, að
hann vildi hvers manns hlut óhæfan af sér verða láta, og það
annað, að menn þoli eigi, og liggir þú drepinn, er stundir líða“.
Athugasemdin um nöfn Brodda og Brodd-Helga afa hans fær
ef til vill staðizt, en ekki eru þeir þó samnefndir. Hún hæfir
óneitanlega betur Sighvati Hálfdanarsyni og afa hans Sighvati
Sturlusyni, sem drepinn var á Orlygsstöðum, eftir að hafa reynt
ásamt Sturlu syni sínum að þröngva undir sig landinu. Einnig
hæfa Sighvati Sturlusyni betur en Brodd-EIelga orðin: „Hann
vildi hvers manns hlut óhæfan af sér verða láta“. Á hinn bóginn
hallast ekki á, er Broddi segir við Þorkel Geitisson: „En ekki
skal þess dylja, er margir vita, að Brodd-Helgi var veginn. Var
mér og það sagt, að faðir þinn tæki ofarlega til þeirra launanna".
Geitir faðir Þorkels og Sighvatur Sturluson létu báðir lífið af
höfuðhöggi, sitjandi undir garði, er þeir fengu banasárið.
Þegar Þorvarður Þórarinsson fluttist til Eyjafjarðar haustið
1257 og hóf baráttuna um arf Steinvarar Sighvatsdóttur, móður
Sighvats Hálfdanarsonar, var hann höfðingi Vopnfirðinga og
hafði búið á Hofi í Vopnafirði. Er því ofur eðlilegt, að hugsana-
tengsli geri vart við sig hjá höfundi milli minninga um fráfall
Bighvats Sturlusonar og líkra frásagna í Vopnfirðinga sögu. Lá
það þannig mjög nærri, að Hofverja og Krossvíkinga yrði getið
1 Glkofra þætti og Þorkeli Geitissyni þá skipað í sæti Sighvats
Halfdanarsonar. Um leið má það vekja sérstaka athygli, að Hof-
Verjinn Broddi Bjarnason er í öllum heimildum öðrum en Olkofra
bostti kallaður Skeggbroddi.15) Bendir þetta ótvírætt til þess, að
þannig hafi nafn hans geymzt í arfsögn og ættartölum, en sé af
ráðnum hug stytt af þáttarhöfundi, svo að það hæfði sem gervi-
Heiti manni með sex stafa nafni. Mun sá brátt koma í leitimar.
Gerðarmennirnir í Bjarnardal, þcir Snorri prestur Narfason,