Almanak Ólafs S. Thorgeirssonar - 01.01.1912, Qupperneq 70

46
ÓLAFUR s. thorgeirsson:
atriði Jóns ekki borist mér í hendur og" haföi eg þó gjört
ráöstöfun til að fá þau.
Vestan viö Grunnavatnsbygð en sunnan við bygö ís-
lendinga í Álftavatnsbygð, býr Benekdit Rafnkelsson,
Skaftfellingur. Hann er einn af efnuðustu baendum þar
um slóðir og á að sögn eitt hið myndarlegasta heimili í
bygðinni. Hann er gripakaupmaður og leggur sjálfur
all-mikla stund á griparækt og fer það hvorttveggja vel
úr hendi.
Hér eru þá taldir all-flestir hinna eldri landnáms-
manna Grunnavatnsbygðar, þó ýmsra sé ef til vill ógetið,
vegna ókunnugleika þess er þetta ritar.
Árið 1902 byrjaði aftur innflutningur í Grunnavatns-
bygð frá Nýja íslandi. Árin 1900—1902 var flóð svo
mikið í Winnipegvatni, að lönd og hús bænda eyðilögð-
ust. Olli flóðið allra mestu skemdum í Mikley og öðrum
eyjum þar umhverfis og í svonefndri ísafoldarbyggð, er
liggur á vesturströnd Winnipegvatns fyrir norðan íslend-
ingafljót. Fengu ýmsir þeirra er löndin eyðulögðust hjá,
skifti hjá stjórninni, á hinum yfirflotnu löndum og löndum
í Grunnavatnsbygð. En sumir tóku sér heimilisréttar-
lönd á ný og létu hús og mannvirki er þeir höfðu gjört,
fyrir minna en hálfvirði. Merkaslir þessara innflytjenda
voru þeir læknarnir Jóhann Straumfjörð og Pétur Bjarna-
son.
Jóhann Straurafjörd er fæddur að Ármótum í Snæ-
fellsnessýslu árið 1840. Foreldrar hans voru Elías Sig-
urðsson og Halldóra Björnsdóttir er lengi bjuggu í Straum-
fjarðartungu í Miklaholtshrepp. Jóhann dvaldi hjáforeldr-
um sínum, þar til árið 1868, er hann giftist núlifandi konu
sinni Kristbjörgu Jónsdóttur. Reisti hann bú í Hrísdal
og bjó þar í 6 ár. Árið 1874 bygði hann jörðina Þórði
Þórðarsyni (alþitigismanns), með því skilyrði að kona Jó-